San Lucas 16:2 - Dižaʼ güen c̱he ancho Jesucristo

² Na' x̱anen' goxe' ḻe' na' gože'ne': “Ba benda' diža' can' chonon'. Cheyaḻa' yodio' cuent yogo'ḻoḻ da' ba benditjedo' c̱hia'. Bich gac gono' xšinan' ṉa'a.”

San Lucas 16:2 Iomraidhean Croise

San Mateo 12:36

Na' žia' le'e, cate' žin ža gon Diosen' yesežaglao yogo' beṉe' cheson da' xiṉj toḻi tocaṉe, cana' yogo'ḻoḻ beṉe' yosodie' cuent c̱he yogo' diža' dan' ba goso'e da' bitwbi zjazacan'.

San Mateo 20:8

Na' cate' bžin hor bosa' x̱an yag uvasen' beṉe' güen žin ca', nach gože' mos blao c̱hen': “Beyax beṉe' güen žin ca' cont c̱hixjo'ne', solao c̱hixjo' beṉe' ca' besela'ac bzebe, na' yeyožle len beṉe' ca' besela'ac da' nechw.”

San Lucas 12:20

Perw Diosen' gože' bena': “Chono' xbab da' bibi zaca'. Ṉa'aže' bžin hor gato', na' ¿nola ḻo na' gac yogo' da' de c̱hio'?”

San Lucas 12:42

Nach gož X̱anchon' Pedroa': ―Naquen par note'tez beṉe' še chone' can' chon mos blao ben' chejni'i, ben' chon can' cheyaḻa' gone'. Ben' chon ca', co' x̱ane' ḻo ne'e ližen' cont ṉe'e mos ca' yezica'chle. Na' gone' da' yesagw to toe' cate' žin hor yesagüe'.

San Lucas 16:1

Nach gož Jesúsen' beṉe' ca' zjanaque' ḻe' txen: ―Gwzoa to beṉe' gwṉi'a na' gwzoa to mos blao c̱he' ben' gwyo'o ḻo ne'e yogo'ḻoḻ da' de c̱he'. Na' beṉe' gwṉi'ana' bende' rson xmose' blaon' ba benditjde' bi da' de c̱he'.

San Lucas 16:3

Nach mosen' bene' xbaben': “¿Bixe gona' ṉa'a? X̱anan' ba cholague' neda'. Bich gac gona' xšinen', na' ṉeca gac goncha' žin gual, na' gacda' zto' še ṉaba' carida.

Romanos 14:12

Can' naquen, yogo'czecho yodecho cuent lao Diosen' c̱he bite'teze da' ba bencho šlac mbancho.

1 Corintios 1:11

Chnia' ca' beṉe' migw, ḻe beṉe' nita' liž Cloé ba gose'e neda' chdiḻe chšašle.

1 Corintios 4:2

Na' chonen byen gonto' con can' ngüe'e ḻo na'to' gonto'.

1 Corintios 4:5

Da'nan' bi cheyaḻa' žialaole ṉale c̱he note'teze beṉe' še chone' can' cheyaḻa' gone' o še bi chone'. Caten' yid X̱ancho Criston' yeto, canan' gone' cont ṉezecho da' nono ṉeze ṉa'a, na' gone' cont gacbe'echo can' nac xbab da' yo'o ḻo' yic̱hjlaždao' beṉac̱hen'. Na' cana' ṉa Diosen' še nocho chon güen.

2 Corintios 5:10

Ḻe to tocho cheyaḻa' techo lao Criston' gan' chone' yeḻa' justisen' cont c̱hogbi'en c̱hecho na' gone' soacho mbalaz o saca'zi'cho con can' ba bencho šlac mbancho, še bencho da' güen o da' mal.

1 Timoteo 4:14

Bi gatlažo' dan' gwlo'o Diosen' ḻo nao' gono' caten' gosex̱oa na' beṉe' blao ca' yic̱hjon', beṉe' ca' chosogüia cheseṉe'e ḻjež chio' chonxencho Diosen', bosozende' le' gwlej Diosen' gono' xšinen'.

1 Timoteo 5:24

Baḻ beṉe' nacbia' chesone' da' mal na' yogo'ze beṉe' zjaṉezde' can' chesonen' ḻa'czḻa' biṉa' žin ža yesezi'e castigw c̱hen. Na' baḻ beṉe' chesone' da' malen' dan' ngaše' na' da' bi nacbia', perw žin ža gwlo'elaon.

1 Pedro 4:10

Con can' ba goclen Diosen' to tocho da' noṉe' chio' grasyw c̱he bi da' chac choncho, can' cheyaḻa' gaclen ḻježcho len dan' choncho. Cheyaḻa' gwc̱hincho bite'teze grasyw da' noṉ Diosen' chio' con can' chaclaže' gwc̱hinchon, ḻe nža' nža'te da' noṉe' c̱he to tocho choncho.

1 Pedro 4:5

Perw žin ža cate' Diosen' ṉabyožde' ḻegaque' c̱he yogo'ḻoḻ da' ba gosone', Dios ben' chbeze' c̱hogbi'en nac gac c̱he beṉe' zjamban len beṉe' ca' ba gosat.

Apocalipsis 20:12

Na' ble'eda' beṉe' ba gosat, beṉe' gole len beṉe' xcuide' len bi' bixjw, zjazeche' lao Diosen'. Nach Diosen' bzaše' libr ca' gan' zjanyoj yogo'ḻoḻ da' goson to toe'. Na' gwdena' bzaše' libr gan' zjanyoj la beṉe' ca' zjanape' yeḻa' mban toḻi tocaṉe. Na' bene' yeḻa' justis c̱hegaque' con ca gosone' šlac gosebane', ḻe yogo' da' gosone' zjanyojen ḻe'e libr ca'.