San Mateo 10:6 - Dižaʼ güen c̱he ancho Jesucristo

⁶ Ḻe šja'ac gan' že' beṉe' Israel beṉe' ba zjambiayi' dan' bitw ṉa' yesombi'e Diosen'.

San Mateo 10:6 Iomraidhean Croise

San Mateo 18:10

’Bi gonḻe note'teze beṉe' chejnilaže' neda' ca beṉe' bibi zaca'tec, ḻa'czḻa' bitec zaque' len beṉac̱h. Žia' le'e, angl ca' chesape' ḻegaque' ḻecze nite' lao X̱a' Diosen' yaban' gan' zoe'na'.

San Mateo 18:11

Na' ca naca' neda', Diosen' gwseḻe' neda' golja' beṉac̱h cont gwnežjua' yeḻa' mban toḻi tocaṉe c̱he beṉe' ba zjambiayi'.

San Lucas 24:47

Na' le'e cheyaḻa' güe'le xtiža'na' len beṉe' že' yogo' nación. Solaotecle güe'len Jerusalén. Güe'le xtižan' ṉale cheyaḻa' yesyetiṉje beṉac̱hen' xtoḻa'gaquen' cont Diosen' yezi'xene' c̱hegaque'.

Hechos 13:46

Perw na' Pablon' len Bernabén' bi besežebe' san gose'e beṉe' ca' že'na': ―Ba bento' can' gwnalaže' Diosen' na' zgua'tec bzejni'ito' le'e nacle beṉe' Israel gualaž c̱heto'. Na' ṉa'a dan' bi chaclaže'le gwzenagle, chonḻe cont bi goṉ Diosen' le'e yeḻa' mban toḻi tocaṉe. Da'nan' ṉa'a gwzejni'ito' beṉe' ca' bi zjanac beṉe' Israel.

Hechos 18:6

Perw beṉe' Israel ca' beseže'e Pablon' na' bosožie' yeḻa' ya' c̱he'. Nach Pablon' gwšibe' xe'na' cont blo'e chbejyic̱hje' ḻegaque', gwne': ―Bibi doḻa' napa' dan' cuiayi'le toḻi tocaṉe. Le'e naple doḻa'. Na' ṉa'a šjased šjalo'eda' beṉe' ca' bi zjanac beṉe' Israel.

Hechos 26:20

Zgua'tec jazejni'ida' beṉe' ca' že' ciuda Damasco xtiže'na' na' gwdechle jazejni'ida' beṉe' ca' že' Jerusalénṉa' len beṉe' že' doxen distritw Judean', goše'gaca'ne' cheyaḻa' yesebejyic̱hje' xtoḻa'gaque' na' yosozenague' c̱he Diosen' na' yesone' da' güen cont gacbia' ba gosebejyic̱hje' da' malen'. Can' bzejni'ida' beṉe' Israel gualaž c̱hecho ca' lente beṉe' ca' bi zjanac beṉe' Israel.

Hechos 3:26

Da'nan' cate' Diosen' bosbane' Xi'iṉe' Criston' ladjo beṉe' guat ca', zgua'tec gwseḻe'ne' lao chio' beṉe' Israel da' goclaže' gaclene' chio' cont to tocho yetiṉjecho xtoḻa'chon'.

1 Pedro 2:25

Goccho ca xila' be gosacžeje, perw ṉa'a ba naccho ca be yo'o ḻo na' x̱amba' cont chyoeba', ḻe Criston' chgüia chṉe'e chio' na' yo'o ḻo ne'e lažda'ochon' chcuas chcue'ejen' len da' malen'.