San Lucas 20:16 - Dižaʼ güen c̱he ancho Jesucristo

¹⁶ Šeje' šjetue' ḻegaque' na' yodie' yežlion' ḻo na' beṉe' yoble. Na' beṉe' ca' že'na' cate' gosende' diža' quinga dan' be' Jesúsen' gosene': ―¡Catec da' mal juisyw dan' goc!

San Lucas 20:16 Iomraidhean Croise

San Mateo 21:34

Cate' bžin ža yosyotobe' cosešen', gwseḻe' to c̱hope xmose' gan' že' beṉe' ca' nac ḻo na'gaque' yag uvasen' cont šjasyexi'e to tlacw cosešen' dan' cheyaḻa' si'e.

San Mateo 21:41

Nach bosyoži'e xtižen' gosene': ―Šeje' šjetoe' beṉe' mal ca', na' yodie' yežlion' ḻo na' beṉe' yoble beṉe' yeson güen yosyonežjue'ne' to tlacw cosešen' cate' žin ža yosyotoben'.

San Mateo 22:7

Na' ḻeca bža'a beṉe' gwnabian'. Na' gwseḻe' soldadw c̱he' ca' jasete' beṉe' ca' gosot xmosen' na' bosozeye' lažgaquen'.

San Marcos 12:9

Nach Jesúsen' gwṉabe': ―¿Bi chaquele? ¿Nacxe gon x̱an yežlion' len beṉe' ca' bocua'aṉlene' yag uvas c̱hen'? Šeje' šjetoe' ḻegaque', na' yodie' yežlion' ḻo na' beṉe' yoble.

San Lucas 19:27

Na' ca nac beṉe' ca' chesegue'ede' neda', beṉe' ca' bi chesaclaže' ṉabia'gaca'ne', ḻe šjax̱i'e na' gotlene' lagua' nga.”

San Lucas 20:15

Nach besyebeje' ḻe' gan' že' yag ca' na' gosote'ne'. Nach Jesúsen' gwṉabde' beṉe' ca' zjanžaguen': ―¿Nacxe gon x̱an yežlion' len beṉe' ca' bocua'aṉlene' yežlio c̱hen'?

Hechos 13:46

Perw na' Pablon' len Bernabén' bi besežebe' san gose'e beṉe' ca' že'na': ―Ba bento' can' gwnalaže' Diosen' na' zgua'tec bzejni'ito' le'e nacle beṉe' Israel gualaž c̱heto'. Na' ṉa'a dan' bi chaclaže'le gwzenagle, chonḻe cont bi goṉ Diosen' le'e yeḻa' mban toḻi tocaṉe. Da'nan' ṉa'a gwzejni'ito' beṉe' ca' bi zjanac beṉe' Israel.

Romanos 11:1

Bi cheyaḻa' goncho xbab Diosen' bechojlaže' nación Israel c̱heto' to ši'ize. Neda' naca' beṉe' Israel, golja' ḻo diaža c̱he da' Abraham na' naca' diaža' c̱he da' Benjamín.

Romanos 11:11

Ṉezeczecho zan beṉe' Israel gualaž c̱heton' bi chesejnilaže' Criston'. Na' chṉaba', ¿zjanaque' ca beṉe' gwyo'o yeja' ṉi'e? ¿še zjanaque' ca beṉe' gwbix̱e' na' gote'? Zjanaque' ca to beṉe' con gwyo'o yeja' ṉi'e na'ze. Da' bi chesejḻe'e c̱he Criston' de latje cont le'e bi nacle beṉe' Israel chzenagle xtižen'. Da'nan' ḻegaque' gwžin ža yesezelaže' gon Diosen' güen len ḻegaque' ca ba chone' len le'e bi nacle beṉe' Israel.

Romanos 3:31

¿Chaquele choncho leyna' ca to da' bibi zaca' da' žacho cheyaccho beṉe' güen len Diosen' cate' chejni'laže'cho Jesucriston'? Bi chonchon ca to da' bibi zaca', san chlo'echo naquen da' zaca'chgua.

