San Lucas 1:78 - Dižaʼ güen c̱he ancho Jesucristo

⁷⁸ Diosen' cheyaše' cheži'ilaže'de' chio', ḻe ḻen' gwlo'e be'ni' c̱he' ḻo' laždao' chio' beṉac̱h.

San Lucas 1:78 Iomraidhean Croise

San Juan 3:16

’Ḻeca chaque Diosen' chio' beṉac̱h, na' gwseḻa' Xi'iṉe' beṉe' tliša' cont note'tez beṉe' chejnilaže'ne' bi cuiaye'e, san gata' yeḻa' mban c̱he' toḻi tocaṉe.

Efesios 5:14

Da'nan' nyojen quinga c̱he note'teze beṉe' chon da' malen': Naco' ca beṉe' chtas na' ca beṉe' guat da' bi chzenago' c̱he Diosen'. Bzenag c̱he' cont Criston' cue'e be'ni' ḻo' yic̱hjlažda'oguo'.

Filipenses 1:8

Diosen' ṉezde' chacchgüeda' yogo'le, ḻe Cristo Jesúsen' chone' cont chacda' le'e.

Filipenses 2:1

Ṉezda' zoale mbalaz da' chejnilaže'le Criston', ṉezda' chaclaže'le gonḻe da' güen lagüe dan' chaque Criston' le'e, ṉezda' zoa Spiritw c̱hen' len le'e, na' ṉezda' chaque ḻježle na' cheyaše'laže'lene' cate' bi da' chesac c̱he'.

Colosenses 3:12

Diosen' gwleje' chio' cont naccho ḻo ne'ena' na' chacde' chio'. Da'nan' cheyaḻa' yeyaše'cho beṉe' na' gaccho beṉe' šagüe' len yogo'ḻoḻ beṉe'. Bi cheyaḻa' ga'laže'cho, san gaccho beṉe' chzex̱jwlaže' na' gapcho yeḻa' chxenḻaže' len yogo'ḻoḻ beṉe'.

2 Pedro 1:19

Napcho Xtiža' Diosen' dan' bosozoj beṉe' ca' goso'e xtižen' cani' na' ṉezecho naquen da' ḻi. Na' güen gonḻe še gwzenagle c̱he dan' bosozojen', ḻe gwseṉin' ḻo' yic̱hjlažda'olen' ca to yi' da' chseṉi' ga nac c̱hoḻ. Bi cheyaḻa' yeche'echo gwzenagcho c̱hen tža tža šlac žin ža yid Criston' da' yoble na' co'oche' be'ni' c̱hen' ḻo' yic̱hjlažda'ochon'. Na' dan' yide'na' zaca'leben ca dan' chla' beljw xsilen' cate' cheni'.

1 Juan 3:17

Na' cate' de da' de c̱hecho na' ṉezecho beṉe' ḻježcho chyažjden', še bi cheyaše'chone' bi gac ṉacho chaquecho Diosen'.

Apocalipsis 22:16

―Neda' Jesús ba gwseḻa' angl c̱hian' cont ba bzende' le' yogo' da' ca' ba bzojon'. Na' cheyaḻa' gwnežjon' beṉe' ca' chesedop chesežag chesonxene' neda'. Neda' naca' xi'iṉ diaža c̱he da' rey David na' naca' ben' gwseḻa' Diosen' yežlion' ḻo diaža c̱he'. Na' zaca'leba' ca beljw xsil.