San Lucas 18:14 - Dižaʼ güen c̱he ancho Jesucristo

¹⁴ Na' chnia' le'e, Diosen' bezi'xene' c̱he beṉe' güec̱hixjon' na' beyej liže' bibi xtoḻe' gota'. Perw bi goc ca' len beṉe' fariseon'. Ḻe note'tez beṉe' chonxen cuine', Diosa' gone' cont si'e zto', na' note'tez beṉe' chzex̱jwlaže' lagüen', Diosen' gone' cont gacxene'.

San Lucas 18:14 Iomraidhean Croise

San Mateo 23:12

Ḻe note'teze beṉe' chonxen cuine', Diosen' gone' cont si'e zto' lagüen'. Na' note'teze beṉe' chzex̱jwlaže' lagüen', Diosen' gone' cont gacxene'.

San Mateo 5:3

―Mbalaz zoa le'e chacbe'ele chyažjele gaclen Diosen' le'e, ḻe ba chzenagle c̱he Diosen' cont chnabi'e yic̱hjlažda'olen'.

San Lucas 1:52

Ba bene' cont beṉe' gwnabia' ca' bich yesenabi'e. Na' beṉe' bi naque' beṉe' blao, Diosen' ba bnežjue' latje yesaque' beṉe' blao.

San Lucas 10:29

Na' bena' goclaže' gwlo'ede' choncze' can' ža leyna', na' gože' Jesúsen': ―¿Non' nac beṉe' ḻježa' ben' cheyaḻa' gacda'?

San Lucas 14:11

Ḻe note'teze beṉe' chonxen cuine', Diosen' gone' cont si'e zto' lagüen'. Na' note'teze beṉe' chzex̱jwlaže' lagüen', Diosen' gone' cont gacxene'.

San Lucas 16:15

Na' gož Jesúsen' ḻegaque': ―Le'e chonḻe cont beṉac̱hen' chesacde' chdaczle ḻicha, perw Diosen' ṉeze nle'ede' yic̱hjlažda'ole, na' Diosen' chgue'ede' baḻ da' chesaque beṉac̱hen' zjanaquen da' žialao xen.

Romanos 3:20

Bi ṉacho zoa beṉe' naque' beṉe' güen len Diosen' da' chone' yogo' da' ža leyna', ḻe notno chon ca'. Leyna' chlo'en chio' naccho beṉe' güen da' xiṉj.

Romanos 4:5

San to goclen chon Diosen' že' c̱he chio' chejnilaže'chone' naccho beṉe' güen len ḻe', ḻe bi choncho da' güen. Choncho da' xiṉj, na' Diosen' chṉitlagüe' da' xiṉj c̱hechon' še chejnilaže'chone'.

Romanos 5:1

Na' ca nac chio', da' ba chejnilaže'cho X̱ancho Jesucriston', Diosen' ba gwne' naccho beṉe' güen len ḻe', na' ḻecze da'nan' ba zoacho binḻo len ḻe'.

Romanos 8:33

Diosen' ba gwleje' chio' naccho ḻo ne'e, na' beque'e xtoḻa'chon'. Na' notno soe gwcuiš chio' lagüen', ḻe ba gwne' bibi xtoḻa'cho de.

Gálatas 2:16

Perw ba ṉezeto' Diosen' bitw že' nacto' beṉe' güen len ḻe' ṉec̱he da' chonto' can' ža ley dan' bzoj da' Moisésen'. Con beṉe' chesejnilaže' Jesucriston' zjanaque' beṉe' güen len Diosen'. Da'nan' lencze neto' chejnilaže'to' Criston' cont Diosen' že' c̱heto' ba nacto' beṉe' güen lagüe'na'; že' ca' gague ṉec̱he dan' chonto' can' ža leyna'. Ḻe bi ṉacho zoa beṉe' nac beṉe' güen len Diosen' ṉec̱he chone' bi da' ža leyna'.

Santiago 4:10

Cheyaḻa' gwzex̱jw yic̱hjle lao X̱ancho Diosen', nach Diosen' gone' cont gacxenḻe.

Santiago 4:6

Diosen' chaclenchgüe' chio' cont chzenagcho c̱he toz ḻe'. Da'nan' nyoj Xtiža' Diosen' žan: “Diosen' chone' contr beṉe' ca' chesonxen cuingaque', perw chaclene' beṉe' ca' chesacbe'ede' bi chosozenague' c̱he' ca cheyaḻa'.”