San Lucas 16:14 - Dižaʼ güen c̱he ancho Jesucristo

¹⁴ Na' ḻecze nita' beṉe' fariseo ca' chesende' xtiža' Jesúsen', na' gosezi'diže' ḻe', ḻe gosaclaže' yesaque' beṉe' gwṉi'a.

San Lucas 16:14 Iomraidhean Croise

San Mateo 23:13

’¡Nyaše'chguaze gac c̱he le'e chsed chlo'ele ley dan' bzoj da' Moisésen' na' le'e beṉe' fariseo! Chziye'le beṉe' cont bi yosozenague' c̱he Diosen', ḻe bi chaclaže'le ṉabia' Diosen' yic̱hjlažda'ogaque', na' ḻecze le'e bi chzenagle c̱he Diosen' cont ṉabi'e yic̱hjlažda'olen'.

San Mateo 9:24

Na' gože' ḻegaque': ―Ḻe yechoj ngale. Bi' no'ole daon' biṉa' gatbe', san chtasben'. Na' beṉe' ca' bosoxiže' gosonḻe' c̱he'.

San Lucas 12:15

Nach gože' yogo'ḻoḻ beṉe' ca' že'na': ―Ḻe gwsaca' cont bi selaže'le bi da' gata' c̱hele yežlio nga, ḻa' de bi de c̱hecho o ḻa' bibi de c̱hecho bi da' chyažj chc̱hinecho, gague da' can' nac yeḻa' mban c̱hecho.

San Lucas 20:47

Na' chesyeque'e yo'o c̱he no'ole güezeb ca'. Na' cate' chosoḻ güiže' Dios, sša cheso'e diža' cont yesaque beṉe' ḻeca chesonxene' Diosen'. Beṉe' can' chesacche' castigw clel ca yezica'chle beṉe' güen da' xiṉj.

San Lucas 23:35

Na' beṉe' zan besyežejde' ḻe'. Na' beṉe' gwnabia' c̱hegaque' ca' gosonḻe' c̱he', gosene': ―Yezica'chle beṉe' bosle'. Še da' ḻi naque' Criston' ben' gwlej Diosen' yedeṉabi'e, ¿bixc̱hen' bi chosla cuine'?

San Lucas 8:53

Na' bosoxiže' gosonḻe' c̱he' da' zjaṉezde' ba gotbe'.

2 Timoteo 3:2

Beṉe' zan yesonxen cuingaque', na' zane' yesebec yic̱hje' gata' da' zc̱ha'o xmechwgaque'. Zane' yeso'e diža' ca güenṉa' chesone' na' yesaque' beṉe' ya'laže'. Yeseṉeye'e c̱he Diosen'. Bi yosozenague' c̱he x̱axṉa'gaque'. Bi yeso'e yeḻa' chox̱clen c̱he Diosen' na' bi yesape' ḻe' bala'aṉ.

Hebreos 11:36

Gwnita' yebaḻ beṉe' ḻeca gosezi'diža' beṉe' ḻegaque' na' ḻeca goseyine' ḻegaque', na' bosoc̱heje' ḻegaque' gden na' goseyix̱jue' ḻegaque' ḻižya.