San Juan 9:39 - Dižaʼ güen c̱he ancho Jesucristo

³⁹ Nach Jesúsen' gwne': ―Za'a yežlio nga cont gata'bia' non' nap doḻa' na' non' bi nap doḻa'. Zedeyena' cont beṉe' ca' bi chesejni'i bich yesaque' ca beṉe' lc̱hoḻ, na' zedeyena' cont beṉe' ca' chesacde' chesejni'ide' yesaque' ca beṉe' lc̱hoḻ len yic̱hjlažda'ogaquen'.

San Juan 9:39 Iomraidhean Croise

San Mateo 11:5

Ba ble'ele chona' cont chesyele'e no beṉe' lc̱hoḻ, na' chesyeda no beṉe' zjanxiṉj ṉi'e. Na' ḻecze beṉe' gose'e yižgüe' dan' nzi' lepra besyeyacde', na' chesyeyene no beṉe' cuež. Ba ble'ele bosbana' no beṉe' guat, na' ba benele choa' diža' güen c̱hia' len beṉe' yaše' ca'.

San Mateo 15:14

Jaseye beṉe' fariseo ca'. Zjanaque' ca to beṉe' lc̱hoḻ beṉe' che'nde' cue'e nez yeto beṉe' lc̱hoḻ. Ṉezecho to beṉe' lc̱hoḻ bitw gac cue'e nez yeto beṉe' lc̱hoḻ, ḻe txen šjasebix̱e' to ḻo' yechw.

San Mateo 6:23

Perw še yejlaolen' bi naquen binḻo, bitw chle'ele. Ca'czen' naquen len yic̱hjlažda'olen'. Da' ḻicze ḻeca nc̱hoḻ yic̱hjlažda'ole še bi chzenagle c̱he Diosen'.

San Lucas 1:79

Cue'e be'ni' c̱he' ḻo' yic̱hjlaždao' chio' naccho ca beṉe' chaš ga nac c̱hoḻ, chio' chžebcho gatcho. Na' gwzejni'ide' chio' beṉac̱h naquen' soa cuezcho yežlio nga. Can' be' Zacaríasen' xtiža' Diosen'.

San Lucas 13:30

Nita' beṉe' zjanaque' beṉe' bzebe ṉa'a perw gwžin ža cate' yesaque' beṉe' žialao. Na' nita' beṉe' zjanaque' beṉe' žialao ṉa'a, perw gwžin ža cate' yesaque' beṉe' bzebe.

San Lucas 2:34

Na' Simeónṉa' gwṉabde' Diosen' cont gac güen c̱hegaque'. Na' gože' Marían': ―Beṉe' Israel ca' yesejnilaže' xi'iṉo' nga yesenite' mbalaz, na' beṉe' Israel ca' cbi yesejnilaže'ne' bi yesenite' mbalaz. Zedelo'ede' beṉac̱hen' can' chaclaže' Diosen' goncho, perw zane' bi yesejḻe'e c̱he'.

San Lucas 4:18

Zoa Spiritw c̱he Diosa' len neda', na' Diosen' gwleje' neda' zedeya' diža' güen len beṉe' yaše'. Na' gwseḻe' neda' zedeyena' cont yesyeyaclaže' beṉe' ca' chesacyaše'de'. Na' za'a cont gwsana' beṉe' ca' zjade ḻižya. Na' zedeyena' cont yesyele'e beṉe' lc̱hoḻ. Na' beṉe' chyi chzaca', zedeyena' cont noch no yosoc̱hi yososaque' ḻegaque'.

San Lucas 7:21

Šlacte ṉe' nita' chope beṉe' ca', Jesúsen' beyone' beṉe' zan beṉe' ca' chesacšene na' beṉe' chese'ede' yižgüe' gual. Ḻecze bebeje' da' x̱igüe' da' zjayo'o zjanyaz yic̱hjlaždao' beṉe' zan. Na' bene' cont besyele'e zan beṉe' lc̱hoḻ.

San Juan 12:31

Ba bžin ža Diosen' c̱hogbi'en' c̱he beṉe' ca' bi chesejḻe'e c̱hia'. Na' ba bžin ža Satanás dan' chnabia' da' x̱igüe' ca' na' dan' chnabia'te beṉe' ca' bi chosozenag c̱he Diosen' solao ṉit yeḻa' chnabia' c̱hen.

San Juan 12:46

Neda' za'a yežlio nga chgua'a be'ni' ḻo' yic̱hjlaždao' beṉe' ca' chesejnilaže' neda', cont bi yesenite' yesonche' da' malen'.

