San Juan 8:49 - Dižaʼ güen c̱he ancho Jesucristo

⁴⁹ Jesúsen' gože' ḻegaque': ―Bi yo'o da' x̱igüen' ḻo' yic̱hjlažda'ogua', san chonxena' X̱an' na' le'e chṉele c̱hia'.

San Juan 8:49 Iomraidhean Croise

San Juan 11:4

Cate' gwṉeze Jesúsen' chacšene Lažaron', na' gwne': ―Ca nac yižgüe' c̱hen', bi che'eden' cont yeḻa' goten' gonen ḻe' gan, san che'eden' cont gacbe'ele catec beṉe' zaca' nac Diosen' na' gacbe'ele naca' beṉe' zaca'chgua, neda' naca' dogualje Xi'iṉ Dios.

San Juan 12:28

Nach boḻ güiže' Diosen', gwne': ―X̱a', ben len neda' cont yesacbe'e beṉe' naco' beṉe' zaca' juisyw. Beyož gwne' ca' na' gwṉe Dios ben' zoa yaban', gwne': ―Ba bena' len le' cont chesacbe'e beṉe' naca' beṉe' zaca' juisyw na' za' goncha' ca' yeto.

San Juan 14:13

Na' bite'teze da' ṉabele X̱an' lagüe da' chejnilaže'le neda' naca' Xi'iṉe', gonan', cont gwlo'a nac X̱an' beṉe' zaca' juisyw.

San Juan 17:4

’Ḻo yežlion' ba bena' cont nacbia' naco' beṉe' zaca' juisyw, ḻe ba beyož bena' yogo'ḻoḻ da' gwlo'o ḻo na' gona'.

San Juan 7:20

Beṉe' ca' že'na' gose'ene': ―Yo'o da' x̱igüen', nan' choḻ chṉenošo'. ¿No chaclaže' got le'?

San Juan 8:29

X̱an' ben' gwseḻe' neda' zoacze' len neda'. Na' bi chbejyic̱hje'nda', ḻe bate'teze chona' da' chazlaže'.

Hechos 5:41

Na' ca nac postlw ca', cate' besyechoje' gan' gota' yeḻa' güexian', chesyebede', ḻe Diosen' be'e latje bosoc̱hi bososaca' beṉe' ḻegaque' ṉec̱he dan' chososed chosolo'ede' c̱he Jesúsen'.

1 Corintios 11:14

Na' ḻecze bi chazlaže'cho še beṉe' byo bi gwšib yic̱hjen' na' con chosožien' ca cheson beṉe' bxej.

1 Corintios 15:43

Bibi zaca' cuerp c̱he beṉe' guat ca', zjanaquen cuerp šen, na' cheyožon', da'nan' chcuaše'chon ḻo' ba. Perw beṉe' gosejnilaže' Criston', cate' yesyebane' ladjo beṉe' guat ca' yesyeyac cuerp c̱hegaque' da' güen juisyw na' da' gual.

1 Pedro 2:23

Cate' gosezi'diža' beṉe' ḻe', bi boži'e dižan' nac ca' len ḻegaque'. Na' cate' bosoc̱hi bososaque'ne', bi gwne' yebi'e mal len ḻegaque'. Ben cuine' ḻo na' Diosen', ḻe gwṉezde' Diosen' c̱hogbi'en yesezaca'zi' beṉe' ca' con can' cheyaḻa' gac c̱hegaque'.