San Lucas 2:37 - Dižaʼ güen c̱he ancho Jesucristo

³⁷ taplalj tap izde'. Bicze chechoje' yodao' blaona'. Ḻeca chonxene' X̱ancho Diosen' do ža do yel, gwzoatie' tgüeje bene' gwbas na' con gwzoachgüe' boḻ güiže' Diosen'.

San Lucas 2:37 Iomraidhean Croise

San Lucas 5:33

Nach baḻ beṉe' gose'e ḻe': ―Beṉe' ca' zjanaque' txen len Juan na' beṉe' zjanaque' txen len beṉe' fariseo ca' chesonchgüe' gwbas chosoḻ güiže' Diosen'. Perw na' beṉe' ca' zjanaque' le' txen chese'ej chesagüe'. ¿Bixc̱hen'?

Hechos 13:3

Nach beṉe' ca' bosoḻ güižche' Diosen' sin cbi zjane'ej zjanagüe', nach gosex̱oa na'gaque' yic̱hj Saulon' len yic̱hj Bernabén', gosone' ca' cont gosegüe'e xšin Diosen' ḻo na'gaque'. Gwdena' bosose'e ḻegaque'.

Hechos 14:23

Na' to to yež ga besyedie' gosebeje' beṉe' yosogüia yeseṉe'e yezica'chle beṉe' ca' chesonxene' Jesucriston'. Na' Pablon' len Bernabén', cate' za' yesa'aque' to to yež, gosone' gwbas na' bosoḻ güiže' Diosen' goseṉabe' gaclen X̱ancho Jesucriston' beṉe' ca' ba chesejnilaže' ḻe'.

Hechos 26:7

Beṉe' zan ḻo šižiṉw cue' chio' beṉe' Israel nite' chesebeze' batcan' yosban Diosen' beṉe' ca' ba gosat, can' že' gone'. Da'nan' chesonxene' ḻe' do ža do yel. Ḻecz neda' zoa' lez gac ca', na' da'nan' baḻ beṉe' Israel gualaž c̱hechon' chosocuiše' neda' nga rey Agripa.

1 Timoteo 5:5

No'ol ca' nono zoa beṉe' gwnežjw ḻegaque' da' cheseyažjde' na' zjanaque' dogualje güezebe, yesenite' lez gaclen Diosen' ḻegaque' na' do ža do yel yesenite' yeseṉabde'ne' gaclene' ḻegaque'.

Apocalipsis 3:12

Note'tezle še soele bi cuejyic̱hle xtižan', žin ža gona' gacle ca bdope da' zjanita' ḻo' yodao' blao c̱he Dios ben' chonxena', ḻe yežinḻe gan' zoa Diosen' na' yega'aṉlenḻne' toḻi tocaṉe. Na' gwzoja' ḻoxga to tole la Dios ben' chonxena' na' la ciuda c̱he', ciuda Jerusalén da' nac da' cobe da' chi' yaba na' yetjen ḻo yežlion'. Na' gwzoja' ḻoxga to tole la neda' da' nac da' cobe.

Apocalipsis 7:15

Da'nan' nite' lao Diosen' gan' chi'e chnabi'en chesonxene' ḻe' do ža do yel. Na' Dios ben' chi' chnabi'e zoe' chape' ḻegaque'.