San Lucas 11:1 - Dižaʼ güen c̱he ancho Jesucristo

¹ Na' gwzoa Jesúsa' to latje choḻ güiže' Diosen'. Cate' beyož boḻ güiže'ne' to beṉe' ca' zjanaque' ḻe' txen gože' ḻe': ―X̱anto', bzejni'i neto' nac cheyaḻa' yoḻ güižto' Diosen', can' bzejni'i da' Juanṉa' beṉe' ca' gosaque' txen ḻen ḻe'.

San Lucas 11:1 Iomraidhean Croise

San Lucas 10:42

María nga ba gwleje' da' naquech da' güen. Chi'e chzenague' c̱hia', na' notno gwžon gone' ca', ḻe ḻen da' nacch da' žialao da' cheyaḻa' gonḻe.

San Lucas 11:2

Na' Jesúsen' gože' ḻegaque': ―Cate' yoḻ güižle Diosen', quinga ṉale: X̱ato' beṉe' zoa yaba, chṉabto' yogo'ḻoḻ beṉe' yesonxene' le'. Zelaže'to' ṉabi'o yic̱hjlaždao' yogo' neto' beṉac̱h. Gacšca can' chazlažo' yežlio nga can' chac yabana'.

San Lucas 6:12

Na' to ža gwyej Jesúsen' to ḻo ya'a jeḻ güiže' Diosen'. Na' do yel be'lene' Diosen' diža'.

San Lucas 7:13

Na' cate' ble'e X̱anchon' no'olen', beyaše'de' ḻe' na' gože'ne': ―Bitw cuežo'.

San Lucas 7:19

nach gože' ḻegaque': ―Ḻe šja'ac gan' zoa Jesúsen' na' ye'lne': “¿Len' naco' ben' chbezto' seḻa' Diosen' o še cheyaḻa' cuezchto' yid beṉe' yoble?”

San Lucas 9:18

Na' gozac yeto, beṉe' ca' zjanaque' Jesúsen' txen zjanite' len ḻe' lchojiže, na' Jesúsen' choḻ güiže' Diosen'. Nach gože' ḻegaque': ―¿Bi chesena beṉe'? ¿Non' naca' neda'?

San Lucas 9:28

Nag goc to xman gwna Jesúsen' ca', gwyeje' to ḻo ya'a jeḻ güiže' Diosen' na' gwc̱he'e Pedro len Juan len Jacobo.

Hebreos 5:7

Na' Criston' šlac gwzoe' yežlion' boḻ güiže' X̱e' Diosen' ben' nape' yeḻa' guac cont yosle' ḻe' bi gate', gwṉe' zižje na' gwcheže' gwṉabe' gaclene' ḻe'. Na' da' bzex̱jw yic̱hj Criston' bene' con can' gwna X̱en', na' X̱e' Diosen' bzenague' na' goclene'ne' cont bi bžebe' yeḻa' goten'.

Judas 1:20

Perw le'e beṉe' migw, chacda' le'e, na' chṉeyoeda' ḻe gonc̱hac̱h laže'le cont soac̱hac̱hle šejḻe'le diža' ḻi c̱he Diosen' da' zaca'chgua. Na' ḻe yoḻ güiž Diosen' ye'lne' da' chzejni'i Spiritw c̱hen' le'e.