San Lucas 24:19 - Dižaʼ güen c̱he ancho Jesucristo

¹⁹ Na' Jesúsen' gože' ḻegaque': ―¿Bi goquen' žale ca'? Nach gose'ene': ―Dan' goc c̱he Jesús beṉe' Nazaret. Goque' to beṉe' gwseḻa' Dios cont be'e xtižen', na' Diosen' len beṉac̱hen' besyebede' yeḻa' guac c̱hen' dan' blo'e na' diža' dan' be'e.

San Lucas 24:19 Iomraidhean Croise

San Mateo 21:11

Na' beṉe' ca' nžag Jesúsen' bosyoži'e xtiža'gaque' gosene': ―Bengan' Jesús beṉe' za' yež Nazaret gan' mbane distritw Galilea na' cho'e xtiža' Dios.

San Marcos 1:24

―¿Bixc̱hen' chgoša' chlaže' c̱hio' len neto', Jesús beṉe' Nazaret? ¿Zedežiayo'o neto'? Neda' nombi'a le' na' ṉezda' naco' beṉe' laždao' xilaže' juisyw beṉe' gwseḻa' Dios.

San Lucas 24:18

Na' toe' le' Cleofas boži'e xtižen' gože'ne': ―¿Nacxe chaquen' gwza'o Jerusalén na' biṉa' gacbe'edo' da' ca' ba goc ḻo' ciudan'? ¡Tozo' le' zo' Jerusalén na' biṉa' gacbe'edo'!

San Lucas 7:16

Na' yogo'ḻoḻ beṉe' ca' besežebe' dan' beban beṉe' guata' nach gosonxene' Diosen' gosene': ―Ba bla' to beṉe' blao ga zoacho, beṉe' choe' xtiža' Diosen', na' Diosen' ba gwseḻe'ne' cont gaclene' chio' naccho nación c̱he'.

San Juan 3:2

Gwyeje' lao Jesúsen' šeže'le na' gože'ne': ―Maestrw, ṉezeto' Diosen' gwseḻe' le' cont chzejni'ido' neto', ḻe nono gac gon yeḻa' guac ca' dan' chonon' še bi zoa Diosen' len ḻe'.

San Juan 4:19

Na' gož no'olen' ḻe': ―Beṉe', chacbe'eda' naco' to beṉe' chac chyix̱jue'ede' bi da' ža Diosen'.

San Juan 6:14

Cate' beṉe' ca' besele'ede' yeḻa' guac dan' benen' nach gosene': ―Da' ḻi bengan' choe' xtiža' Dios na' naque' ben' ba gwlezcho seḻa' Diosen' yežḻio nga.

San Juan 7:52

Nach yezica'chle beṉe' gwnabia' ca' gose'e ḻe': ―¿Leno' le' ba beyaco' beṉe' Galilea? Bsed Xtiža' Diosen' da' nyojen na' ṉezdo' ṉe to beṉe' choe' xtiža' Diosen' ca ṉa' choje' Galilean'.

Hechos 10:38

Ṉezele Diosen' gwleje' Jesúsen' ben' naque' beṉe' yež Nazaret cont chaclene' chio' beṉac̱h, na' be'ene' Spiritw c̱he'na' na' yeḻa' chnabia'. Na' gwda Jesúsen' bene' da' güen na' beyone' yogo'ḻoḻ beṉe' ca' chsaca'zi' Satanás dan' chnabia' da' x̱igüe' ca', ḻe Diosen' zoe' len ḻe'.

Hechos 2:22

’Na' le'e beṉe' Israel gualaž c̱hia', ḻe gwzenag c̱hia'. Jesúsen' ben' nac beṉe' yež Nazaret, Diosen' blo'ede' naque' beṉe' zaque'. Diosen' bene' cont Jesúsen' bene' yeḻa' guac na' bichle da' zaca' yebanecho can' ṉezeczelen'.

Hechos 7:22

Ca' goquen' bsed da' Moisésen' tcho'a yeḻa' sina' c̱he beṉe' Egipto ca' na' bene' da' zaca' na' be'e diža' da' zaca'.