1 Juan 4:15 - Zapotec Yalálag: Diʼll danʼ nsaʼa yel nban

¹⁵ Naꞌ chaꞌ lliꞌo llejleꞌllo, naꞌ lloeꞌllo diꞌll nello Jesucristonꞌ nakeꞌ Xhiꞌnn Dios, Diosenꞌ zerenkzeꞌ lliꞌo, leskaꞌ lliꞌo zerenllo Diosenꞌ.

1 Juan 4:15 Iomraidhean Croise

San Mateo 10:32

’Naꞌ noteze beꞌnne chaꞌ wchebeꞌ nnaweꞌ nadaꞌ, lekze kaꞌ nadaꞌ wachebaꞌ rao Xaꞌ Diosenꞌ llia yebá, yepeꞌ nak beꞌnnenꞌ nadaꞌ txhen.

San Lucas 12:8

’Ni llniaꞌ reꞌ, noteze beꞌnn chaꞌ wchebeꞌ nnaweꞌ nadaꞌ, leskaꞌ nadaꞌ, Beꞌnnenꞌ Gorj Radj Beꞌnnach, wachebaꞌ nakeꞌ nadaꞌ txhen rao angl ke Dios llaꞌa yebá.

San Juan 6:56

Beꞌnn kaꞌ llasaꞌo akeꞌ kwerp kiaꞌn, naꞌ llaseꞌjeꞌ xchenaꞌn, de yel nban zejlikane ke beꞌnn kaꞌ, naꞌ nak akeꞌ nadaꞌ txhen, leskaꞌ nadaꞌ nak akseꞌ txhen.

Hechos 8:37

Felipenꞌ lleꞌe leꞌe: —Chaꞌ wxenraꞌlloꞌ Jesucristonꞌ do yichj do raꞌlldaꞌo, wakse. Naꞌll ne beꞌnnenꞌ: —Ba byejliaꞌ Jesucristonꞌ nakeꞌ Xhiꞌnn Dios.

Romanos 10:9

Chaꞌ weꞌrenoꞌ beꞌnne diꞌll ye akoeꞌ llonliraꞌlloꞌ Jesucristonꞌ, naꞌ chaꞌ do lo yichjraꞌlldaꞌo llejleꞌo Dios naꞌn basbán Jesucristonꞌ radj beꞌnn wat kaꞌ, naꞌllenꞌ yeraꞌo.

Filipenses 2:11

Naꞌ yeolol akeꞌ nne akeꞌ Jesucristonꞌ nakeꞌ Xanllo, gak kaꞌ nench Xallo Diosenꞌ sieꞌ yel baraꞌnne.

1 Juan 2:23

Naꞌ no beꞌnne lloeꞌ diꞌllenꞌ nneꞌe notno Jesucristo bseꞌl Diosenꞌ, leꞌen bi zerén Xallo Diosenꞌ leꞌe. Naꞌ beꞌnnenꞌ lloeꞌ diꞌll nneꞌe Dios naꞌ bseꞌleꞌ Jesucristonꞌ, zorenkze Xallo Diosenꞌ leꞌe.

1 Juan 2:24

Naꞌ ka nak reꞌ, lesó lewzenay ka da kaꞌ ba bzénetoꞌ reꞌ, kanꞌ bzoraore llonliraꞌllre Cristo naꞌte. Naꞌ chaꞌ wzoatezre diꞌll keꞌen, naꞌ kaꞌ sorenkze Xallo Diosenꞌ reꞌ ren Xhiꞌnneꞌ Cristo naꞌ.

1 Juan 3:23

Naꞌ da ni nllia Diosenꞌ biaꞌa gonllo, gonliraꞌll-llo Xhiꞌnneꞌ Jesucristonꞌ do yichj do raꞌll-llo, naꞌ llieꞌ lwelljllo, kon kanꞌ nak diꞌll biaꞌa keꞌe naꞌ.

1 Juan 3:24

Naꞌ chaꞌ llonllo kanꞌ nak diꞌll biaꞌa keꞌe naꞌ, zerenkzllo Diosenꞌ, naꞌ Dios naꞌ zerenkzeꞌ lliꞌo. Naꞌ kinꞌ nnézello Diosenꞌ zereneꞌ lliꞌo: ka nak Spíritu keꞌen ba benneꞌn yoꞌn lo raꞌlldaꞌollo.

1 Juan 4:12

Ni to beꞌnne bi nna reꞌreꞌ Diosenꞌ. Zan chaꞌ lliꞌo nniꞌtllo llieꞌ lwelljllo, nakbieꞌ zorenkze Diosenꞌ lliꞌo, naꞌ nllieꞌlloeꞌ kanꞌ llayaꞌl llieꞌlloeꞌ naꞌ.

1 Juan 4:2

Naꞌ ki gak nnézello chaꞌ da linꞌ bzejnieꞌ Spíritu ke Diosenꞌ leakeꞌ ka diꞌllenꞌ lloeꞌ akeꞌn: yeolol beꞌnne weꞌe diꞌll ne akeꞌ Jesucristonꞌ nakeꞌ beꞌnn bseꞌl Dios, naꞌ gorjeꞌ radj beꞌnnach, nnézello yoꞌ Spíritu ke Diosenꞌ lo yichjraꞌlldaꞌweꞌ naꞌ.

1 Juan 5:1

Chaꞌ lliꞌo llejleꞌllo Jesucristonꞌ nakeꞌ beꞌnne bseꞌl Dios, naksllo xhiꞌnn Dios. Naꞌ chaꞌ nllieꞌllo Xallo Diosenꞌ, kaꞌkzenꞌ llayaꞌl llieꞌ lwelljllo, le beꞌnn lwelljllonꞌ xhiꞌnn Dioskzenꞌ.

1 Juan 5:5

Nollre no llzoe wkwase da xhinnjenꞌ de yellrio ni kaꞌle, le zeraoze beꞌnnenꞌ llejleꞌ ke Jesús beꞌnnenꞌ nakeꞌ dogarj Xhiꞌnn Dios, leakeꞌn llzoe akreꞌ llkwas akeꞌ da xhinnjenꞌ kaꞌle.

2 Juan 1:7

Beꞌnn zan ba bllach yellrio ni, llzejnieꞌ akreꞌ krere, le llroeꞌ akreꞌ ne akeꞌ, kere beꞌnn bseꞌl Dios Jesucristonꞌ beꞌnnenꞌ bed gorje radj beꞌnnachenꞌ. Noteze beꞌnn ne kaꞌ, beꞌnn wxhiyeꞌe akenꞌ, naꞌ llwie akreꞌ Cristo naꞌn.