San Mateo 4:10 - Dižaʼ güen c̱he ancho Jesucristo

¹⁰ Nach gož Jesúsen' ḻen: ―Beyej ca'ale Satanás. Nyojczen ḻe'e Xtiža' Diosen' žan: “Cheyaḻa' šejnilaže'cho X̱ancho Diosen' na' toze ḻe' gonxencho.”

San Mateo 4:10 Iomraidhean Croise

San Mateo 16:23

Perw Jesúsen' gwyec̱hje' gwṉe'e Pedroa' gože'ne': ―¡Gwcuas ca'ale Satanás! Chgo'oyeḻo' neda' bi gona' can' nžia bia' Diosen' gona'. Bi nsa'o xbab c̱he Dios, san nsa'o xbab c̱he beṉac̱h.

San Marcos 1:13

Na' gwzoe' latje dašen' c̱hoa ža ladjo be znia ca'. Na' Satanás dan' chnabia' da' xigüe' ca' goclažen' co'oyeḻan' ḻe' cont gone' da' mal. Nach beyoža' jasaclen angl c̱he Diosen' ḻe'.

San Lucas 10:18

Na' gože' ḻegaque': ―Ble'eda' bedao'nez gwnit yeḻa' gwnabia' c̱he Satanásen' dan' chnabia' da' x̱igüe' ca'.

San Lucas 11:18

Na' še Satanásen' dan' chnabia' da' x̱igüen' len da' x̱igüe' c̱hen ca' yesechojen c̱hople na' yesediḻen, ḻecze bi sibian', san na' yeyož yedon. Le'e chnale Beelzebún' dan' chnabia' da' x̱igüe' ca' chaclenen neda' cont chebeja' da' x̱igüe' zjayo'o zjanyaz yic̱hjlaždao' beṉe'.

San Lucas 13:16

No'ole nga naque' xi'iṉ diaža c̱he da' Abraham, na' Satanásen' dan' chnabia' da' x̱igüe' ca' benen cont ba bdobe cuerp c̱hen' šino'šoṉe iz. Da'nan' nacczen ḻicha ba beyona'ne' ža c̱he Dios.

San Lucas 22:3

Nach Satanásen' dan' chnabia' da' x̱igüe' ca' gwyo'o gwyazen ḻo' yic̱hjlaždao' Judas Iscarioten' ben' goque' txen len beṉe' šižiṉw ca' zjanaque' Jesúsen' txen,

San Lucas 22:31

Nach Jesúsen' gwne': ―Simón, ben xbab c̱hio', Satanásen' dan' chnabia' da' x̱igüe' ca' ba gwṉaben gaco' ḻo ne'en cont gonen cuejyic̱hjo' bich šejnilažo' neda'. Na' dan' gonen len le' naquen ca dan' chon beṉe' caten' chdie' trigon' ḻo' rner.

San Lucas 4:8

Nach Jesúsen' gože' Satanásen': ―Becuas ca'ale Satanás. Nyojcze Xtiža' Diosen' žan: “Cheyaḻa' šejnilaže'cho X̱ancho Diosen' na' toz ḻe' gonxencho.”

San Juan 13:27

Na' beyož bnežjue' Judasen' yetextilen' ḻa' gwyo'o gwyazte Satanás dan' chnabia' da' x̱igüe' ca' ḻo' yic̱hjlaždao' Judasen'. Nach Jesúsen' gože' Judasen': ―Da' ba zoa gono' benen bedao'nez.

Hechos 26:18

Chseḻa' le' gan' že' beṉe' bi zjanac beṉe' Israel na' gwzejni'ido'ne' cont yesebejyic̱hje' da' malen' zjanone' na' yesone' da' güen. Chaclaža' yesyechoje' ḻo na' Satanás dan' chnabia' da' x̱igüe' ca' na' yosozenague' c̱he Diosen' cont ṉitlao xtoḻa'gaque', na' ḻecze chaclaža' yesaque' txen len nochle beṉe' chesejnilaže' neda' beṉe' ba zjanac ḻo na' Diosen'.”

Hechos 5:3

Nach Pedroa' gože'ne': ―Ananías, ¿bixc̱hen' bzenago' c̱he Satanás dan' chnabia' da' x̱igüe' ca' na' chacdo' x̱oayago' Spiritw c̱he Diosen'? Chi'o neto' choṉo' doxen mechon' dan' ble'edo' c̱he yežlion', ḻen ba gwlo'ošagüe'le laten' par cuinḻe.

1 Corintios 5:5

Nach ḻe cuej ben' ca'ale na' ḻe goṉe' ḻo na' Satanás dan' chnabia' da' x̱igüe' ca' cont gonen can' chaclažen' len ḻe'. Ḻe gon ca' cont še yoša'šca yic̱hjlažda'ogüe' na' bi cuiaye'e toḻi tocaṉe cate' žin ža yid X̱ancho Jesúsen' yeto.

1 Corintios 7:5

Na' le'e nšagna'le bi gwžonḻe gonḻen ḻježle da' cheyaḻa' gonḻe len cuerp c̱helen', perw še naquen yeḻa' güexi'a c̱he choptele guaccze bi gonḻen to term dao' cont soatezle yoḻ güižle Diosen'. Na' te termen' yezoalen ḻježle da' yoble, ḻe Satanás dan' chnabia' da' x̱igüe' ca' co'oyeḻan' le'e gonḻe da' mal še ḻeca žan soalen ḻježle.

2 Corintios 11:14

Bi yebanele can' chesonen', ḻe ca'czen' chziye' Satanásen' chio', cheyon cuinen ca to angl beṉe' chactitchgua cont gaquecho naquen to angl güen beṉe' za' gan' zoa Diosen'.

2 Corintios 12:7

Cont bi ga'laža' c̱he da' ble'edagüe'da' na' da' ba bzejni'i X̱ancho Criston' neda', Diosen' be'e latje chžaglagua' len to da' zoa cha'an ca cha'a yeše' ḻo cuerp c̱hia' nga, na' ḻeca chaclaže' Satanásen' gacda' tole da' chac c̱hia' ca'.

2 Corintios 2:11

Na' chezi'xencho c̱he beṉe' cont Satanás dan' chnabia' da' x̱igüe' ca' bi soen gonen chio' gan, ḻe ṉezecho can' chaclažen' siye'czen chio'.

Santiago 4:7

Da'nan' cheyaḻa' gon cuincho ḻo na' Diosen' na' gwyo gwc̱hejlaže'cho bi gwzenagcho c̱he Satanásen'. Še goncho ca', gwcuaseczen ca'ale.

1 Pedro 5:9

Cheyaḻa' soac̱hac̱hcho bi gwzenagcho c̱he Satanásen' na' soac̱hac̱hcho šejnilaže'cho Jesucriston', ḻe ṉezecho beṉe' ḻježcho ca' chesejnilaže'ne' gate'tezechle ḻo yežlion' ḻecze chesezaca'zi'e can' chac c̱he chio'.