San Lucas 5:15 - Dižaʼ güen c̱he ancho Jesucristo

¹⁵ Na' tža tža gos gwlalje diža' ca nac yeḻa' guac dan' ben Jesúsen'. Na' besedob beṉe' zan cont bosozenague' xtiža' Jesúsen' na' cont beyone' ḻegaque' len bite'teze yižgüe' da' chese'ede'.

San Lucas 5:15 Iomraidhean Croise

San Mateo 9:26

Na' ca nac yeḻa' guac dan' ben Jesúsen', gwxoa diža' c̱hen yogo' yež dan' zjachi' do na'.

San Mateo 9:31

Na' besyeya'aque' na' gate'tez ja'aque' doxen distritw Galilean' goso'e diža' ca nac dan' ben Jesúsen' len ḻegaque'.

San Marcos 1:28

Na' ca nac dan' ben Jesúsen' bedao'nez gos gwlalje dižan' doxen lagüe yež ca' gan' mbane Galilea.

San Marcos 1:45

Perw ben' bi bchejde', yogo'ze beṉe' gože' can' goca'. Da'nan' Jesúsa' bich goc šeje' con ca nḻa'ze gate'teze yež, san con gwde' do yix̱e', na' bia'cze beṉe' za'ac yogo'ze yež jaseṉe'e ḻe'.

San Marcos 3:7

Nach Jesúsen' gwyeje' cho'a nisdaon' len beṉe' ca' zjanaque' ḻe' txen, na' zan beṉe' Galilea ja'ac len ḻe'.

San Lucas 12:1

Na' goc zan mil beṉe' besežague' gan' zoa Jesúsen', catec beṉe' zan besežag bosolej bosošošjte ṉi'a ḻježe'. Na' Jesúsen' zgua'tec gwzolagüe' be'e diža' len beṉe' ca' zjanaque' ḻe' txen, gože' ḻegaque': ―Ḻe gwsaca' len levadura c̱he beṉe' fariseo ca'. Dan' cheseziye'e beṉe' cont yesacde' zjanaque' beṉe' güen zaca'leben ca levadura dan' chc̱hix̱ede' yetextil. Bitw gonḻe can' chesonen'.

San Lucas 14:25

Na' beṉe' zan juisyw zjana'ogüe' Jesúsen', na' gwyec̱hje' gože' ḻegaque':

San Juan 6:2

Na' beṉe' zan zjanao' Jesúsen' da' ba besele'ede' yeḻa' guac dan' chonen' cheyone' beṉe' güe' ca'.

1 Timoteo 5:25

Na' ḻecz ca' naquen len beṉe' ca' cheson da' güen, nacbia' še da' güenṉa' chesone', na' ḻa'czḻa' gague nḻa' da' güenṉa' chesone', bi ṉacho yega'aṉcze bagaše'ze dan' chesonen'.