San Lucas 2:49 - Dižaʼ güen c̱he ancho Jesucristo

⁴⁹ Jesúsen' gože' ḻegaque': ―¿Bic̱hen' beyiljwle neda'? ¿Bi ṉezele liž X̱a' ngan' cheyaḻa' soa'?

San Lucas 2:49 Iomraidhean Croise

San Mateo 21:12

Na' Jesúsen' gwyo'e chyo'o yodao' blaon' na' bešaše' yogo' beṉe' ca' chesote' na' beṉe' chesa'o na'. Nach bchix̱e' xmes beṉe' ca' chosoša' mechw, na' yag ga chesebe' beṉe' ca' chesote' ngolbex.

San Lucas 2:48

Na' cate' besele'e x̱axṉe'en ḻe', besyebande', na' xṉe'en gože' ḻe': ―Xi'iṉdagua', ¿bixc̱hen' chondo' neto' ca'? X̱ao' nga na' neda' ba gwdato' beyiljwto' le', na' da' juisyw ba ble'eto'.

San Juan 4:34

Na' gož Jesúsen' ḻegaque': ―Len neda' naquen ca to yeḻa' guagw chona' can' chazlaže' Dios ben' gwseḻa' neda' cont gac yogo' da' chnalaže'.

San Juan 5:17

Na' Jesúsen' gože' ḻegaque': ―X̱an' zoacze' chelaḻde' bate'teze na' ḻecze ca' neda'.

San Juan 5:36

Na' de to da' choe' xtiža' da' zaca'ch ca diža' da' choe' Juanṉa' c̱hia': chona' yogoḻoḻ da' ba gwlo'o X̱an' ḻo na' gona', na' da' ca' chonan' choen' diža' ḻe X̱an' gwseḻe' neda'.

San Juan 6:38

Neda' za'a yaba na' betja' yežlion' gague cont gona' da' žan c̱hia' san cont gona' can' chaclaže' X̱an' ben' gwseḻa' neda'.

San Juan 8:29

X̱an' ben' gwseḻe' neda' zoacze' len neda'. Na' bi chbejyic̱hje'nda', ḻe bate'teze chona' da' chazlaže'.

San Juan 9:4

Cheyaḻa' goncho xšin Dios ben' gwseḻa' neda' šlac ṉe' de latje. Gwžin ža bich gaḻa' gonchon.