San Lucas 12:15 - Dižaʼ güen c̱he ancho Jesucristo

¹⁵ Nach gože' yogo'ḻoḻ beṉe' ca' že'na': ―Ḻe gwsaca' cont bi selaže'le bi da' gata' c̱hele yežlio nga, ḻa' de bi de c̱hecho o ḻa' bibi de c̱hecho bi da' chyažj chc̱hinecho, gague da' can' nac yeḻa' mban c̱hecho.

San Lucas 12:15 Iomraidhean Croise

San Marcos 7:22

yesone' gwban, yesezelaže' gata' c̱hegaque' da' de c̱he beṉe' yoble, yesone' da' mal, yeseziye'e beṉe', yesone' bichle da' nac da' yeḻa' zto', yesacxi'ede' beṉe', yeseṉeye'e c̱he beṉe', yesaque' beṉe' ya'laže', yesone' xbab da' bi zaca'.

San Lucas 12:16

Na' be'lene' ḻegaque' to jempl, gwne': ―To beṉe' gwṉi'a gocchgua coseš c̱he',

San Lucas 16:14

Na' ḻecze nita' beṉe' fariseo ca' chesende' xtiža' Jesúsen', na' gosezi'diže' ḻe', ḻe gosaclaže' yesaque' beṉe' gwṉi'a.

San Lucas 21:34

’Na' ḻe gon xbab cont bi gacle beṉe' lia na' beṉe' borrašw na' cont bi soale yelaḻ yežejele. Beṉe' ca' yesac beṉe' lia na' borrašw na' beṉe' ca' yesyelaḻ yesyežejde' bi yesebeze' batcan' gac yogo' da' quinga.

San Lucas 8:14

Na' biṉ dan' besego'oṉen ga nac ḻo yag yeše', zejen ca beṉe' ca' ba gosende' xtiža' Diosen', perw šlac zjambane' chesyelaḻ chesyežejde' na' chese'nde' yeseṉi'e, na' chesede' chesonteze' con da' žazen c̱hegaque'. Na' da' qui bi choen' latje yega'aṉ xtiža' Diosen' ḻo' yic̱hjlažda'ogaque' na' da'nan' bi chesejnilaže' ḻe' ca cheyaḻa'.

1 Corintios 6:10

Nita' beṉe' chesebane' na' beṉe' chesezelaže' bi da' de c̱he beṉe', na' beṉe' borrašw, na' beṉe' chesezi'diža' ḻježgaque' na' beṉe' cheseziye'e beṉe' yoble cont yeseque'e da' de c̱hegaque'. Na' ṉe to beṉe' chon da' mal dan' zjanac ca' bi yesyežine' yaba gan' zoa Diosen' chnabi'e.

Colosenses 3:5

Da'nan' cheyaḻa' cuejyic̱hjcho da' mal da' žan goncho len cuerp c̱hechon' dan' nac c̱he yežlio nga. Bitw gata'lencho no'ole bi nac no'ol c̱hecho o beṉe' byo bi nac beṉe' c̱hecho. Bitw goncho bichle da' yeḻa' zto' len cuerp c̱hechon' ṉeca yebecho bi da' nac da' yeḻa' zto'. Bitw selaže'cho goncho bite'teze da' mal, ṉeca selaže'cho da' zan da' gata' c̱hecho, ḻe toz ca malen' nac yeḻa' chzelažen' len da' cheson beṉe' chesejnilaže' ḻ gua'a ḻsaca' ca'.

2 Timoteo 3:2

Beṉe' zan yesonxen cuingaque', na' zane' yesebec yic̱hje' gata' da' zc̱ha'o xmechwgaque'. Zane' yeso'e diža' ca güenṉa' chesone' na' yesaque' beṉe' ya'laže'. Yeseṉeye'e c̱he Diosen'. Bi yosozenague' c̱he x̱axṉa'gaque'. Bi yeso'e yeḻa' chox̱clen c̱he Diosen' na' bi yesape' ḻe' bala'aṉ.

Hebreos 13:5

Bi cheyaḻa' selaže'cho mechon', san cheyaḻa' soacho becho bi da' dao' da' de c̱hecho, ḻe Diosen' ba gwne' c̱he to tocho: “Bi ganḻaža' le' na' bi cuejyic̱hja' le'.”

2 Pedro 2:14

Bate'teze chesele'ede' no'ole, chesezelaže' yesata'lenteze' ḻegaque', na' bi chjasexaque'de' len da' xiṉjen' chesonen'. Chesego'oyeḻe' beṉe' biṉa' yesenita'c̱hac̱he' len Jesucriston' cont yesone' da' xiṉjen' txen len ḻegaque'. Beṉe' ca' chosozejni'i diža' güenḻažen' ba zjayolagüe' chesezelaže' bi de c̱he beṉe'. Diosen' ḻeca chgue'ede' yogo' da' chesone'.

2 Pedro 2:3

Na' beṉe' güenḻaže' ca' yesezelaže' yeseque'e xmechwle. Da'nan' yosozejni'ide' le'e diža' da' yesaljlaže' cont gwnežjwle ḻegaque' mechw. Perw cani'te Diosen' ba nžie' bia' yesebiaye'e.