San Lucas 6:44 - Dižaʼ güen c̱he ancho Jesucristo

⁴⁴ Con can' nac da' chbia to to yaguen' ṉezecho bi yaga'. Yag yeše' bitw chbian da'na' nzi' yix̱güigw. Ḻecz ca' yag bisga'a bi chbian uvas.

San Lucas 6:44 Iomraidhean Croise

San Mateo 12:33

’Ca nac yag frut ca', yag dan' nac yag güen, frut güencze chbian, na' yag da' bi nac yag güen, ḻecze frut da' bi nac güen chbian. Con can' nac da' chbia to to yaguen' ṉezecho bi yaga'.

San Mateo 7:16

Con can' nac da' chbia to to yaguen' ṉezecho bi yaga'. Ca nac yag yeše' bitw chbian uvas na' ṉeca yag ḻay chbian yixgüigw. Ca'czen' cheyaḻa' gacbe'ele beṉe' ca' yeseziye'e le'e cate' le'ele dan' chesone'na'.

San Mateo 7:20

Na' can' nac dan' cheson to to beṉe', ṉezecho še zjanaque' beṉe' güen o beṉe' mal.

Santiago 3:12

Na' ḻecze ca' beṉe' migw, ṉezecho to yag yix̱güigw bitw chbian frut dan' nzi' aceituna, na' ṉeca yag uvas chbian yix̱güigw. Na' ḻecze ca' ga chal nis, bitw chchoj nis sia to bej ga žia nis zbapj.

Judas 1:12

Na' cate' le'e che'ej chagwle txen cont chlo'ele chaque ḻježle, ḻegaque' chesagwxatteze' con nacteze žan c̱hegaque' na' chese'ejchgüe' gualaz da' yesone' güen len beṉe' ḻježe'. Na' da' bibi zaca' can' chesone', da'nan' zjazaca'lebde' ca bzigüe' da' dope to ḻe'e lache' šiš, na' ḻecze zjazaca'lebde' ca beṉe' güeye' xila' beṉe' chṉa' cuine' na' bi chṉe'e xila' ca'. Ḻecze zjazaca'lebde' ca bejw da' nžiga' be' da' bi cheyaquen yejw, na' ca to yag xen da' bibi chbian cate' ba bžin tiemp cuian, na' gualaz da' cuian chbižen na' chbix̱en ḻo yo.