San Mateo 11:5 - Dižaʼ güen c̱he ancho Jesucristo

⁵ Ba ble'ele chona' cont chesyele'e no beṉe' lc̱hoḻ, na' chesyeda no beṉe' zjanxiṉj ṉi'e. Na' ḻecze beṉe' gose'e yižgüe' dan' nzi' lepra besyeyacde', na' chesyeyene no beṉe' cuež. Ba ble'ele bosbana' no beṉe' guat, na' ba benele choa' diža' güen c̱hia' len beṉe' yaše' ca'.

San Mateo 11:5 Iomraidhean Croise

San Mateo 10:8

Ḻe yeyon beṉe' chesacšene, ḻe yeyon beṉe' ca' chese'e yižgüe' dan' nzi' lepra, ḻe yosban no beṉe' ba gosat, na' ḻe yebej da' x̱igüe' ca' zjayo'o zjanyaz ḻo' yic̱hjlaždao' beṉe'. Diosen' bibi bc̱hixjue' le'e da' ba beṉe' le'e yeḻa' guac c̱hen' cont gonḻe da' quinga, da'nan' ḻe gaclen beṉe' na' bibi gwc̱hixjwlene'.

San Mateo 11:4

Nach Jesúsen' gože' ḻegaque': ―Ḻe šjaya'ac na' ḻe šjayež Juanṉa' doxen da' ca' ba ble'ele na' da' ca' ba benele.

San Mateo 12:13

Nach Jesúsen' gože' ben' nx̱o'oṉ taque'na': ―Bḻi naon'. Na' bḻien' na' taquen' beyaquen binḻo can' nac dan' yešḻa'a.

San Mateo 21:14

Na' beṉe' lc̱hoḻ ca' na' len beṉe' ca' nxiṉj ṉi'e gosebigue' lao Jesúsen' šlac zoe' chyo'o yodaon'. Nach beyone' ḻegaque'.

San Mateo 5:3

―Mbalaz zoa le'e chacbe'ele chyažjele gaclen Diosen' le'e, ḻe ba chzenagle c̱he Diosen' cont chnabi'e yic̱hjlažda'olen'.

San Mateo 9:30

Nach besyeyac yejlaogaquen' besyele'ede'. Na' Jesúsen' gože' ḻegaque' bicze yeso'e diža' can' goc besyeyac yejlaogaquen'.

San Marcos 7:37

Na' ḻeca besyebande', na' gosene': ―Yogon' chone' binḻo; chacte chone' cont chesyeyene beṉe' cuež ca' na' beṉe' ca' bi chac yeseṉe' chesyeṉie'.

San Marcos 9:25

Na' cate' Jesúsen' ble'ede' chesežagchgua beṉe', gwdiḻe' da' x̱igüen' gožen': ―Da' x̱igüe', le' chono' cont bi' nga bi chenebe' na' bi chac ṉebe', neda' žia' yechojo'. Bsan bi' nga, na' bich yeyo'o yic̱hjlažda'oben'.

San Lucas 4:18

Zoa Spiritw c̱he Diosa' len neda', na' Diosen' gwleje' neda' zedeya' diža' güen len beṉe' yaše'. Na' gwseḻe' neda' zedeyena' cont yesyeyaclaže' beṉe' ca' chesacyaše'de'. Na' za'a cont gwsana' beṉe' ca' zjade ḻižya. Na' zedeyena' cont yesyele'e beṉe' lc̱hoḻ. Na' beṉe' chyi chzaca', zedeyena' cont noch no yosoc̱hi yososaque' ḻegaque'.

San Juan 10:25

Na' gož Jesúsen' ḻegaque': ―Ba gwnia' le'e na' bi chejḻe'le. Da' ca' ba bena' len yeḻa' guac c̱he X̱an' chlo'en naca' beṉe' gwseḻe'.

San Juan 10:38

Perw še chacbe'ele chona' da' zaca' len yeḻa' guac c̱he Diosen', cheyaḻa' šejḻe'le ḻen' gwseḻe' neda', ḻa'czḻa' bi chaclaže'le šejḻe'le xtižan'. Na' še šejḻe'le c̱he da' ca' chonan', nachen' ṉezele zoa X̱an' len neda' na' neda' zoa' len ḻe', ḻe toz beṉen' nacto'.

San Juan 2:23

Šlac gwzoa Jesúsen' Jerusalénṉa' ḻo ḻṉi pascon' beṉe' zan besele'ede' yeḻa' guac ca' dan' benen' na' gosejḻe'e naque' beṉe' gwseḻa' Dios.

San Juan 3:2

Gwyeje' lao Jesúsen' šeže'le na' gože'ne': ―Maestrw, ṉezeto' Diosen' gwseḻe' le' cont chzejni'ido' neto', ḻe nono gac gon yeḻa' guac ca' dan' chonon' še bi zoa Diosen' len ḻe'.

San Juan 5:36

Na' de to da' choe' xtiža' da' zaca'ch ca diža' da' choe' Juanṉa' c̱hia': chona' yogoḻoḻ da' ba gwlo'o X̱an' ḻo na' gona', na' da' ca' chonan' choen' diža' ḻe X̱an' gwseḻe' neda'.

San Juan 9:7

Nach gože' ben': ―Gwyej jaydib yejlaguon' cho'a yel da' nzi' Yel Siloé. (Na' Siloé zeje diža' Nseḻa'.) Na' gwyeje' na' beyib yejlagüen' na' cate' beze'e zjayde' ba chle'ede'.

Hechos 2:22

’Na' le'e beṉe' Israel gualaž c̱hia', ḻe gwzenag c̱hia'. Jesúsen' ben' nac beṉe' yež Nazaret, Diosen' blo'ede' naque' beṉe' zaque'. Diosen' bene' cont Jesúsen' bene' yeḻa' guac na' bichle da' zaca' yebanecho can' ṉezeczelen'.

Santiago 2:5

Beṉe' migw, Diosen' ba gwleje' zan beṉe' yaše' zjanaque' xi'iṉe' na' chesejnilaže'chgüe' ḻe'. Na' yesenite' mbalaz cate' yesyežine' gan' zoen' chnabi'e, can' gwna Diosen' gac c̱he note'teze chio' chaquecho ḻe'.