San Lucas 7:19 - Dižaʼ güen c̱he ancho Jesucristo

¹⁹ nach gože' ḻegaque': ―Ḻe šja'ac gan' zoa Jesúsen' na' ye'lne': “¿Len' naco' ben' chbezto' seḻa' Diosen' o še cheyaḻa' cuezchto' yid beṉe' yoble?”

San Lucas 7:19 Iomraidhean Croise

San Marcos 6:7

Na' goxe' beṉe' šižiṉw ca' na' gwseḻe' c̱hop güeje' to to yež, na' bnežjue'ne' yeḻa' gwnabia' cont goc besyebeje' da' x̱igüe' ḻo' yic̱hjlaždao' beṉe'.

San Lucas 10:1

Na' gwdechle X̱ancho Jesúsen' gwleje' yegayonši beṉe' na' bene' mandadw yesebialagüe' šja'ac c̱hope güeje' to to yež ga za' šej ḻe'.

San Lucas 11:1

Na' gwzoa Jesúsa' to latje choḻ güiže' Diosen'. Cate' beyož boḻ güiže'ne' to beṉe' ca' zjanaque' ḻe' txen gože' ḻe': ―X̱anto', bzejni'i neto' nac cheyaḻa' yoḻ güižto' Diosen', can' bzejni'i da' Juanṉa' beṉe' ca' gosaque' txen ḻen ḻe'.

San Lucas 11:39

Na' X̱ancho Jesúsen' gože' ḻe': ―Le'e beṉe' fariseo nacle ca xiga' ye'eṉ da' chc̱hin beṉe' na' chyibe' cožen' binḻo perw bi chyibe' do ḻo'en. Chonḻe cont chesaque beṉe' nacle beṉe' güen, perw chebele chca'ale bi da' de c̱he beṉe' na' nacle beṉe' mal juisyw.

San Lucas 12:42

Nach gož X̱anchon' Pedroa': ―Naquen par note'tez beṉe' še chone' can' chon mos blao ben' chejni'i, ben' chon can' cheyaḻa' gone'. Ben' chon ca', co' x̱ane' ḻo ne'e ližen' cont ṉe'e mos ca' yezica'chle. Na' gone' da' yesagw to toe' cate' žin hor yesagüe'.

San Lucas 13:15

Nach X̱ancho Jesúsen' gože'ne': ―Beṉe' gwxiye' le' len beṉe' ḻježo'. ¿Gague ḻo ža c̱he Dios bia'cze chsežle go'ṉ c̱hele o burr c̱hele ga zjada'ba' chjasanḻba' güe'ej nis?

San Lucas 17:5

Na' gose' postlw ca' X̱ancho Jesúsen': ―Gaclenšco' neto' cont šejḻe'chto' c̱he Diosen'.

San Lucas 17:6

Nach gož X̱anchon' ḻegaque': ―Xsa yag xomdas naquen da' dao' riz, na' ḻa'czḻa' dan' chejnilaže'le Diosen' naquen ca to xsa xomdas lagüe dan' bi chejnilaže'teclne', še šejnilaže'lne', guaque ye'le yag nga: “Gwcuase nga na' jayzoa ḻo' nisdaon'”, na' guaccze can' nalna'.

San Lucas 18:6

Nach gož X̱anchon' ḻegaque': ―Ḻe goṉ xbab c̱he dan' gwna juezen' ben' bi zej to ḻicha.

San Lucas 19:8

Nach Zaqueon' gwzeche' na' gože' X̱anchon': ―X̱ana', gašje dan' de c̱hia' gwnežjuan' beṉe' yaše'. Na' dan' ba gwca'a c̱he beṉe', gwziya'a ḻegaque' cont goseyixjwche' da' zc̱ha'och ca dan' cheyaḻa' yeseyixjue', yonežjwgaca'ne' tap ca'te'le.

San Lucas 22:61

Na' X̱ancho Jesúsen' gwyec̱hje' gwṉe'e Pedroa' na' jayze'e Pedroa' diža' dan' gož X̱anchon' ḻe' caten' gwne': “Biṉa' cuež jean' ṉa'aže' cate' gac šoṉe ṉi'a bi c̱hebo' še nombi'o neda'.”

San Lucas 24:34

Na' beṉe' šnej ca' gose'e beṉe' ca' za' besyežin: ―Da' ḻicze ba beban X̱anchon'. Ba blo'elagüe' Simónṉa'.

San Lucas 7:13

Na' cate' ble'e X̱anchon' no'olen', beyaše'de' ḻe' na' gože'ne': ―Bitw cuežo'.

San Lucas 7:20

Nach beṉe' ca' chope cate' besežine' gan' zoa Jesúsen' gose'ene': ―Juan ben' chzoa beṉe' nis gwseḻe' neto' laguo' nga ṉabeto' le' še len' naco' ben' chbezto' seḻa' Diosen' o še cuezchto' yid beṉe' yoble.

San Juan 4:1

Na' goquen' beṉe' zanch chosozenague' c̱he Jesúsen' ca beṉe' chosozenag c̱he Juanṉa', na' beṉe' zanch chesezoa nis len Jesúsen' ca beṉe' chesezoa nis len Juanṉa', ḻa'czḻa' gague cuin Jesúsen' bzoe' beṉe' nis, beṉe' ca' zjanaque' ḻe' txen gosonen'. Nach cate' Jesúsen' gwṉezde' beṉe' fariseo ca' gosacbe'ede' beṉe' zanch zjana'ogüe' ḻe', nach beze'e distritw Judean' na' beyeje' distritw Galilean' len beṉe' ca' zjanaque' ḻe' txen.

San Juan 4:25

Nach no'olen' gože'ne': ―Ṉezda' yid ben' ba gwlej Diosen' cont yedeṉabi'e chio', ben' nzi' Mesías o Cristo, na' cate' ḻe' yide' yedezejni'ide' chio' yogo' da' quinga.

San Juan 6:23

Nach besežin barcw da' za'ac ciuda Tiberias gaḻa'ze gan' gosagüe' yetextilen' caten' beyož be' X̱ancho Jesúsen' yeḻa' chox̱clen c̱he Diosen'.

Apocalipsis 11:3

Na' seḻa' c̱hope beṉe' yeso'e xtiža', na' yesaze' lache' gasj ca to beṉe' chegüine' na' yeseyix̱jue'ede' xtižan' lao to mil c̱hop gayoa gayon ža.