San Lucas 16:29 - Dižaʼ güen c̱he ancho Jesucristo

²⁹ Na' Abrahanṉa' gože' ḻe': “Decze dan' bzoj da' Moisésen' na' dan' bosozoj yezica'chle beṉe' ca' goso'e xtiža' Diosen' cani'. Cheyaḻa' yosozenague' c̱he da' ca' zjanyojen.”

San Lucas 16:29 Iomraidhean Croise

San Lucas 16:16

Na' gozna' Jesúsen': ―Gwzolaon cani'te bžinten cate' bla' Juanṉa' bedetix̱jue'ede' xtiža' Diosen', ley dan' bzoj da' Moisés len dan' bosozoj yezica'chle beṉe' gosoe' xtiža' Diosen' bzejni'in chio' c̱he Diosen'. Na' ṉa'a gwzolaon len Juanṉa', ṉe' nita'cze beṉe' cheseyix̱jue'ede' Diosen' ṉabi'e yic̱hjlaždao' beṉe' yosozenague' c̱he'. Na' beṉe' zan cheseyiljue' nacle yesone' cont ṉabia' Diosen' yic̱hjlažda'ogaque'.

San Lucas 24:27

Na' be'e diža' len ḻegaque' bsed blo'ede' ḻegaque' yogo' dan' nyoj c̱he'na' ḻe'e Xtiža' Diosen', gwzolaoteque' len dan' bzoj da' Moisés na' len dan' bosozoj yezica'chle beṉe' gwseḻa' Diosen' goso'e xtižen' cani'.

San Lucas 4:17

Na' ben' yo'o ḻo ne'e yodao'na' bnežjue'ne' yiš da' ndobe gan' nyoj dan' bzoj da' Isaías ben' be' Xtiža' Diosen' cani'te. Na' Jesúsen' bzaše' yišen' na' beželde' ga nyojen žan:

Hechos 15:21

Ṉabcho bi yesone' da' ca', ḻe cani'te nita' beṉe' to to yež chosozejni'ide' ley c̱hechon' dan' bzoj da' Moisésen' dan' žan bi goncho da' ca', na' chosolabe' leyna' yogo' ža c̱he Dios.

Gálatas 4:21

Le'e chaclaže'le gonxenḻe costumbr c̱he neto' beṉe' Israel dan' zjanyoj ḻe'e ley dan' bzoj da' Moisésen' ¿biṉa' yenele can' ža dan' nyojen?