San Lucas 6:21 - Dižaʼ güen c̱he ancho Jesucristo

²¹ ’Mbalaz zoa le'e chdonḻe ṉa'a, gwžin ža cate' bich tonḻe. ’Na' mbalaz zoa le'e chbežle ṉa'a, gwžin ža cate' gwxižle.

San Lucas 6:21 Iomraidhean Croise

San Mateo 5:4

’Mbalaz soa le'e chacyaše'laže'le, ḻe Diosen' yeyoe'xenḻaže' le'e.

San Mateo 5:6

’Mbalaz zoa le'e chzelaže'chguale gacle beṉe' güen len Diosen', ḻe ba cheyon Diosen' le'e beṉe' güen lagüen'.

San Lucas 1:53

Na' beṉe' chesedon, Diosen' ba bnežjue' ḻegaque' da' zan da' güen. Na' beṉe' gwṉi'a ca', ba bose'e ḻegaque', bibi bonežjue' ḻegaque'.

San Lucas 6:20

Na' Jesúsen' gwḻis lagüe' gwṉe'e beṉe' ca' zjanaque' ḻe' txen na' gože' ḻegaque': ―Mbalaz zoa le'e beṉe' yaše', le'e chzenagle c̱he Diosen' cont chnabi'e yic̱hjlažda'olen'.

San Lucas 6:22

’Neda' naca' ben' gwseḻa' Diosen' golja' beṉac̱h. Na' mbalaz soale še dan' chejnilaže'le neda' chesegue'e beṉe' le'e, na' chesyebeje' le'e ḻo' yodao' c̱hegaque', na' cheseṉeye'e c̱hele, na' chesene' nacle beṉe' mal.

San Lucas 6:25

’Nyaše'chguaze nac le'e dechgua da' chagwle ṉa'a. Gwžin ža cate' bich bi gata' c̱hele. ’Nyaše'chguaze nac le'e chxižle ṉa'a. Gwžin ža cate' yegüine'le na' cuežyaše'le.

San Juan 11:35

Na' gwchež Jesúsen'.

San Juan 4:10

Nach Jesúsen' gože'ne': ―Neda' ba goša' le': “Beṉ late' nis ye'eja'”, na' šaca' ṉezdo' da' chaclaže' Diosen' goṉe' le' na' šaca' chacbe'edo' non' naca' neda', ba gwṉabdon' neda' na' ba beṉa' le' nis da' choṉ yeḻa' mban toḻi tocaṉe šaca'.

San Juan 6:35

Nach Jesúsen' gože' ḻegaque': ―Neda' naca' yeḻa' guagw da' chnežjon beṉe' yeḻa' mban toḻi tocaṉe. Note'teze beṉe' yosozenag c̱hia' na' yesejnilaže' neda', guata' da' chyažje yic̱hjlažda'ogaque' toḻi tocaṉe.

1 Corintios 4:11

Ža ṉa'aža zan ṉi'a chdeto' gwbin chbiḻ chdonto', bibi xaḻana'to' de, chesebaže' beṉe' neto' na' bibi ližto' de.

2 Corintios 11:27

Zan ṉi'a ba bena' xšin Diosen' benten ga jax̱aque'chgüeda', na' zan ṉi'a bchejda' bi gwtasa'. Nombi'a yeḻa' chbiḻ chdon, ḻe zan ṉi'a bi gota' da' ye'ej gagua'. Na' ḻecze zan ṉi'a beyaga' bi gota' xa' da' byažjda'.

2 Corintios 12:10

Na' da'nan', cont gacxen Criston', chbeda' bite'teze da' chac c̱hia' da' chlo'en chyažjda' gaclene' neda'. Chbeda' cate' chesezi'diža' beṉe' neda', cate' bi de da' chyažjda', cate' beṉe' chosolagšibe' neda', na' cate' bichle da' chžaglagua', ḻe cate' chac c̱hia' ca', cana'ch chaclench Criston' neda' len yeḻa' guac c̱hen'.

2 Corintios 6:10

Da' zan da' chac cont gacyaše'to', perw chbeto' ḻo' lažda'oton'. Nga'aṉyaše'to', perw chonto' cont beṉe' zan nite' mbalaz. Na' ḻa'czḻa' bibi de c̱heto', yogo'ḻoḻ bi da' de naquen c̱heto' da' nacto' Criston' txen.

Santiago 1:12

Še chyo chc̱hejlaže'cho len da' chac c̱hecho na' chonc̱hac̱hlaže'cho chejnilaže'cho Diosen', nachen' ḻeca mbalaz zoacho. Na' cate' te dan' chyi chzaca'chon', Diosen' gone' cont bancho len ḻe' toḻi tocaṉe can' gwne' ban yogo'cho chaquechone'.

Apocalipsis 21:3

Na' do gan' chi' Diosen' chnabi'e benda' gwṉe to beṉe' zižje, gwne': ―Gwṉa'šc, Diosen' ba betje' zoalene' beṉac̱h. Soateze' len ḻegaque', ḻe gwleje' ḻegaque' cont zjanaque' yež c̱he', na' yesonxene'ne'.

Apocalipsis 7:16

Bich yesebiḻ yesedone', na' gwbižen' bich gwzeyen ḻegaque', ṉeca yesacde' zeye'.