San Lucas 5:10 - Dižaʼ güen c̱he ancho Jesucristo

¹⁰ Ḻecz ca' besyebane xi'iṉ ben' le Zebedeo, zjanac c̱hop biše'tie', Jacobo len Juan. Beṉe' ca' chesone' žin len Simónṉa'. Nach Jesúsen' gože' Simónṉa': ―Bitw žebo'. Le' naco' beṉe' gwxen beḻ, na' chebejo' beḻen' ḻo' nisen'; perw ṉa'a gona' cont gaxle beṉe' yesyechoje' ḻo da' malen'.

San Lucas 5:10 Iomraidhean Croise

San Mateo 13:47

’Na' yeḻa' gwnabia' c̱he Diosen' ben' zoa yaban' zaca'leben ca da' nga goc. Gwnita' baḻ beṉe' gwxen beḻ na' bosozaḻe' yix̱jw beḻ c̱hegaquen' ḻo' nisdaon' na' gwxenen zan cuen beḻ.

San Mateo 14:27

Na' ḻa' boḻ güižte Jesúsen' ḻegaque', gože'ne': ―Ḻe gonc̱hac̱h laže'le. Neda'na'. Bitw žeble.

San Mateo 20:20

Na' ja'ac xi'iṉ Zebedeo, Jacobo len Juan, na' len xṉa'gaque' lao Jesúsen'. Na' xṉa'gaquen' bzoa xibe' lao Jesúsen' gože'ne': ―Chṉabda' le' to goclen.

San Mateo 4:19

Nach gože' ḻegaque': ―Ḻe šo'o len neda'. Nacle beṉe' gwxen beḻ, na' chbejle beḻ ḻo' nis, perw ṉa'a gona' cont gaxle beṉe' yesyechoje' ḻo da' malen'.

San Mateo 4:21

Na' Jesúsen' gwze'e yelate' na' ble'ede' Jacobon' xi'iṉ Zebedeo na' len beṉe' biše' Juan, zjayo'e to ḻo' barcw ḻen x̱agaque', chesyeyonšagüe' yix̱jw c̱hegaquen'. Na' ḻecze gox Jesúsen' ḻegaque' šja'aclene' ḻe'.

San Marcos 1:17

Na' gož Jesúsen' ḻegaque': ―Ḻe šo'o len neda'. Nacle beṉe' gwxen beḻ na' chbejle beḻen' ḻo' nisen', perw ṉa'a gona' cont gaxle beṉe' yesyechoje' ḻo da' malen'.

San Lucas 5:7

Na' beṉe' ca' zjanita' ḻo' barcw c̱he Simónṉa' gosone' señw gosaxe' beṉe' ḻježen' že' yeto ḻo' barcw yoble cont yesaclene' ḻegaque' yesyebeje' yix̱jon'. Yelez ca gwdebe nisen' chopte barcw ca' dan' gosegüe'e beḻ zan ḻo'enṉa'.

San Lucas 5:9

Gwne' ca' ḻe ḻe' txen len beṉe' ḻježe' ca' že' ḻo' barcon' besyebanchgüede' da' gosezene' beḻ zanṉa'.

San Lucas 6:14

Beṉe' qui gwleje': Simón ben' bsi'e Pedro, na' beṉe' biše' Andrés, na' Jacobo, na' Juan, na' Felipe, na' Bartolomé,

San Juan 21:2

Txen nite' Simón Pedron' len Tomásen' ben' bososi'e Tomás Cuaš, na' Natanael beṉe' yež Caná gan' mbane Galilean', na' c̱hope xi'iṉ Zebedeo na' yec̱hope beṉe' ca' zjanaque' Jesúsen' txen.

Hechos 2:4

Ca' goc jašo'o Spiritw c̱he Diosen' ḻo' yic̱hjlaždao' to toe', na' Spiriton' benen cont gosezolagüe' goso'e gwde gwdele diža' da' gosejni'i beṉe' zito' ca'.

2 Corintios 8:23

Na' ca nac Titon', chone' xšin Diosen' txen len neda' cont chaclento' le'e. Na' beṉe' ca' yec̱hope, zjanite' chesone' cont Criston' chacxene', na' beṉe' ca' chesedop chesežag chesonxene' Jesucriston' gosebeje' ḻegaque' na' cheseseḻe' ḻegaque'.

2 Timoteo 2:26

Can' goncho cont Diosen' gwnežjue' ḻegaque' to xbab šagüe' na' yesyechoje' ḻo na' Satanás dan' chnabia' da' x̱igüe' ca', ḻe chonen cont nite' chesone' con can' chazlažen'.