San Lucas 13:19 - Dižaʼ güen c̱he ancho Jesucristo

¹⁹ Da'nan' yeḻa' gwnabia' c̱he Diosen' naquen ca biṉ c̱he xomdas. To beṉe' gozen' na' cate' blan' gwcha'on goquen yag cha'o na' be ca' zjazoa x̱il goson ližgacba' ḻo xoze' yaga'.

San Lucas 13:19 Iomraidhean Croise

San Mateo 17:20

Jesúsen' gože' ḻegaque': ―Bitw goc yebejlen dan' bitw gwyejḻe'le Diosen' gone' yechojen. Xsa xomdasen' naquen da' dao' riz. Na' da' ḻi žia' le'e, ḻa'czḻa' dan' chejnilaže'le Diosen' naquen ca to xsa xomdas lagüe dan' bi chejnilaže'teclene', še šejnilaže'lne', guaque ye'le ya'a nga: “Gwcuas nga, na' jayzoa na'ate”, na' gac can' ṉalen'. Bitw bi de dan' bi gac gonḻe con še chejḻe'le Diosen' gone' gaquen.

San Marcos 4:30

Nach ḻecze gwna Jesúsen': ―Gonchcho xbab bi ca da' zaca'lebe yeḻa' gwnabia' c̱he Diosen' na' güe'cha' jempl cont ṉezele šanch beṉe' yosozenag c̱he' cont ṉabi'e yic̱hjlažda'ogaque'.

San Lucas 17:6

Nach gož X̱anchon' ḻegaque': ―Xsa yag xomdas naquen da' dao' riz, na' ḻa'czḻa' dan' chejnilaže'le Diosen' naquen ca to xsa xomdas lagüe dan' bi chejnilaže'teclne', še šejnilaže'lne', guaque ye'le yag nga: “Gwcuase nga na' jayzoa ḻo' nisdaon'”, na' guaccze can' nalna'.

Hechos 2:41

Ca' goquen' beṉe' ca' gosejḻe'e diža' dan' be' Pedroa' gosezoe' nis. Na' ḻo žana' šoṉ mil beṉe' gosejnilaže' Jesúsen' na' gosaque' txen len yezica'chle beṉe' chesejnilaže' ḻe'.

Hechos 21:20

Na' cate' bosozenague' dan' gož Pablon' ḻegaque', nach goso'e yeḻa' chox̱clen c̱he Diosen' na' gose'e Pablon': ―Beṉe' migw, ṉezdo' zan mil beṉe' Israel gualaž c̱hecho ca' ba chesonxene' Jesucriston' na' yogüe' chesacde' chonen byen goncho yogo' da' ca' zjanyoj ḻe'e ley c̱hechon' dan' bzoj Moisés.

Hechos 4:4

Na' ca nac beṉe' ca' gosende' chesoe' Pedroa' na' Juanṉa' xtiža' Diosen', zane' gosejnilaže' Criston', na' txen len beṉe' ca' ba gosejnilaže'ne' cana', gosac do gayo' mil beṉe' byo cbi cuent no'ole.

Romanos 15:19

Spiritw c̱he Diosen' goclenen neda' cont bena' yeḻa' guac na' bichle da' besyebane beṉe' gate'teze gwya'a be'lena' ḻegaque' xtiža' Diosen', gwzolagua' Jerusalén na' bžintia' gan' nzi' Ilírico. Na' ba gwdix̱jue'eda' xtižen' doxen gan' gwseḻe' neda'.

Apocalipsis 11:15

Nach angl beṉe' gažen' bcuež trompeta c̱hen' na' benda' baḻ beṉe' ca' že' yaban' goseṉe' zižje, gosene': Doxen yeḻa' chnabia' c̱he yežlion' bac̱h naquen ḻo na' X̱ancho Diosen' na' ḻo na' Cristo ben' gwleje' cont chnabi'e. Na' Diosen' zoacze' chnabi'e toḻi tocaṉe.