Romanos 3:4

Goncze' con can' že'na'. Yogo' ṉi'a Diosen' chṉe' diža' ḻi, ḻa'czḻa' še žin ža cate' yogo'ḻoḻ beṉe' yeseṉe' diža' güenḻaže'. Chac can' nyoj Xtiža' Diosen' žan: Le' gwlo'edo' beṉac̱hen' ḻe cho'o diža' ḻi. Na' ca nac beṉe' ca' cheson xbab bi chono' can' žon', yesacbe'ede' chonczo' can' žo'na'.

Romanos 3:6

Clelen' chesone' xbab. Šaca' Diosen' bi chone' da' zej toḻi, bi gac gone' yeḻa' justis c̱he chio' beṉac̱h. Perw gonczen'.

Romanos 6:15

¿Gontezcho da' xiṉjen' da' ṉezecho nži'i Diosen' chio' na' ṉezecho bi chone' cuent še ba bencho da' ža leyna' cheyaḻa' goncho? Bitw goncho ca'.

Romanos 6:2

Gague can' goncho. Cate' gwzolao chejnilaže'cho Criston' bich goclaže'cho ṉabia' da' malen' chio'. Da'nan' guac ṉacho ba gotcho len da' xiṉjen cont bich gonchon.

Romanos 7:13

¿Ṉacho leyna' da' naquen güenchguan' chonen cont saca'zi'cho c̱he xtoḻa'chon' toḻi tocaṉe? Bi nac ḻen. Da' mal da' yo'o ḻo' yic̱hjlažda'ochon' bi ben' latje goncho can' cheyaḻa' goncho, na' da'nan' gwchoglaon c̱hecho saca'zi'cho c̱he xtoḻa'chon' toḻi tocaṉe. Leynan' da' nac da' güen chlo'en chio' Diosen' chgue'echgüede' da' mal da' choncho.

Romanos 7:7

Bi cheyaḻa' goncho xbab nac to da' mal ley dan' bzoj da' Moisésen'. Leyna' bzejni'in neda' bi dan' bi cheyaḻa' gona' cont gocbe'eda' chona' da' xiṉj. Na' gwṉezda' naquen mal chzelaža' bi da' de c̱he beṉe', ḻe leyna' žan: “Bi selaže'le bite'teze da' de c̱he beṉe'.”

Romanos 9:14

Bi cheyaḻa' goncho xbab Diosen' cbi chone' da' zej to ḻicha dan' chone' ca'. Zejcze' to ḻicha.

1 Corintios 6:15

¿Bi ṉezele naccho txen len Criston' na' cuerp c̱hechon' zjanaquen c̱he'? Na' bi cheyaḻa' goncho cuerp c̱hechon' da' nac c̱he Criston' ḻo na' no no'ole zḻe'.

Gálatas 2:17

Baḻ neto' beṉe' Israel ba chejnilaže'to' Criston' cont Diosen' none' neto' ca beṉe' güen. Da'nan' chacbe'eto' toz ca beṉe' güen da' xiṉj nacto' len beṉe' bi zjanac beṉe' Israel. Perw bi ṉacho Criston' chone' cont nacto' beṉe' mal. Ḻeca clelen' cheson beṉe' xbab še chesacde' ca'.

Gálatas 3:21

Na' bitw cheyaḻa' gaquecho ley dan' bzoj da' Moisésen' chonen clele len da' gwna Diosen' gone' ḻa'czḻa' leyna' bitw gac yocoben yic̱hjlažda'ochon'. Šaca' gac yocoben yic̱hjlažda'ochon' guac goncho can' ža leyna' nach gaccho beṉe' güen len Diosen' šaca'.

Gálatas 6:14

Ca nac neda', bitw gonxen cuina', san gonxena' X̱ancho Jesucriston' dan' bnežjw cuine' gote' ḻe'e yag cruzen' ṉec̱he chio'. Bitwbi nonen len neda' še beṉac̱hen' yesyebede' neda', ḻe neda' bich chebeda' da' ca' chesena beṉac̱hen'.