San Mateo 18:3 - Dižaʼ güen c̱he ancho Jesucristo

³ Na' gože'ne': ―Da' ḻi žia' le'e, note'tezle še bi gwša' xbab c̱helen' cont gwzenagle c̱he Diosen' ca chon to bidao' cate' chzenagbe' c̱he x̱axṉa'be', gwbat ṉabia' Diosen' ben' zoa yaban' yic̱hjlažda'ole.

San Mateo 18:3 Iomraidhean Croise

San Mateo 13:15

Nacle beṉe' güedenag na' bac̱h natcze yic̱hjlažda'olen'. Bi chazlaže'le gwzenagle dan' chenele na' dan' chle'ele; con nacle beṉe' güedenag. Šaca' bi nacle beṉe' güedenag, šejni'ile bi zejen dan' chenele na' dan' chle'ele. Nach yetiṉjele xtoḻa'le cont yeca'an na' yocoba' yic̱hjlažda'olen'.

San Mateo 18:2

Na' Jesúsen' goxe' to bidao' na' bzeche'be' gachoḻ ḻegaque'.

San Mateo 18:4

Na' note'teze beṉe' še yeyaque' ca bidao' nga na' gwzex̱jwlaže' lao Diosen', nach gaque' beṉe' blao len neda' cate' Diosen' ben' zoa yaba gone' cont solao ṉabi'a.

San Mateo 19:14

Nach Jesúsen' gože'ne': ―Ḻe güe' latje yesid bidao' ca' lagua' nga, na' bi gwžonḻe, ḻe beṉe' ca' zjanac ca bidao' quinga, ḻegaque' chosozenague' c̱he Diosen' ben' zoa yaba cont chnabi'e yic̱hjlažda'ogaque'.

San Mateo 19:23

Gwde na' Jesúsen' gože' beṉe' ca' zjanaque' ḻe' txen: ―Da' ḻi žia' le'e, ḻeca zdebe naquen to beṉe' gwṉi'a gwzenague' c̱he Dios ben' zoa yaba cont Diosen' ṉabi'e yic̱hjlažda'ogüe'.

San Mateo 5:18

Da' ḻi žia' le'e, te c̱he yežlio nga len da' ca' chle'echo ḻe'e yaban', perw ṉe to letr dao' ṉe to punt dao' dan' nyoj ḻe'e leyna' bi gac yexin, san gac yogo'ḻoḻ dan' nžia bia' Diosen' gac.

San Mateo 5:20

Chnia' le'e, beṉe' fariseo ca' na' beṉe' ca' chososed chosolo'e dan' bzoj da' Moisés bitw zjanac yic̱hjlažda'ogaquen' güen lao Diosen'. Na' še yic̱hjlažda'olen' bi gacchen güen lao Diosen' clel ca c̱he beṉe' ca', bitw yežinḻe yaban' gan' zoa Diosen' chnabi'e.

San Mateo 6:16

’Cate' le'e gonḻe gwbas cont gonxenḻe Diosen', bitw gon cho'alaolen' ca c̱he beṉe' chegüine'chgüe', can' cheson beṉe' gwxiye' ca'. Ḻegaque' chesone' ca' contze chesele'e beṉe' ḻe chesone' gwbas na' yesonxene' ḻegaque'. Da' ḻi žia' le'e, ba gosacxencze' lagüe da' chesone' ca', perw Diosen' bitw gone' ga gac güen c̱hegaque' še ca'.

San Mateo 6:2

Da'nan' cate' gwnežjwle to beṉe' da' chyažjde', bitw gwnežjwlen par yeseṉeze beṉe' ca dan' chonḻen'. Beṉe' gwxiye' ca' chosonežjue' bi da' chosonežjue' do ḻo' yodao' na' do chanez par yeseṉeze beṉe' na' yeseṉe' güen c̱hegaque'. Da' ḻi žia' le'e, ba gosacxencze' lagüe da' chesone' ca', perw Diosen' bitw gone' ga gac güen c̱hegaque' še ca'.

