San Lucas 4:32 - Dižaʼ güen c̱he ancho Jesucristo

³² Na' beṉe' ca' besyebande' ca nac dan' bsed blo'eden', ḻe bzejni'ide' cacze to beṉe' ṉezde' cayaṉen' nac xbab c̱he Diosen'.

San Lucas 4:32 Iomraidhean Croise

San Marcos 1:22

Beṉe' ca' že' na' besyebande' can' bsed blo'ede', ḻe can' bzejni'iden' nacbia' ṉezde' cayaṉen' nac xbab c̱he Diosen', gague bzejni'ide' can' chosozejni'i ben' chosolo'e ley dan' bzoj da' Moisés.

San Lucas 2:47

Na' yogo'ḻoḻ beṉe' ca' chosozenague' xtiža' Diosen' da' cho'e chesyebande' can' chejni'ide' na' can' choži'e xtiža' beṉe' ca' zjansed dan' bzoj da' Moisés.

San Lucas 4:33

Ḻo' yodao'na' gwzoa to beṉe' yo'o nyaze' da' x̱igüen'. Na' bosye'e gwne':

San Lucas 4:36

Na' ḻeca besyebane yogo' beṉe' ca', nach gose' ḻježe': ―¿Bixen' chac? ¿Bixe da' coben' chlo'e benga? Nacbia' nape' yeḻa' chnabia' na' yeḻa' guac, ḻe chone' mandadw na' ḻa' chechojte da' x̱igüe' da' yo'o nyaz beṉe'.

San Juan 6:63

Spiritw c̱hian' chnežjon beṉac̱hen' yeḻa' mban, na' cuerp c̱hian' bi gac gonen ca'. Diža' dan' bac̱h bia' len le'e zjazacan' len yic̱hjlažda'olen' cont banḻe toḻi tocaṉe še šejḻe'le c̱hen.

San Juan 7:46

Na' beṉe' chesape' yodao' blaon' gose'ene': ―Biṉa' yeneto' beṉe' cho'e diža' güen ca dan' choe' bena'.

2 Corintios 4:2

Na' bibi chonto' bagaše'ze ca no da' nac da' yeḻa' zto'. Bi chonḻeto' beṉe' na' ṉeca choša'to' xtiža' Diosen' cont yesyebe beṉe' chosozenag xtiža'ton'. San chle'ecze Diosen' chyix̱jue'eto' xtižen' con can' naquen cont yogo' beṉe' yesene xtiža'ton' yeseṉezde' ḻo' lažda'ogaquen' choe'to' diža' ḻi.

1 Tesalonicenses 1:5

Na' diža' güen da' bzejni'ito' le'e c̱he Jesucriston' gague naquen con to diža'ze. Spiritw c̱he Diosen' goclenen neto' bzejni'ito' le'e len yeḻa' guac c̱hen na' ṉezeto' diža' dan' bzejni'ito' le'e naquen da' ḻi. Na' ṉezele can' bento' da' güen šlac gwzoato' len le'e cont goclento' le'e.

Tito 2:15

Can' cheyaḻa' gwzejni'ido' beṉe'. Na' cheyaḻa' goṉo' c̱hac̱h laže' yesone' da' güen na' tiḻo' beṉe' cheson da' xiṉj, ḻe Diosen' ba gwseḻe' le' na' ba beṉe' le' yeḻa' chnabia' cont gwzejni'ido' ḻegaque'. Bi go'o latje yosozoe' le' to šḻa'ale.