San Lucas 23:2 - Dižaʼ güen c̱he ancho Jesucristo

² Na' gwzolao bosocuiše' Jesúsen' gosene': ―Ba gwc̱hoglaoto' c̱he benga cheyaḻa' gate' dan' chde' chgo'oyeḻe' nación Israelen' cont yesejḻe'e c̱he' na' ḻecze chžone' c̱hixjwto' da' cheyaḻa' c̱hixjwto' lao rey César. Na' ḻecze že' ḻen' naque' Criston' ben' gwlej Diosen' cont ṉabi'e nación c̱heton'.

San Lucas 23:2 Iomraidhean Croise

San Mateo 17:27

Perw cont nono yeson xbab chgue'echo yodao' blaon', na' c̱hixjwcho. Gwyej cho'a nisdaon', na' bzaḻa' yix̱jw c̱hion' na' beḻ nechw be seno', ḻo cho'aba'na' želdo' to mechw. Na' yeyox̱on' šjadixjo' c̱hechon'. Guaqueczen par šjadixjo' c̱he c̱hopcho.

San Mateo 22:21

Nach gose'ene': ―C̱he César ben' nac ḻa'zelagüe beṉe' gwnabia' ben' chi' ciuda Roman'. Nach Jesúsen' gože' ḻegaque': ―Ḻe gwnežjo beṉe' gwnabian' da' nac c̱he beṉe' gwnabia', na' ḻe gwnežjo Dios da' nac c̱he Dios.

San Mateo 27:11

Na' gosec̱he'e Jesúsen' lao gobernadoren' na' šlac zeche' lagüen', gobernadoren' gože'ne': ―¿Len' naco' rey c̱he beṉe' Israel? Nach Jesúsen' boži'e xtižen', gwne': ―Can' gwnao'na', can' naquen.

San Marcos 12:17

Nach Jesúsen' gože'ne': ―Ḻe gwnežjo beṉe' gwnabian' da' nac c̱he beṉe' gwnabia', na' ḻe gwnežjo Dios da' nac c̱he Dios. Na' besyebande' can' boži'e xtižen'.

San Marcos 15:2

Pilaton' gwṉabde'ne', gože'ne': ―¿Len' naco' rey c̱he beṉe' Israel? Jesúsen' boži'e xtižen', gwne': ―Can' gwnao'na', can' naquen.

San Lucas 23:14

Nach gože' ḻegaque': ―Le'e bedesanḻe benga lagua' nga, na' gwnale chde' chgo'oyeḻe' beṉe' Israelen' yesone' contr gobiernṉa'. Neda' bac̱h gwṉabyožda'ne' lao le'e ca xyan' dan' chagwle c̱he', ṉe to da' xiṉj ca chželda' še bi dan' none'.

San Lucas 23:5

Perw na' goseṉeche', gosene': ―Chde' chgo'oyeḻe' yogo' beṉe' že' distritw Judea nga yesejḻe'e dan' chsed chlo'ede'. Gwzolaogüe' bsed blo'ede' distritw Galilean' perw lencze nga bac̱h chsed chlo'ede' ṉa'a.

San Juan 18:29

Da'nan' Pilaton' bchoje' na' gože' ḻegaque': ―¿Bi ben benga? ¿Bi xya chagwle c̱he'?

San Juan 18:30

Na' beṉe' gwnabia' ca' gosene': ―Šaca' benga bi naque' beṉe' güen da' xiṉj bi bdeto'ne' ḻo naon'.

San Juan 19:12

Nach Pilaton' beyiljwlaže' nacle gone' gwsane' Jesúsen'. Perw beṉe' gwnabia' c̱he nación c̱heton' bososye'e gosene': ―Še gwsano' benga, contr rey c̱he nación Roman' chono' še ca', ḻe note'tez beṉe' že' naque' rey chone' contr rey César.

Hechos 24:13

Na' bibi gac yeson beṉe' quinga cont yosolo'e napa' doḻa' ca dan' chosocuiše' neda'.

Hechos 24:5

Ben' ba goxo' laguo' nga, ṉezeto' naque' to beṉe' chbecchgua da' zed. Chde' doxen yežlion' chone' cont neto' beṉe' Israel chacto' c̱hople. Na' naque' beṉe' blao len beṉe' ca' chesene' beṉe' nazareno lagüe chesejnilaže' Jesús ben' nac beṉe' yež Nazaret.

Romanos 13:7

C̱hixjwcho še bi da' chaḻa'cho c̱he beṉe'. Še chaḻa'cho c̱he bien, c̱hixjwchon. Še chaḻa'cho c̱he impuestw, c̱hixjwchon. Na' gapcho bala'aṉ beṉe' cheyaḻa' dap bala'aṉ. Na' gonxencho beṉe' cheyaḻa' gacxen.