San Lucas 19:12 - Dižaʼ güen c̱he ancho Jesucristo

¹² Nach gwne': ―To beṉe' blao gwyeje' to yež zito' jene' dan' cheyaḻa' gone' cont jax̱i' ḻo ne'e ṉabi'e yež c̱he', ḻe gosebeje'ne' ṉabi'e yež c̱hen' cate' yežine'.

San Lucas 19:12 Iomraidhean Croise

San Mateo 21:38

Perw na' beṉe' ca' nac ḻo na'gaque' yag uvasen' cate' besele'ede' xi'iṉe'na', nach gose' ḻježe': “Bengan' yega'aṉlene' yežlio nga cate' gat x̱en'. Ḻe šo'o gotchone' cont yega'aṉlenchon.”

San Mateo 28:18

Nach gwbiga' Jesúsen' gan' nite'na' na' gože' ḻegaque': ―Ba ben Diosen' ḻo na' doxen yeḻa' chnabian' dan' de yaban' na' yežlion'.

San Marcos 12:1

Nach Jesúsen' gwzolagüe' choe'lene' ḻegaque' diža' chzoe' jempl, na' gože' ḻegaque': ―Gwzoa to beṉe' goze' to cue' xen yag uvas na' gwlo'en le'ej. Na' bene' to ga yesesie' uvasen' cont choj x̱isen', na' bene' yeto da' sibe ca to campanario ga yesecua' beṉe' yosogüia yeseṉe'e yag ca'. ’Nach bcua'aṉe' yežlion' ḻo na' beṉe' yesonši'e yag uvasen', na' gwze'e gwyeje' zito'.

San Marcos 16:19

Beyož bšaljlene' ḻegaque', X̱ancho Jesúsen' begüe' yaba, na' gwchi'e cuit Diosen' šḻa'a ḻicha.

San Lucas 20:9

Na' be'e jempl nga bzejni'ide' beṉe' ca' chosozenag c̱he', gwne': ―To beṉe' goze' to cue' xen yag uvas na' bocua'aṉen' ḻo na' beṉe' ca' yesonen' žin na' gwze'e gwyeje' zito' na' jasoe' sša.

San Lucas 24:51

Na' ca beyoža' beyepe' yaban'.

San Juan 18:37

Nach Pilaton' gože'ne': ―¿Na' len' naco' rey še ca'? Na' gwna Jesúsen': ―Da' ḻi can' žon', naca' rey na' ba bida' yežlio nga cont gwzejni'ida' beṉac̱hen' diža' ḻi na' yogo' beṉe' chesone' txen len diža' ḻi chosozenague' c̱hia'.

Hechos 17:31

Diosen' chaclaže' cuejyic̱hjcho da' malen', ḻe ba mbeje' Jesucriston' gone' yeḻa' justis c̱he yogo' beṉac̱h na' gwnežjue' castigw c̱he yogo' beṉe' cbi chesejnilaže' ḻe', na' Diosen' zejcze' to ḻicha dan' gone' ca'. Na' Diosen' ba nžie' bia' bat gone' yeḻa' justis c̱he beṉac̱h. Na' dan' bosban Diosen' Jesucriston' ladjo beṉe' guaten', ṉezecho Jesucristwnan' gone' yeḻa' justis c̱he beṉac̱hen'.

1 Corintios 15:25

Diosen' bžie' bia' zoa Criston' chnabia'che' ca yogo' beṉe' ca' na' bichle da' ca', na' Diosen' gone' cont žin ža cate' gwlej gwšošje' beṉe' ca' na' bichle da' ca' bi cheson txen len ḻe'.

Hebreos 9:28

Na' can' yesat beṉac̱hen' tṉi'aze, ca'cze bnežjw cuin Criston' tṉi'aze gosote'ne' cont chac cheque'e xtoḻa' beṉac̱hen'. Nach žin ža yide' da' yoble perw gague cont yeque'e xtoḻa' beṉac̱hen', san cont yec̱he'e beṉe' ca' chesebeze' batcan' yide' nach ṉite' mbalaz len ḻe'.

1 Pedro 3:22

Na' ṉa'a Jesucriston' ba beyepe' yaban' gan' chnabi'e txen len Diosen', na' chosozex̱jw yic̱hj yogo' angl na' yogo' nochle no nape yeḻa' chnabia' chosozenague' c̱he'.

Apocalipsis 1:7

Jesucriston' yide' da' yoble to ḻo' bejw, na' yogo'ḻoḻ beṉe' yesele'ede' ḻe', lente beṉe' ca' gosot ḻe'. Na' beṉe' ca' že' to to latje ḻo yežlion', yesebežyaše' cate' yesele'ede' ḻe'. Can' žia', na' can' gacšca.