San Lucas 17:25 - Dižaʼ güen c̱he ancho Jesucristo

²⁵ Zgua'tec de da' zan da' cheyaḻa' saca'zi'a na' beṉe' ca' že' ṉa'a bitw yesejḻe'e c̱hia'.

San Lucas 17:25 Iomraidhean Croise

San Mateo 16:21

Na' žana' Jesúsen' gwzolagüe' bzejni'ide' beṉe' ca' zjanaque' ḻe' txen cheyaḻa' šeje' Jerusalénṉa'. Na' gože' ḻegaque' beṉe' gole blao ca' chesenabi'e nación c̱hechon', na' bx̱oz gwnabia' ca' na' beṉe' ca' chososed chosolo'ede' dan' bzoj da' Moisés yosoc̱hi yososaque' ḻe' na' yesote' ḻe'. Perw yeyoṉ ža yebane' ladjo beṉe' guat ca'.

San Mateo 21:42

Jesúsen' gože' ḻegaque': ―Ca'czen'. ¿Biṉa' gwlable ga nyoj Xtiža' Diosen', žan quinga?: Yej dan' bi gosaclaže' beṉe' güen yo'o ca' yosoc̱hine', ḻen ba naquen yej squin. Da' nga ben X̱ancho Diosen', na' naquen to da' yežejecho.

San Marcos 10:33

Gože'ne': ―Ṉa'a ba zejcho Jerusalén gan' yesone' neda' ḻo na' bx̱oz gwnabia' ca' na' ḻo na' beṉe' ca' chososed chosolo'ede' dan' bzoj da' Moisés, na' yesec̱hoglagüen' c̱hia' yesote' neda' na' yesone'nda' ḻo na' beṉe' bi zjanaque' beṉe' Israel, nedan' naca' ben' gwseḻa' Dios golja' beṉac̱h.

San Marcos 12:10

’¿Biṉa' gwlable ga nyoj Xtiža' Diosen'? žan quinga: Yej dan' bi gosaclaže' beṉe' güen yo'o ca' yosoc̱hine', ḻen ba naquen yej squin.

San Marcos 8:31

Na' gwzolao Jesúsen' bzejni'ide' ḻegaque' can' gac c̱hen', gože'ne': ―Da' zan da' saca'zi'a neda' naca' ben' gwseḻa' Diosen' golja' beṉac̱h. Na' beṉe' blao ca' chesenabia' nación c̱hechon' na' bx̱oz gwnabia' ca' na' beṉe' ca' chososed chosolo'e dan' bzoj da' Moisés bi yesele'ede' neda' güen da' bi chesejḻe'e c̱hia', na' yesote' neda', perw gacch šoṉe ža yebana' ladjo beṉe' guat ca'.

San Marcos 9:31

ḻe chzejni'ide' beṉe' ca' zjanaque' ḻe' txen, che'e ḻegaque': ―Nedan' naca' ben' gwseḻa' Dios golja' beṉac̱h, yosodie' neda' ḻo na' beṉe' yesote'nda', perw yeyoṉ ža yebana' ladjo beṉe' guat ca'.

San Lucas 18:31

Na' gwlejiže Jesúsen' beṉe' šižiṉw ca' gwleje' cont zjanaque' txen len ḻe' na' gože' ḻegaque': ―Ṉa'a ba zejcho Jerusalénṉa' gan' gac yogo'ḻoḻ dan' nyoj c̱hia' dan' bosozoj da' beṉe' ca' gosoe' xtiža' Diosen' cani', neda' naca' bena' gwseḻa' Diosen' golja' beṉac̱h.

San Lucas 18:33

Yesot yeseyine' neda' na' yesote' neda', perw yeyoṉ ža yebana' ladjo beṉe' guat ca'.

San Lucas 24:46

Na' gože' ḻegaque': ―Benen byen goc da' quinga cont goc can' nyojen žan neda' gata' na' yebana' ladjo beṉe' guat yeyoṉ ža, neda' naca' Cristo ben' gwlej Diosen' yedeṉabia'.

San Lucas 9:22

Na' gože' ḻegaque': ―Da' zan da' saca'zi'a, neda' naca' ben' gwseḻa' Dios golja' beṉac̱h. Na' beṉe' gole blao ca' chesenabia' nación c̱hechon' na' bx̱oz gwnabia' ca', na' beṉe' ca' chososed chosolo'e ley dan' bzoj da' Moisés, bi yesele'ede' neda' güen dan' bi gosejḻe'e c̱hia', na' yesote'nda', perw yeyoṉ ža yebana' ladjo beṉe' guat ca'.

San Juan 1:11

Golje' ladjo neto' beṉe' gualaž c̱he', perw zan neto' beṉe' gualaž c̱he' bi gwyejḻe'to' c̱hen'.

San Juan 12:38

Goc can' bzoj da' Isaíasen' ben' be' xtiža' Diosen' cani', gwne': X̱anto', nono chejḻe' diža' dan' chyix̱jue'eton', na' nono chesacbe'e blo'o yeḻa' guac c̱hion'.