San Lucas 17:30 - Dižaʼ güen c̱he ancho Jesucristo

³⁰ Can' gac cate' yida' da' yoble, neda' naca' ben' gwseḻa' Diosen' golja' beṉac̱h, na' yogo'ḻoḻ beṉe' yesele'ede' neda'.

San Lucas 17:30 Iomraidhean Croise

San Mateo 16:27

Diosen' gwseḻe' neda' golja' beṉac̱h na' cate' yida' yežlio nga da' yoble nsa'a yeḻa' zaca' juisyw c̱he X̱a' Diosen' na' nc̱hi'a angl c̱hia' ca', cana'ch gona' cont to to beṉac̱hen' ṉite' mbalaz o yesezaca'zi'e ṉec̱he da' goson to toe'.

San Mateo 24:3

Na' ja'aque' Ya'a Olivos. Na' cate' Jesúsen' ba chi'e ḻo ya'an, beṉe' ca' zjanaque' ḻe' txen gosebigue' lagüen' gose'ene' šižize: ―Che'neto' ṉao' neto' batcan' gac da' ca'. Na' ¿nac gac ṉezeto' cate' ba zoa bagwze yido' na' ba zoa yeyož yežlion'?

San Mateo 24:37

’Diosen' gwseḻe' neda' golja' beṉac̱h, na' can' goc tiemp c̱he da' Noé, ḻecze can' gac caten' neda' yida' da' yoble.

San Mateo 24:39

Bitw gosacbe'ede' bin' gac. Cate'ch goc yejw sio' juisyw na' bia' nisen' yogo'ḻoḻe' cana'ch gosacbe'ede'. Ḻecz can' gac, con cate'ch yida' da' yoble cana'chen' yesacbe'e beṉe' bin' gac.

San Mateo 26:64

Jesúsen' gože'ne': ―Ḻe can' žale nan' naca'. Diosen' gwseḻe' neda' golja' beṉac̱h. Na' chnia' le'e, gwžin ža le'ele neda' chi'a cuit Diosen' ben' nape ḻa'zelagüe yeḻa' guac xen, na' ṉabi'a txen len ḻe', na' le'ele yetja' yaban' to ḻo' bejw.

San Marcos 13:26

Nach beṉe' že' yežlion' yesele'ede' neda' naca' ben' gwseḻa' Diosen' golja' beṉac̱h za'a ladjo bejon' len yeḻa' guac xen na' yeḻa' beṉe' zaca' juisyw c̱hian'.

San Lucas 17:24

Can' chac cate' chep yes, chseṉin' doxen ḻe'e yaban' zejzenez, ḻecze can' gac cate' žin ža yida' da' yoble, neda' naca' ben' gwseḻa' Diosen' golja' beṉac̱h. Yida' zejzenez na' yogo'ḻoḻ beṉe' yesele'ede' neda'.

San Lucas 17:29

Perw na' žan' beza' Loten' Sodoman', Diosen' bene' cont byiṉj yi' na' azufre yaba na' gosebiayi' yogo'ḻoḻe'.

San Lucas 21:22

Cana' gwnežjo Diosen' castigw c̱he xtoḻa' beṉe' ca' že' Judean', cont gac can' nyojen ḻe'e Xtiža' Diosen'.

San Lucas 21:27

Na' cana'ch beṉe' že' yežlion' yesele'ede' neda' naca' ben' gwseḻa' Dios golja beṉac̱h, za'a to ḻo' bejw len yeḻa' guac xen na' yeḻa' beṉe' zaca' juisyw c̱hia'.

1 Corintios 1:7

Spiritw c̱he Diosen' chonen cont chac chonḻe yogo' da' ca' chyažjen gonḻe šlac chbezcho yid X̱ancho Jesucriston' yeto.

1 Corintios 1:8

Na' Diosen' gaclene' le'e soac̱hac̱hle gonḻe can' chazlažen' cont bibi doḻa' gaple caten' yid X̱ancho Jesucriston' yeto.

Colosenses 3:4

Criston' noṉe' chio' yeḻa' mban toḻi tocaṉe. Na' cate' ḻe' yide' da' yoble, šjayzoacho txen len ḻe' gan' yo'ochgua be'ni'.

2 Tesalonicenses 1:7

Na' ḻecze zeje' to ḻicha da' gwcueze' yogo'te dan' chyi chzaca'chon'. Gwcuezen' cate' le'echo yetj X̱ancho Jesúsen' ḻe'e yaban' len angl c̱he' ca' beṉe' zjanse'e yeḻa' guac c̱he'. Yetje' nyec̱hjde' yi' beḻ.

1 Pedro 1:13

Da'nan' cheyaḻa' soale len toze xbab na' gonḻe con ga zelao saque'le cont gonḻe can' chazlaže' Diosen'. Cheyaḻa' soale yebele gon Diosen' gacchgua mba c̱hele caten' yid Jesucriston' da' yoble.

1 Pedro 1:7

Ḻa'czḻa' da' te c̱he oron', beṉac̱hen' chosozeyen' cont chesyebeje' bi da' nc̱hix̱en da' bibi zaca'. Na' ca'cze zaca'lebe dan' choe' Diosen' latje chac c̱hele, chaquen cont gwlo'ele še da' ḻi chejnilaže'lene' cate' chac bi da' mal c̱hele. Na' še soatezle šejnilaže'lene', ḻeca zaca'chen clel ca no oro. Nach cate' Jesucriston' yide' da' yoble Diosen' güe'e diža' ṉe' benḻe güen na' goṉe' le'e yeḻa' bala'aṉ xen na' gone' soale txen len ḻe' gan' yo'ochgua be'ni'.

1 Pedro 4:13

Cheyaḻa' yebele caten' chzaca'zi'le da' chejnilaže'le Criston', ḻe chac c̱hele can' goc c̱he Criston' caten' gwxaca'zi'e. Ḻe yebe caten' chzaca'zi'le cont ḻecze yebele na' soale mbalaz cate' žin ža le'ele yid Criston' ben' nac beṉe' zaca' juisyw.

1 Juan 2:28

Na' ṉa'a xi'iṉda'ogua', cheyaḻa' soatezcho gwzenagcho c̱he Jesucriston' cont bi žebcho cate' yide' da' yoble na' cont bi yeto'echo na' cont bi ṉan gwcuaše'chone' cate' le'echo ba ble'e.

1 Juan 3:2

Xi'iṉda'ogua', chio' chejnilaže'cho Jesucriston' bac̱h naccho xi'iṉ Dios. Na' biṉa' gata'bia' nac gaccho. Con ṉezecho caten' Jesucriston' yide' da' yoble canan' le'echwne' can' naque' na' yeyac yic̱hjlažda'ochon' can' nac yic̱hjlaždao' le'.

Apocalipsis 1:7

Jesucriston' yide' da' yoble to ḻo' bejw, na' yogo'ḻoḻ beṉe' yesele'ede' ḻe', lente beṉe' ca' gosot ḻe'. Na' beṉe' ca' že' to to latje ḻo yežlion', yesebežyaše' cate' yesele'ede' ḻe'. Can' žia', na' can' gacšca.