San Juan 3:17

Na' Diosen' gwseḻe' Xi'iṉen' yežlio nga gague cont gwnežjue' castigw c̱he xtoḻa' beṉac̱hen', san cont gwnežjue' yeḻa' mban c̱hegaque' toḻi tocaṉe.

San Juan 3:19

Na' can' naquen, beṉe' bi chesejnilaže' Xi'iṉ Diosen' ba nchoglaon c̱hegaque' yesezaca'zi'e toḻi tocaṉe. Nchoglaon yesezacazi'e, ḻe ba bid Xi'iṉ Diosen' nse'e be'ni' c̱he yic̱hjlaždao' beṉac̱hen' perw na' chesyebechde' dan' nac c̱hoḻ clel ca be'ni' c̱hen', dan' chesone' da' malen'.

San Juan 8:12

Jesúsen' gozo'e diža' da' yoble chzejni'ide' beṉe' ca' že' na', gwne': ―Neda' nsa'a be'ni' c̱he yic̱hjlaždao' beṉac̱hen'. Beṉe' zjanaque' neda' txen bich zjanaque' ca beṉe' yic̱hjlaždao' lc̱hoḻ beṉe' cheson da' xiṉj, san ḻo' yic̱hjlažda'ogaque' naquen ca to da' yo'o be'ni'. Da'nan' ba de yeḻa' mban c̱hegaque' toḻi tocaṉe.

San Juan 8:15

Ḻe'e chosbaga'le neda' con can' chon beṉac̱hen' xbab, san neda' nono chosbaga' bi da' yosbaga'.

San Juan 9:25

Na' ben' beyac yejlagüen' gwne': ―Bi ṉezda' še naque' beṉe' güen da' xiṉj o še bi naque'. Da' ṉezda', goca' beṉe' lc̱hoḻ na' ṉa'a ba chle'eda'.

Hechos 26:18

Chseḻa' le' gan' že' beṉe' bi zjanac beṉe' Israel na' gwzejni'ido'ne' cont yesebejyic̱hje' da' malen' zjanone' na' yesone' da' güen. Chaclaža' yesyechoje' ḻo na' Satanás dan' chnabia' da' x̱igüe' ca' na' yosozenague' c̱he Diosen' cont ṉitlao xtoḻa'gaque', na' ḻecze chaclaža' yesaque' txen len nochle beṉe' chesejnilaže' neda' beṉe' ba zjanac ḻo na' Diosen'.”

2 Corintios 2:16

Na' beṉe' ca' chesebiayi' bi chesyebede' can' chonchon', ḻe che'chone' yesebiaye'e. Na' beṉe' chesejnilaže'ne' chesyebede', ḻe ba goclenchone' cont ba de yeḻa' mban c̱hegaque' toḻi tocaṉe. Perw chio' bi chaccho to gualazcho gwlo'echo beṉe' ca güenṉa' naquen yesejnilaže' Criston'.

Efesios 5:14

Da'nan' nyojen quinga c̱he note'teze beṉe' chon da' malen': Naco' ca beṉe' chtas na' ca beṉe' guat da' bi chzenago' c̱he Diosen'. Bzenag c̱he' cont Criston' cue'e be'ni' ḻo' yic̱hjlažda'oguo'.

2 Tesalonicenses 2:10

Yogo'te da' mal gone' gonḻede' beṉe' ba naquen yesebiaye'e toḻi tocaṉe. Yesebiaye'e da' bi chesejḻe'e diža' ḻin', ḻe ḻenṉa' zaca' yesejḻe'e cont gata' yeḻa' mban c̱hegaque' toḻi tocaṉe.

1 Pedro 2:9

Na' chio', Diosen' ba gwleje' chio' cont chejnilaže'chone'. Na' len Diosen' naccho ca rey na' ca bx̱oz. Gwleje' chio' cont naccho nación c̱he', na' nactecho diaža' c̱he', ḻe chaclaže' c̱hix̱jue'echo catec da' güen juisyw chone'. Ḻe'na' bebeje' chio' ḻo da' malen' bencho na' gwlo'e be'ni' xen c̱hen' ḻo' yic̱hjlažda'ochon' cont soacho goncho da' güen.

1 Juan 2:11

Na' note'tezcho še chgue'e ḻježcho nac c̱hoḻ ḻo' lažda'ochon' na' zejcho ca to beṉe' lc̱hoḻ beṉe' bi chacbe'e galen' yeque'e, ḻe bi chacbe'echo can' cheyaḻa' goncho.