San Lucas 5:8 - Dižaʼ güen c̱he ancho Jesucristo

⁸ Nach Simónṉa', ben' ḻecz le' Pedro, cate' ble'ede' da'na' goquen' na' bzoa xibe' lao Jesúsen' gože' ḻe': ―X̱ana', neda' naca' to beṉe' mal, bibi zaca' par so' nga len neda'.

San Lucas 5:8 Iomraidhean Croise

San Mateo 17:6

Na' cate' beṉe' ca' nc̱he'e Jesúsen' gosende' diža' ca' besežebchgüe', con gosaze' cosc̱ho'ale ḻo yon'.

San Mateo 2:11

Nach cate' besežine' yo'o gan' zoa bidaon', goso'e ḻo' yo'ona' na' besele'ede' bidao'na' len xṉa'be' Marían'. Nach bosozoa xibgaque' gosonxene'be'. Na' gosesaljo caj c̱hegaquen' gosebeje' oro, yal na' to nechw da' chḻa' zix̱ da' nzi' mirra na' gosoen' c̱hebe'.

San Mateo 8:8

Perw na' x̱an soldadoa' gože'ne': ―X̱ana', bitw naca' beṉe' zaque' par sa'o liža'na'. Ngateze ben mandadw yeyac xmosan' na' yeyaccze'.

San Lucas 5:7

Na' beṉe' ca' zjanita' ḻo' barcw c̱he Simónṉa' gosone' señw gosaxe' beṉe' ḻježen' že' yeto ḻo' barcw yoble cont yesaclene' ḻegaque' yesyebeje' yix̱jon'. Yelez ca gwdebe nisen' chopte barcw ca' dan' gosegüe'e beḻ zan ḻo'enṉa'.

San Lucas 5:9

Gwne' ca' ḻe ḻe' txen len beṉe' ḻježe' ca' že' ḻo' barcon' besyebanchgüede' da' gosezene' beḻ zanṉa'.

San Juan 11:32

Na' Marían' cate' bžine' gan' zoa Jesúsen' na' ble'ede' ḻe', ḻa' bzoate xibe' lagüen', gože'ne': ―X̱ana', šaca' zo' nga caten' gocšene da' beṉe' zanan', biḻja gote' šaca'.

1 Corintios 13:12

Ṉa'a biṉa' ṉezecho binḻo da' nac c̱he Diosen'. Zaca'lebcho ca beṉe' chṉe'e to ḻo spejw da' bitec chlo'e binḻo. Perw gwžin ža cate' le'echo binḻo na' ṉezecho doxen da' nac c̱he Diosen', na' canan' gombia'chone' binḻo ca binḻo nombi'e chio'.

Apocalipsis 1:17

Na' cate' ble'eda'ne' gwbix̱a' xṉi'en gottia' šlat. Nach bḻi ne'e ḻichan' gwx̱oen' yic̱hja' na' gože'nda': ―Bi žebo'. Neda' naca' ben' ben yežlion' len yogo' bichle da' de, na' naca' ben' gon cont te c̱hen.