San Lucas 14:18 - Dižaʼ güen c̱he ancho Jesucristo

¹⁸ Na' yogo'ḻoḻe' gose'e ben' bi zjazoe' latje šja'aque' gan' chone' ḻṉin'. Beṉe' nechon' gwne': “Za' gwxia' to yežlio, na' cheyaḻa' šjaṉa'an. Na' ye'šco' x̱anon' bitw gac yida'.”

San Lucas 14:18 Iomraidhean Croise

San Lucas 14:17

Na' cate' bžin hor yesagüe', na' x̱an yo'ona' gwseḻe' xmosen' cont šjatobe' ḻegaque' yesagüe'. Na' cate' jaṉe'e to toe', gože' ḻegaque': “Ḻe šo'o, ba bsiṉi'e dan' gagwchon'.”

San Lucas 14:19

Na' yetoe' gwne': “Za' gwxia' gayo' cue' go'ṉ na' ṉa'a šjengaca'ba' prueba. Ye'šco' x̱anon' si'xene' c̱hia', bitw gac yida'.”

San Lucas 18:24

Na' Jesúsen' gwṉe'e beṉe' gwṉi'ana' na' gože'ne': ―Ḻeca zdebe naquen to beṉe' gwṉi'a gwzenague' c̱he Diosen' cont Diosen' ṉabi'e yic̱hjlažda'ogüe'.

San Lucas 8:14

Na' biṉ dan' besego'oṉen ga nac ḻo yag yeše', zejen ca beṉe' ca' ba gosende' xtiža' Diosen', perw šlac zjambane' chesyelaḻ chesyežejde' na' chese'nde' yeseṉi'e, na' chesede' chesonteze' con da' žazen c̱hegaque'. Na' da' qui bi choen' latje yega'aṉ xtiža' Diosen' ḻo' yic̱hjlažda'ogaque' na' da'nan' bi chesejnilaže' ḻe' ca cheyaḻa'.

San Juan 1:11

Golje' ladjo neto' beṉe' gualaž c̱he', perw zan neto' beṉe' gualaž c̱he' bi gwyejḻe'to' c̱hen'.

San Juan 5:40

Perw bi chaclaže'le šejnilaže'le neda' cont gata' yeḻa' mban c̱hele toḻi tocaṉe.

Filipenses 3:4

De da' zan da' guac gona' xbab gaclenen neda' lao Diosen' šaca' chacda' yebe Diosen' neda' ṉec̱he da' ba bena' o nac naca'. Nono zoa no ṉacho ba benche' da' zan da' yebe Diosen' ca neda'.

2 Timoteo 4:10

Ben ca', ḻe Demas ba gwlejyic̱hje'nda' na' ba zjayde' yež Tesalónica da' chi'chgua yic̱hje' bin' gata' c̱he' ḻo yežlio nga. Na' Crescente ba zeje' Galacia na' Titon' ba zeje' Dalmacia.

2 Timoteo 4:4

Yesebejyic̱hje' bich yosozenague' c̱he diža' ḻin' na' yosozenagche' c̱he diža' da' chesaljlaže' beṉe'.

Hebreos 12:16

Bi gata'lenḻe beṉe' byo bi nac beṉe' c̱hele o no'ole bi nac no'ol c̱hele. Na' bi gue'ele da' naquen da' zaca' len Diosen' can' ben da' bene' gože' Esaú, ben' bše'ede' to platw yeḻa' guagw da' cheyaḻa' gwnežjo Diosen' ḻe' dan' golje' goque' beṉe' nechw.