San Mateo 3:11 - Dižaʼ güen c̱he ancho Jesucristo

¹¹ Neda' da' ḻi chzoa' le'e nis ṉec̱he ba betiṉje xtoḻa'le, perw coža'na' za' yid ben' gon cont soa Spiritw c̱he Diosen' ḻo' yic̱hjlažda'olen' ṉabian' le'e. Na' beṉe' ca' bi yeson can' chazlaže' Diosen', seḻe' ḻegaque' ḻo yi' gabiḻen'. Na' ben' za' za' coža'na' zaca'che' ca neda' na' da' nacchgüe' beṉe' zaca', bi zaca' gona' xmandadoe' ḻec̱hja' no xele'.

San Mateo 3:11 Iomraidhean Croise

San Mateo 3:6

Na' cate' gosex̱oadoḻe' bi da' xiṉj zjanone', Juanṉa' bzoe' ḻegaque' nis ḻo yegw Jordánṉa'.

San Marcos 1:4

Ca' goquen', Juan ben' chzoa beṉe' nis bžine' latje dašen' na' gože' beṉe' ca' besežag na' cheyaḻa' yesyetiṉjde' xtoḻa'gaque' na' yesezoe' nis cont ṉitlao xtoḻa'gaque'.

San Lucas 1:17

Na' cuialaobe' lao X̱anchon', na' soa Spiritw c̱he Diosen' len ḻebe' can' gwzoan len da' Elíasen', na' ḻecz ca' yeḻa' guac c̱he Diosen'. Na' beṉe' ca' bi nita' binḻo len xi'iṉe' ca', gombe' ga yesenite' binḻo len ḻegacbe', na' beṉe' güedenag ca' gombe' yosozenague' c̱he Diosen'. Gombe' cont yesenita' beṉe' yesonxene' X̱anchon' cate' yide'.

San Lucas 3:16

Na' Juanṉa' gocbe'ede' xbab c̱hegaquen' na' gože' yogo'ḻoḻe': ―Neda' da' ḻi chzoa' le'e nis, perw za' yid bena' gon cont soa Spiritw c̱he Diosen' ḻo' yic̱hjlažda'olen' ṉabian' le'e. Na' Spiriton' naquen ca yi', na' gwxi gwloan yic̱hjlažda'ole. Bena' za' za' zaca'che' ca neda', na' da' nacchgüe' beṉe zaca' bitw zaca' gona' xmandadoe' ḻec̱hja' no xele'.

San Lucas 3:3

Na' Juanṉa' gwyeje' yogo'ḻoḻ yež dan' nita' gaḻa'ze yegw Jordán, jatix̱jue'ede' yogo'ḻoḻ beṉe' cheyaḻa' yesyetiṉjde' xtoḻa'gaque' na' yesezoe' nis cont ṉitlao xtoḻa'gaquen'.

San Juan 1:15

Juanṉa' ben' bzoe' beṉe' nis be'e diža' c̱he', gwne': ―C̱he bengan' bi'a diža' cate' gwnia': “Beṉe' za' za' zaca'che' ca neda', ḻe ba zoacze ḻe' cate' biṉa' soa' neda'.”

San Juan 1:30

C̱he ḻen' bi'a diža', gwnia': “Ben' za' za' zaca'che' ca neda', na' ḻe' ba zoacze' cate' biṉa' soa' neda'.”

Hechos 1:5

Da' zaque' ben Juan da' bzoe' beṉe' nis, perw yeto c̱hope ža da' zaca'ch gac c̱hele dan' yedesoa Spiritw c̱he Diosen' ḻo' yic̱hjlažda'olen' ṉabi'an le'e.

Hechos 19:4

Nach gož Pablon' ḻegaque': ―Da' Juanṉa' bzoe' beṉe' nis cate' besyetiṉje xtoḻa'gaque' na' ḻecze gože' ḻegaque' cheyaḻa' yesonxene' bena' za' seḻa' Diosen'. Na' da' gwne' ca' be'e diža' c̱he Jesucriston'.

Hechos 8:36

Na' ca' chac, besežine' ga žia nis, nach bena' gože' Felipen': ―Nga žia nis, ¿cbi gac soa' nisen' ṉa'a?

Hechos 8:38

Nach bene' mandadw bcueze' carreten' na' betj Felipen' len beṉe' Etiopían' jasežo'e ḻo' nisen' cont Felipen' bzoe'ne' nis.

1 Corintios 12:13

Baḻ chio' naccho beṉe' Israel na' yebaḻ chio' bi naccho beṉe' Israel. Baḻcho naccho esclavo na' yebaḻcho bi naccho. Perw yogo'czcho gwzoacho nis par blo'echo ba ben Spiritw c̱he Diosen' cont naccho txen len Criston', na' ḻecze toze Spiritw c̱he Diosen' zoan ḻo' yic̱hjlaždao' yogo'cho.

Efesios 3:8

Chacda' ṉe late'ze bibi zaca' ladjo yogo' beṉe' ba gwlej Diosen' zjanaque' ḻo ne'e. Bia'cze nži'ilaže'de' neda' na' gwleje' neda' cont chyix̱jue'eda' len beṉe' bi zjanac beṉe' Israel catec da' zan da' güen juisyw gone' len yogo' chio' chejnilaže'cho Criston'.

Tito 3:5

Noṉe' chio' yeḻa' mban toḻi tocaṉe gague ṉec̱he bi da' güen benchon', san da' beyaše'de' chio'. Nachen' beya' beyibe' yic̱hjlažda'ochon' len da' malen' cate' gwzolao chejnilaže'chone', na' Spiritw c̱hen' bocoben yic̱hjlažda'ochon'.

1 Pedro 5:5

Nach ḻecze ca' le'e beṉe' xcuide', cheyaḻa' gwzex̱jw yic̱hjle gwzenagle c̱he beṉe' ca' ba zjanchoj ben' chosogüia chosoṉe'e le'e. Na' yogo'le ḻe gwzex̱jw yic̱hjle cont gwzenag c̱he ḻježle, ḻe: Diosen' chdiḻlene' beṉe' zjanac ya'laže', san chaclene' beṉe' chosozex̱jwlaže' lagüen'.