San Lucas 9:3 - Dižaʼ güen c̱he ancho Jesucristo

³ Na' gože' ḻegaque': ―Bibi gox̱e'le tnez. Bitw gox̱e'le xis da' gwc̱hiše'le, ṉeca gua'le bzod, ṉe yet, ṉe mechw, na' bitw gua'le yeto xcamisle.

San Lucas 9:3 Iomraidhean Croise

San Marcos 6:7

Na' goxe' beṉe' šižiṉw ca' na' gwseḻe' c̱hop güeje' to to yež, na' bnežjue'ne' yeḻa' gwnabia' cont goc besyebeje' da' x̱igüe' ḻo' yic̱hjlaždao' beṉe'.

San Lucas 12:22

Na' gož Jesúsen' beṉe' ca' zjanaque' ḻe' txen: ―Da'nan' žia' le'e, bi gacžejlaže'le bi da' gagwle šlac mbanḻe, na' ḻecz ca' bi gacžejlaže'le c̱he xaḻana'le.

San Lucas 12:28

Diosen' none' xdan da' ca' ze yix̱en' ḻa'czḻa' to c̱hop žaze nitan' na' chosozeyen'. ¡Nacchxe gon Diosen' len le'e gwleccze yic̱hje' goṉe' yogo' da' chyažjele, le'e late' lasze chejḻe'le c̱he'!

San Lucas 22:35

Na' gože' beṉe' ca' zjanaque' ḻe' txen: ―¿Byažjele bi da' byažjele cate' gwseḻa' le'e jatix̱jue'ele xtiža'na'? Gwseḻa' le'e sin cbi bia'le mechw, ṉe bzod, na' ṉeca bia'le xelle. Na' gose'ene': ―Bitw bi byažjeto'.

San Lucas 3:11

Na' gože' ḻegaque': ―Ben' nape' c̱hope camis cheyaḻa' gwnežjue' ton c̱he beṉe' bi de c̱he'. Na' ḻecze ca' c̱he ben' de da' gagüe', cheyaḻa' gwnežjue' c̱he ben' bi de gagüe'.

San Lucas 5:29

Nach Levína' bene' to ḻṉi xen ližen' par Jesúsen', na' ja'ac beṉe' zan beṉe' güec̱hixjw ca' na' beṉe' yezica'chle na' gosebe'lene' ḻe' cho'a mesen' gosagüe'.

San Lucas 9:4

Cate' žinḻe to liž beṉe', na'ze yega'aṉle šlac zoale lagüe yeža'; cate'ch yeza'le yeža', cana'ch yeza'le latja'.

2 Timoteo 2:4

Ṉezecho beṉe' zej yeḻa' soldadon' bi chac gon xšine' šlac zeje' lao gwdiḻa', san chbejyic̱hjen' cont gone' bin' ža ben' nac x̱an soldadw ca'.