San Mateo 6:5

’Cate' yoḻ güižle Diosen', bitw gonḻe can' cheson beṉe' gwxiye' ca'. Ḻegaque' chesyebede' chesezeche' chosoḻ güiže'ne' ḻo' yodao' c̱hegaque', na' do squin chanez. Chesone' ca' cont yesele'e beṉe' can' chesone'na'. Da' ḻi žia' le'e, ba gosacxenczen' lagüe da' chesone' ca', perw Diosen' bitw gone' ga gac güen c̱hegaque' še ca'.

San Marcos 4:12

Chona' ca' cont yesele'ede' can' chonan' na' bitw yesacbe'ede' bi zejen, na' cont yesende' xtižan' na' bi yesejni'iden', na' ṉeca yesyetiṉjde', ṉeca yezi'xen Diosen' xtoḻen'.

San Lucas 13:24

―Chnia' le'e, beṉe' zan chese'nde' yeseṉite' binḻo len Diosen', perw gwžin ža cate' bich gac yesone' cont yeseṉite' binḻo len ḻe'. Da' nac žialao gonḻe, c̱hiljwlaže'le nac gonḻe cont soale binḻo len Diosen'

San Lucas 22:32

Perw na' neda' ba gwṉaba' gaclen Diosen' le' cont bi cuejyic̱hjo' dan' chejnilažo' neda'. Na' cate' ba betiṉjdo' xtoḻo'na', gono' c̱hac̱h laže' beṉe' ḻježo' quinga.

San Juan 1:51

Da' ḻi chnia', le'ele yaban' gan' zoa Diosen' gaquen ca to da' chyaljo na' beṉe' ca' zjanac angl c̱he' chep chetj yesaque' yežlio gan' zoa' nga, ḻe neda' naca' ben' gwseḻa' Dios golja' beṉac̱h.

San Juan 3:3

Na' gož Jesúsen' ḻe': ―Da' ḻi chnia' le', še non' bi galje yeto bi gac šjayzoe' gan' zoa Diosen' chnabi'e.

San Juan 3:5

Na' Jesúsen' gozne': ―Chnia' le'e to da' zejen, še non' bi galje' len nis na' len Spiritw c̱he Diosen', bi gac šjayzoe' gan' zoa Diosen' chnabi'e.

Hechos 14:22

Na' to to yež gan' ja'aque' gosone' c̱hac̱h laže' beṉe' ca' chesonxene' Jesucriston' na' gose'e ḻegaque' yesenite' yesonxene' ḻe' do yic̱hj do laže', na' gose'e ḻegaque' da' zan da' gac da' saca'zi'cho šlac chbezcho yeyejcho yaban' gan' zoa Diosen' chnabi'e.

Hechos 28:27

Nacle beṉe' güedenag na' bac̱h natcze yic̱hjlažda'olen'. Bi chazlaže'le gwzenagle dan' chenele na' dan' chle'ele; con nacle beṉe' güedenag. Šaca' bi nacle beṉe' güedenag, šejni'ile bi zejen dan' chenele na' dan' chle'ele. Nach yetiṉjele xtoḻa'le cont yeca'an na' yocoba' yic̱hjlažda'olen'.

Hechos 3:19

Da'nan' ḻe yeyonšca xbab c̱hele na' ḻe yetiṉje xtoḻa'len' cont X̱ancho Diosen' gwṉitlagüen' na' gone' ga soale mbalaz.

1 Corintios 14:20

Beṉe' migw, bi cheyaḻa' šo'cho xbab c̱he bidao' biṉa' šejni'i, san šo'cho xbab c̱he beṉe' chejni'i. Perw len da' malen' cheyaḻa' gaccho ca bidao' bi' biṉa' gon da' mal.

1 Pedro 2:2

Na' ca bi' che'eṉ dao' žan yesaže'be' xiže'gacbe', can' cheyaḻa' selaže'cho yenecho xtiža' Diosen', ḻe naquen da' güenchgua, na' cate' chzenagchon chaclenen chio' cont choncho can' cheyaḻa' gon chio' ba de yeḻa' mban c̱hecho toḻi tocaṉe.

2 Pedro 1:11

na' mbalazchgua gwleb Diosen' chio' cate' šjayzoacho len X̱ancho Jesucriston' gan' chnabi'e toḻi tocaṉe, Jesucristw ben' noṉe' yeḻa' mban c̱hecho toḻi tocaṉe.