San Lucas 6:29 - Dižaʼ güen c̱he ancho Jesucristo

²⁹ Še to beṉe' c̱haze' šḻa'a x̱aga'le, ḻe güe' dan' yešḻa'a. Še to beṉe' que'e xadoṉ c̱hele, ḻe güe' latje ḻec̱hje' len xcamisle.

San Lucas 6:29 Iomraidhean Croise

San Mateo 26:67

Nach bosoži'e x̱ene' cho'alao Jesúsen', na' gosebaže'ne', na' baḻe' gosegape' x̱ague'na'.

San Lucas 22:64

Na' bosoc̱heje' to lache' lao Jesúsen' na' goseyine' ḻe' na' gose'ene': ―Gwṉeya'ašc non' chyin le'.

San Lucas 6:30

Note'teze beṉe' bi dan' ṉabde' le'e, ḻe gwnežjon. Še to beṉe' que'e bite'teze da' de c̱hele, bitw yeṉablen.

San Juan 18:22

Beyož gwna Jesúsen' ca', to ben' chape yodao' blaon' zie' na', na' gwdape' x̱aguen', gože'ne': ―¿Ca' choži'o xtiža' ben' nac bx̱oz blaon'?

Hechos 23:2

Nach Ananías ben' nacch bx̱oz blao bene' mandadw len beṉe' ca' zjaze cuit Pablon' yesebaže' cho'ena'.

1 Corintios 4:11

Ža ṉa'aža zan ṉi'a chdeto' gwbin chbiḻ chdonto', bibi xaḻana'to' de, chesebaže' beṉe' neto' na' bibi ližto' de.

1 Corintios 6:7

Da' chacyož len ḻježle na'zen' chlo'en ḻeca clelen' chonḻe. Mbalazech zoale šaca' chdele ca'ale še bi da' chone beṉe' ḻježlen' le'e. Yejṉi'a güe'le latje yeseque'e bi da' de c̱hele.

2 Corintios 11:20

Chzenagle c̱he beṉe' ca' ba gosone' le'e ca xmosgaque'. Choe'le latje cheseziye'e le'e cont chnežjwle ḻegaque' bi da' de c̱hele na' chontezle bi da' chesene'. Chesonxen cuingaque' na' chesebaže' le'e cont chzenagle c̱hegaque', na' bia'cze choe'le latje chosozejni'ide' le'e.

Hebreos 10:34

Beyaše'le beṉe' ḻježcho ca' beṉe' gosata' ḻižya na' goclenḻe ḻegaque', na' gwzoale mbalaz ḻa'czḻa' beṉe' besegue'e le'e goseque'e bi da' gota' c̱hele, ḻe ṉezele de da' zaca'ch c̱hele yaban' da' bi te c̱hen.