San Lucas 3:22 - Dižaʼ güen c̱he ancho Jesucristo

²² Na' betj Spiritw c̱he Diosen' bžinen gwzoan len ḻe', na' ca hora' Spiriton' naquen ca to ngolbex. Na' gosende' gwṉe Dios ben' zoa yaban', gwne': ―Le' naco' Xi'iṉa' beṉe' chacchgüeda', na' chebe chezaquelaže'chgüeda' c̱hio'.

San Lucas 3:22 Iomraidhean Croise

San Mateo 12:18

Bengan' naque' xmosa', ben' gwleja' cont gone' can' chazlaža'. Chacchgüeda' ḻe', na' chbeda' c̱he'. Na' neda' seḻa' Spiritw c̱hian' soateze soan len ḻe'. Na' c̱hix̱jue'ede' yogo'ḻoḻ beṉe' can' chazlaža' yesone'.

San Mateo 17:5

Ṉe' choe'te Pedron' dižan' ca' cate' to bejw da' chactiten gwyec̱hjen ḻegaque' na' ladjo bejon' gosende' gwna Diosen': ―Benga Xi'iṉa' ben' chacda'. Chbe chezaquelaže'chgüeda' c̱he'. Ḻe gwzenag c̱he'.

San Mateo 27:43

Ḻe' chejnilaže' Diosen', ḻe gwne': “Dogualje Xi'iṉ Dios neda'.” ¡Na' le'echo yosla Diosen' ḻe' ṉa'a še chacde' ḻe'!

San Mateo 3:13

Na' gwza' Jesúsen' gan' mbane Galilea na' gwyeje' gan' zoa Juanṉa' cho'a yegw Jordánṉa' cont Juanṉa' bzoe' ḻe' nis.

San Mateo 3:16

Na' cate' beyož gwzoa Jesúsen' nisen', bechoje' ḻo' nisen', na' ḻa' byaljwte yaban' gan' zoa Diosen'. Na' ble'ede' Spiritw c̱he Diosen' betjen ca to ngolbex na' bžinen gwzoan len ḻe'.

San Mateo 3:17

Na' gosende' gwṉe Dios ben' zoa yaban', gwne': ―Bengan' Xi'iṉa' beṉe' chacda' na' chebe chezaquelaže'chgüeda' c̱he'.

San Marcos 1:11

Na' gosende' gwṉe Dios ben' zoa yaba gwne': ―Len' naco' Xi'iṉa' beṉe' chacchgüeda', na' chebe chezaque'laže'chgüeda' c̱hio'.

San Marcos 1:9

Ca tiempa' Jesúsen' gwze'e lagüe yež Nazaret da' chi' ga mbane distritw Galilea, na' Juanṉa' bzoe' ḻe' nis ḻo' yegw Jordán.

San Marcos 9:7

Nach gwche' to bejw gan' niten' gwyec̱hjen ḻegaque', na' ḻo' bejon' gosende' gwna Diosen': ―Bengan' Xi'iṉa' beṉe' chacda'; ḻe gwzenag c̱he'.

San Lucas 2:14

¡Chonxencho Diosa' ben' zoa yaba, na' ḻo yežlio yesezoa yesebez beṉac̱hen' binḻo, con bena' cheson can' chazlaže' Diosen'.

San Lucas 4:21

Nach gwzolao be'e diža' gwne': ―Ža ṉa'aža ba chac can' ža Xtiža' Diosen' dan' ba benele nga.

San Juan 1:32

Juanṉa' ḻecze gwṉe': ―Ble'eda' cate' betj Spiritw c̱he Diosen' yaban' bžinen gan' zoa Jesúsen'. Bžinen ca to ngolbex na' bega'aṉen len ḻe'.

San Juan 12:28

Nach boḻ güiže' Diosen', gwne': ―X̱a', ben len neda' cont yesacbe'e beṉe' naco' beṉe' zaca' juisyw. Beyož gwne' ca' na' gwṉe Dios ben' zoa yaban', gwne': ―Ba bena' len le' cont chesacbe'e beṉe' naca' beṉe' zaca' juisyw na' za' goncha' ca' yeto.

San Juan 5:37

Nach X̱an' ben' gwseḻa' neda' ḻecze cho'e xtižan', ḻa'czḻa' biṉa' yenele can' chnen' na' biṉa' le'ele can' naquen'.

Hechos 10:38

Ṉezele Diosen' gwleje' Jesúsen' ben' naque' beṉe' yež Nazaret cont chaclene' chio' beṉac̱h, na' be'ene' Spiritw c̱he'na' na' yeḻa' chnabia'. Na' gwda Jesúsen' bene' da' güen na' beyone' yogo'ḻoḻ beṉe' ca' chsaca'zi' Satanás dan' chnabia' da' x̱igüe' ca', ḻe Diosen' zoe' len ḻe'.

Colosenses 1:13

Bebeje' chio' ḻo na' gwxiyen' cate' da' c̱hoḻen' ṉe' chnabian' yic̱hjlažda'ochon', na' gwlo'e chio' ḻo na' Xi'iṉe' Jesucriston' ben' chacde', cont ṉa'a gwzenagcho c̱he ḻe'.

1 Pedro 2:4

Cheyaḻa' gwzenagcho c̱he X̱ancho Jesucriston' ben' choṉ chio' yeḻa' mban toḻi tocaṉe. Beṉe' zan chesegue'ede' ḻe' ḻa'czḻa' Diosen' gwleje'ne' cont chaclene' chio' na' zaca'chgüe' len Diosen'. Da'nan' Jesucriston' zaca'lebde' ca to yej güen da' gwlej beṉe' cont gaquen yej squin ližen', perw beṉe' goson žinṉa' bi gosazlažen' na' gosebequen' šḻa'ale.