San Lucas 5:26 - Dižaʼ güen c̱he ancho Jesucristo

²⁶ Na' yogo'ḻoḻ beṉe' ca' že'na' besyebande' yeḻa' guac c̱he Jesúsen' dan' bene'na'. Nach gosonxene' Diosen', na' do chesežebe' gose' ḻježe': ―Da' yebanecho da' ca' ba ble'echo ṉa'aža.

San Lucas 5:26 Iomraidhean Croise

San Mateo 12:23

Na' yogo' beṉe' ca' besele'ede' can' goca' besyebanchgüede'. Nach gose'e ḻježe': ―¿Nac benga ben' chbezcho yide' lao diaža c̱he da' rey David?

San Mateo 28:8

Nach no'ol ca' ḻa' besyeya'actie' cho'a blojen' do chesežebze' perw ḻeca chesyebede', zjaya'acsese' zjasyedix̱jue'ede' beṉe' ca' zjanaque' Jesúsen' txen can' goca'.

San Mateo 9:8

Na' beṉe' ca' besele'ede' can' goquen' besežebchgüe'. Na' gosonxene' Diosen' dan' be'e yeḻa' guac c̱he Jesúsen'.

San Marcos 2:12

Ḻa' beyaste beṉe' xiṉja' cheseṉa'te beṉe' ca' nita'na' na' beyoa' xcamen'. Da'nan' yogo' beṉe' ca' besyebande' na' goso'e yeḻa' chox̱clen c̱he Diosen', gosene': ―Biṉa' le'echo yeḻa' guac dan' nac ca'.

San Lucas 1:65

Na' besyebane beṉe' gualiž c̱hegaquen'. Na' xtiža'gaquen' gos gwlaljen doxen yež ca' zjachi' ḻo ya'ana' gan' mbane distritw Judean'.

San Lucas 5:8

Nach Simónṉa', ben' ḻecz le' Pedro, cate' ble'ede' da'na' goquen' na' bzoa xibe' lao Jesúsen' gože' ḻe': ―X̱ana', neda' naca' to beṉe' mal, bibi zaca' par so' nga len neda'.

San Lucas 7:16

Na' yogo'ḻoḻ beṉe' ca' besežebe' dan' beban beṉe' guata' nach gosonxene' Diosen' gosene': ―Ba bla' to beṉe' blao ga zoacho, beṉe' choe' xtiža' Diosen', na' Diosen' ba gwseḻe'ne' cont gaclene' chio' naccho nación c̱he'.

San Lucas 8:37

Nach yogo'ḻoḻ beṉe' ca' že' gan' mbane yež Gadaran' jaseta'yoede' Jesúsen' yeze'e lažgaquen', ḻe besežebchgüe'. Nach Jesúsen' beyo'e ḻo' barcon' cont yeze'e.

Hechos 4:21

Na' da' zan da' gose' beṉe' gwnabia' ca' ḻegaque' cont yosošebe'ne'. Perw na' bi beseželde' nacle yesone' ḻegaque' castigw, ḻe beṉe' zan chesonxene' Diosen' dan' beyac bena' len yeḻa' guac c̱he Diosen'. Ba gwdie' c̱hoa iz na' ca goljte' bi goc se'e. Nach bososane' Pedroa' na' Juanṉa'.

Gálatas 1:24

Na' beṉe' Judea ca' chesejnilaže' Criston' gosonxene' Diosen' cate' gosende' can' chonan'.