San Mateo 26:4 - Dižaʼ güen c̱he ancho Jesucristo

⁴ Na' cheseyiljwlaže' naclen' yesone' yeseziye'e Jesúsen' cont yesezene'ne' yesote'ne'.

San Mateo 26:4 Iomraidhean Croise

San Mateo 12:14

Nach beṉe' fariseo ca' besyežaše' yodaon' na' bosoxi'e nacle yesone' yesote' Jesúsen'.

San Mateo 23:33

’Le'e nacchguale beṉe' zgot na' beṉe' gwxiye'. Bitw gac yelale lao castigw dan' goṉ Diosen' le'e, ḻe seḻe' le'e ḻo yi' gabiḻen'.

San Marcos 14:1

Yec̱hop ža za' gaḻa' pascw na' ḻṉi dan' chesone' caten' chesagüe' yetextil dan' bibi levadura yo'on. Na' bx̱oz gwnabia' ca' na' beṉe' ca' chososed chosolo'e dan' bzoj da' Moisés cheseyiljwlaže' nac yesone' yeseziye'e Jesúsen' cont yesezene'ne' yesote'ne'.

San Juan 11:53

Ca' goquen', žana' beṉe' gwnabia' ca' gosezolagüe' bosoxi'e nacle yesone' yesote' Jesúsen'.

Hechos 13:10

Nach gože'ne': ―Naco' xi'iṉ Satanás dan' chnabia' da' x̱igüe' ca', yeḻa' güex̱oayag c̱hio' na' yeḻa' beṉe' mal c̱hio'. Bi chazlažo' bite'teze da' güen. ¿Bic̱hen' cbi chbezo' chžono' yosozenag beṉe' diža' ḻi c̱he X̱anto' Diosen'?

Hechos 7:19

Na' rey nga gwdiljwlaže' bi da' mal bene' len da' x̱ozxta'ocho beṉe' Israel ca' na' bene' mandadw šjasecho'oṉ xi'iṉgaque'na' cont yesatbe'.

2 Corintios 11:3

Chxožda' yeseziye' beṉe' le'e cont bich šejnilaže'le Criston' do laže'le na' bich gaquele toz ḻe'. Can' gwziye' beḻen' da' no'ole nechon', no'olen' gože' Eva, da' nacba' be x̱igüe'.