San Lucas 2:9 - Dižaʼ güen c̱he ancho Jesucristo

⁹ Na' to angl beṉe' gwseḻa' X̱ancho Diosen' bžine' gan' nita' beṉe' güeyoe xila' ca', na' be'ni' c̱he X̱ancho Diosa' gwyec̱hjen bseṉin' gan' nite'na'. Na' besežebchgüe'.

San Lucas 2:9 Iomraidhean Croise

San Mateo 1:20

Šlac chone' xbab gone' ca' gwtase' na' to angl beṉe' gwseḻa' X̱ancho Diosen' blo'elagüe' ḻe' ḻo bišgal. Na' gože' ḻe': ―José, le' goljo' ḻo diaža c̱he da' rey David. Bitw žebo' si'o Marían' par gaque' xo'olo'. Spiritw c̱he Diosen' benen cont no'e bdao'na'.

San Lucas 1:28

Na' bžin to angl beṉe' za' yaban' gwyo'e gan' zoa María na' gože'ne': ―Patiox. X̱ancho Diosen' nži'ide' le' na' zoe' len le'. Na' gone' cont so' mbalazch ca yogo'ḻoḻ no'ole yezica'chle.

San Lucas 2:8

Na' že'na' yix̱e' c̱he yež Belén na'ate že' beṉe' güeyoe xila' chesape' xila' c̱hen'.

San Lucas 24:4

Šlac zjanite' chesyebande' c̱he da' quinga, besele'ede' c̱hope beṉe' zjazecha cuitgaquen' zjanyaze' lache' da' chactitchgua.

San Juan 12:41

Da' Isaíasen' gwne' ca' da' ble'ebande' nac Jesúsen' beṉe' zaca' juisyw nach be'e diža' c̱he'.

Hechos 12:7

Cate'cze zejzenez to angl beṉe' gwseḻa' X̱ancho Diosen' bžine' ḻo' ḻižyan' gan' de Pedroa' na' gwyeni'chgua ḻo' ḻižyan'. Anglen' bte' cuit ḻe'e Pedroa' bosbane'ne', gože'ne': ―Ṉetec ṉa'a gwyas. Na' ḻa' besyeyežte gdenṉa' zjanchej na' Pedroa'.

Hechos 27:23

Neda' chonxena' Diosen' na' ba ben cuina' ḻo ne'e, na' ḻe' ba gwseḻe' to angl beṉe' blo'elagüe' neda' nže'e.

Hechos 5:19

Na' to angl beṉe' za' gan' zoa X̱ancho Diosen' bžine' ḻižyan' šeže'le na' gwsaljue' puert ca' na' bebeje' ḻegaque'. Na' gože' ḻegaque':

2 Corintios 3:18

Yogo' chio' chejnilaže'cho Criston', yeḻa' zaca' juisyw c̱he X̱ancho Criston' bich ngašen' len chio', na' ba zejech cheyaquechcho beṉe' güen can' nac ḻe', ḻe zoa Spiritw c̱he X̱ancho Criston' ḻo' lažda'ochon' chocoben xbab c̱hechon'.

2 Corintios 4:6

Na' Dios ben' gwne' gata' be'ni' yežlio nga gan' goc c̱hoḻ, ba gwlo'e be'ni' c̱hen' ḻo' yic̱hjlažda'ochon' cont nombia'cho Jesucriston' ben' nac beṉe' zaca' juisyw, na' cate' ba nombia'chone' chacbe'echo can' nac yeḻa' beṉe' zaca' c̱he Diosen'.

1 Timoteo 3:16

Da' ḻicze da' zaca'chgua dan' ba bzejni'i Diosen' chio'. Cana' nono gwṉeze da' quinga dan' bzejni'ide' chio' c̱he Jesucriston', žan: Diosen' bide' golje' beṉac̱h, na' Spiritw c̱he Diosen' blo'en naque' beṉe' güen juisyw. Na' beṉe' ca' zjanac angl c̱he Diosen' bedeseṉe'e ḻe'. Na' bžin ža Diosen' bene' cont beyepe' yaba gan' yo'ochgua be'ni'. Na' beṉe' ca' cheso'e xtižen' ba goseyix̱jue'eden' len beṉe' že' nación zito', na' zan beṉe' že' ḻo yežlion' ba chesejḻe'e c̱he'.

Hebreos 12:21

Da' zaca' žebcho goc ḻo ya'an, lente da' Moisésen' gwne': “Ḻeca chaž chžeba' can' chaquen'.”

Apocalipsis 18:1

Gwdena' ble'eda' yeto angl beṉe' gwza' yaban' betje' ḻo yežlion'. Goc ḻo ne'e yeḻa' gwnabia' xen cont goc con can' gwne', na' gwyeni' ḻo yežlion' len be'ni' c̱he' da' nse'e.

Apocalipsis 20:11

Nach ble'eda' chi' Diosen' to ḻo siy xen da' nac da' šiš, chi'e chnabi'e. Na' chṉa'tie' yežlion' len da' ca' chle'echo ḻe'e yaban' na' besyeniten, noch no besele'e ḻen, na' gach ga gosac xišne'en ga yoble.