San Lucas 1:16 - Dižaʼ güen c̱he ancho Jesucristo

¹⁶ Na' gombe' cont zan beṉe' Israel ca' yosoša' yic̱hjlažda'ogüe' na' yesonxene' X̱ancho Diosen' can' cheyaḻa' yesonxene' ḻe'.

San Lucas 1:16 Iomraidhean Croise

San Mateo 21:32

Ca nac Juanṉa' ben' bzoe' beṉe' nis, bide' laolen' na' gwdix̱jue'ede' le'e naquen' cheyaḻa' gonḻe cont yebe Diosen' le'e. Perw bitw gwyejḻe'le c̱he'. Na' beṉe' güec̱hixjw ca' na' no'ole zḻe' ca' gosejḻe'e c̱he'. Na' cate' gocbe'ele beṉe' ca' ba gosejḻe'e c̱he', bitw betiṉjele xtoḻa'le ca' cont šejḻe'le c̱he dan' bsede da' Juanṉa'.

San Lucas 1:76

Nach Zacaríasen' gože' bdao' c̱hen': Bdao' c̱hia', beṉac̱h yesene' c̱hio' naco' beṉe' choe' xtiža' Dios, Dios ben' naque' ḻa'zelagüe beṉe' blao. Yesene' ca' da' cuialaguo' lao X̱anchon' na' go'o xtižen' cont ṉita' beṉe' yosozenague' c̱he' cate' yide'.

San Lucas 3:3

Na' Juanṉa' gwyeje' yogo'ḻoḻ yež dan' nita' gaḻa'ze yegw Jordán, jatix̱jue'ede' yogo'ḻoḻ beṉe' cheyaḻa' yesyetiṉjde' xtoḻa'gaque' na' yesezoe' nis cont ṉitlao xtoḻa'gaquen'.