Apocalipsis 12:10 - Zapotec Yalálag: Diʼll danʼ nsaʼa yel nban

¹⁰ Naꞌll benraꞌ bnne to beꞌnn zo yebánꞌ zillj kwis neꞌe: —Ba bllin lla yesrá Dios kellonꞌ beꞌnn kaꞌ llonliraꞌll Leꞌen, ba bllin lla llakbeꞌllo nap Diosenꞌ yel wak xhen, ba bllin lla llnebieꞌ nench gak kon da llayaꞌl gak. Ba bllin lla Cristo beꞌnnenꞌ brejeꞌ nnebiaꞌn, ba llnebiaꞌreneꞌ Leꞌe. Gak da llayaꞌl gak, le daxiꞌo danꞌ ba bzo rao Diosenꞌ do lla do yer, blliayiꞌllen beꞌnn llonliraꞌll Cristonꞌ, ba babej akeꞌn koꞌllre.

Apocalipsis 12:10 Iomraidhean Croise

San Mateo 26:64

Jesúsenꞌ lleꞌe leꞌe: —Naksen kanꞌ nere, leskaꞌ niaꞌ reꞌ, wllin lla reꞌre nadaꞌ, Beꞌnnenꞌ Gorj Radj Beꞌnnach, lliaꞌ kwit Diosenꞌ beꞌnnenꞌ nape le zerawe yel wak xhen, naꞌ nnebiaꞌreneꞌ, naꞌ reꞌre yetjaꞌ leꞌ yebánꞌ radj bejenꞌ.

San Mateo 28:18

Naꞌll zej Jesúsenꞌ ganꞌ ze akeꞌ naꞌ, naꞌ lleꞌe leakeꞌ: —Ba ben Diosenꞌ rao naꞌ, doxhen yel llnebiaꞌ danꞌ de yebá naꞌ, naꞌ yellrio ni.

San Mateo 6:10

Yedchga yel llnebiaꞌ koꞌon. Gakchga kanꞌ lleꞌnroꞌ rao yellrionꞌ kanꞌ llak yebá naꞌ.

San Lucas 11:2

Naꞌll lleꞌe leakeꞌ: —Kate weꞌrenre Diosenꞌ diꞌll, ki nnere: Xa, rweꞌ lliaꞌo yebá, nak laꞌy raꞌon. Yedchga yel llnebiaꞌ koꞌon. Gakchga kanꞌ lleꞌnroꞌ rao yellrionꞌ, kanꞌ llak yebá naꞌ.

San Lucas 22:31

Leskaꞌ goll Xanllonꞌ Simón Pedronꞌ: —Simón, Simón ba bnnab daxiꞌon nench gonreꞌren reꞌ, gonen reꞌ ka llon beꞌnn llrobe trigo.

1 Corintios 5:4

Naꞌ kat ndop llayre lloeꞌraore Xanllo Jesucristonꞌ, legón xhbab naksllo txhen naꞌ, naꞌ zokze Xanllo Jesucristonꞌ llakreneꞌ reꞌ kone yel wak keꞌe naꞌ.

2 Corintios 12:9

Naꞌll goll Xanllonꞌ nadaꞌ: “Yel nllieꞌ kiaꞌn zerenen rweꞌ. Lezen naꞌ yalljroꞌ. Le kat bi zaꞌkroꞌ bi gonoꞌ, kanaꞌllenꞌ gakbeꞌroꞌ llakrenaꞌ rweꞌ nench gonoꞌ bi da llayaꞌl gonoꞌ.” Ke len naꞌ llaweraꞌ weꞌllaꞌ diꞌll, ke danꞌ llroeꞌn bibi llak gonaꞌ, le lleꞌnkazraꞌ yel wak ke Cristonꞌ sorenen nadaꞌ.

Tito 2:3

Leskaꞌ bzejnieꞌ noꞌr gor kaꞌ, nench naꞌ gak akeꞌ beꞌnn de baraꞌnne, naꞌ bi nne akeꞌ ke beꞌnne, naꞌ bi yeꞌj akeꞌ da llsolle beꞌnne. Llayaꞌl nniꞌt akeꞌ nnao akeꞌ da wen naꞌ, nench naꞌ nneze yezikre beꞌnne kanꞌ llayaꞌl gon akeꞌn.

1 Pedro 5:8

Llayaꞌl gonllo bien gonllo da zaꞌke, naꞌ sollo bi gatraꞌll-llo, le dateze daxiꞌon lliꞌnaon, lleꞌnen koꞌn lliꞌo nez xhinnjenꞌ, le llawén wlleyiꞌn lliꞌon, naꞌ llayirjlaꞌllen akre gonen, llonen ka llon to bell yiꞌx znia, llosiaꞌbaꞌ yirjbaꞌ ba gaobaꞌ.

Apocalipsis 11:15

Naꞌ bkwell trompet ke angl beꞌnn gallenꞌ, naꞌ benraꞌ bal beꞌnn kaꞌ zjallaꞌa yebánꞌ, bnne akeꞌ zillje, bne akeꞌ: Doxhen yel llnebiaꞌ ke yellrionꞌ, ba naken rao naꞌa Xanllo Diosenꞌ, ren Cristo beꞌnnenꞌ brejeꞌ llnebiaꞌ ke chnare.

Apocalipsis 2:26

Notezre beꞌnne chaꞌ bi kwej yichjeꞌ xtiꞌllaꞌn, naꞌ chaꞌ soereꞌ soteze goneꞌ kanꞌ nlliaꞌ biaꞌa naꞌ, kat yedaꞌ da yobre, gonaꞌ nnebiaꞌrén akeꞌ nadaꞌ yell kaꞌ zjalliꞌ yellrionꞌ.

Apocalipsis 7:10

Naꞌ llawé akreꞌ besiaꞌ akeꞌ zillje, llasné akeꞌ: Dios kello beꞌnn lliꞌ llnebiaꞌn, naꞌ Jesucristo beꞌnn nak ka xhiꞌr daꞌo, leakeꞌn ba basrá akeꞌ lliꞌo.