San Lucas 8:20 - Dižaʼ güen c̱he ancho Jesucristo

²⁰ Na' to ben' ze na' gože' Jesúsen': ―Xṉa'o len beṉe' bišo' ca' zjanite' chyo'o na' chesaclaže' yedeseṉe'e le'e.

San Lucas 8:20 Iomraidhean Croise

San Marcos 6:3

Benga chonšagüe' yag na' naque' xi'iṉ María. Nombia'chwne' na' beṉe' biše' Jacobo, José, Judas na' Simón, na' ḻecze beṉe' zane' ca' nite' lažcho nga. Na' da' zjanombi'ene' nan' bi gosaclaže' yesejḻe'e c̱he'.

San Lucas 8:19

Na' xṉa' Jesúsen' len beṉe' biše' ca' besežine' gan' zoa Jesúsen', gosaclaže' yeso'e, perw catec beṉe' zan že' gague goc latje yesežine' lagüe' na'ate.

San Lucas 8:21

Na' Jesúsen' gože' ḻegaque': ―Beṉe' ca' chosozenag xtiža' Diosen' na' chesezi'e cho'alao xtižen', beṉe' can' zjanaque' xṉa'a na' biša'.

Hechos 1:14

Na' gosenita'teze postlw ca' šnej chosoḻ güiže' Diosen' txen len beṉe' ca' zjanaque' biše' Jesúsen' na' len María xṉa' Jesúsen' na' len yezica'chle no'ol ca' zjanžag.

1 Corintios 9:5

Na' guac gwšagna'lena' no'ole chejnilaže' Criston', na' yec̱hi'ane' gan' šjena' xšin Diosen', can' chon Pedron', na' can' cheson yezica'chle postlw ca' na' can' cheson beṉe' biše' X̱anchon'.

Gálatas 1:19

Perw bitw bšaga' yezica'chle postlw ca' san toze Jacobo beṉe' biše' X̱anchon'.