San Juan 7:39 - Dižaʼ güen c̱he ancho Jesucristo

³⁹ Na' dan' gwna Jesúsen' ca' be'e diža' c̱he Spiritw c̱he Diosen' da' yedesoan ḻo' yic̱hjlaždao' note'tezcho chejnilaže'chone'. Na' caten' gwne' ca' Spiriton' biṉa' yedesoan ḻo' yic̱hjlaždao' beṉe', ḻe biṉa' gac yogo' da' cheyaḻa' gac cont gacbia' Jesúsen' naque' beṉe' zaca' juisyw.

San Juan 7:39 Iomraidhean Croise

San Mateo 16:14

Na' gose'ene': ―Baḻe' chesene' naco' da' Juan ben' bzoa beṉe' nis. Na' yebaḻe' chesene' naco' Elías ben' be' xtiža' Diosen' cani'. Na' yebaḻe' chesene' naco' da' Jeremías o yeto beṉe' be' xtiža' Diosen' cani'te.

San Mateo 21:11

Na' beṉe' ca' nžag Jesúsen' bosyoži'e xtiža'gaque' gosene': ―Bengan' Jesús beṉe' za' yež Nazaret gan' mbane distritw Galilea na' cho'e xtiža' Dios.

San Lucas 24:49

Na' ḻecze seḻa' Spiritw c̱he X̱a' Diosen' yedesoan len le'e can' gwnen'. Na' ḻe yega'aṉ ḻo ciuda nga ṉa'a cuezle goṉ X̱a' Diosen' le'e yeḻa' guac da' za' yaba.

San Lucas 3:16

Na' Juanṉa' gocbe'ede' xbab c̱hegaquen' na' gože' yogo'ḻoḻe': ―Neda' da' ḻi chzoa' le'e nis, perw za' yid bena' gon cont soa Spiritw c̱he Diosen' ḻo' yic̱hjlažda'olen' ṉabian' le'e. Na' Spiriton' naquen ca yi', na' gwxi gwloan yic̱hjlažda'ole. Bena' za' za' zaca'che' ca neda', na' da' nacchgüe' beṉe zaca' bitw zaca' gona' xmandadoe' ḻec̱hja' no xele'.

San Lucas 7:16

Na' yogo'ḻoḻ beṉe' ca' besežebe' dan' beban beṉe' guata' nach gosonxene' Diosen' gosene': ―Ba bla' to beṉe' blao ga zoacho, beṉe' choe' xtiža' Diosen', na' Diosen' ba gwseḻe'ne' cont gaclene' chio' naccho nación c̱he'.

San Juan 1:21

Nach gose'ene': ―¿Nox naco'? ¿Naco' da' Elías ben' be' xtiža' Diosen' cani'? Na' gože' ḻegaque': ―Bi naca' ḻe'. Nach goseṉabde' ḻe': ―¿Naco' ben' naquen yide' yedeye'lene' neto' xtiža' Diosen'? Na' boži'en gwne': ―Bi naca'.

San Juan 1:25

Nach gose'ene': ―¿Bixc̱hen' chzo' beṉe' nis še bi naco' Criston' ṉeca naco' Elíasen' na' ṉeca naco' ben' chbezcho yedeye'e xtiža' Diosen?

San Juan 1:33

Neda' bi gocbe'eda' še Jesús nan' naque' ben' gwseḻa' Diosen', nach Dios ben' gwseḻe' neda' chzoa' beṉe' nis gože'nda': “Le'edo' yetj Spiritw c̱hia' na' yega'aṉen len beṉe' ba mbeja'. Ḻen' naque' beṉe' gon cont soa Spiritw c̱hian' ḻo' yic̱hjlaždao' beṉe' na' ṉabian' ḻegaque'.”

San Juan 12:16

Na' beṉe' ca' zjanaque' Jesúsen' txen gague cate gosejni'ide' chac con can' bosozoj ben' goso'e xtiža' Diosen' cani'. Beyož got Jesúsen' na' goc yogo' da' ca' gosaquen' cont bla'lagüe ḻe Jesúsen' naque' beṉe' zaca' juisyw, cana'ch jasyeza'laže' diža' ca' da' zjanyoj c̱he Jesúsen' na' gosejni'iden'.

San Juan 12:23

Nach Jesúsen' gože' ḻegaque': ―Ṉa'a ba bžin hor gac yogo'ḻoḻ da' cheyaḻa' gac cont la'lagüe naca' beṉe' zaca' juisyw.

San Juan 14:13

Na' bite'teze da' ṉabele X̱an' lagüe da' chejnilaže'le neda' naca' Xi'iṉe', gonan', cont gwlo'a nac X̱an' beṉe' zaca' juisyw.

San Juan 14:26

Na' X̱an' seḻe' Spiritw c̱hen' soan ḻo' yic̱hjlaždao' le'e chejnilaže'le neda' cont gaclenen le'e. Na' Spiriton' gwzejni'in le'e yogo' da' cheyaḻa' ṉezele na' gonen cont šjayza'laže'le yogo' dan' ba gwnia' le'e.

San Juan 16:14

Spiriton' gonen cont gwlo'elaon naca' beṉe' zaca' juisyw, ḻe gwzejni'in le'e xtiža'.

San Juan 16:7

Perw da' ḻi napen le'e cuent yeya'a, ḻe še bi yeya'a, Spiritw c̱he X̱a' Diosen' dan' gaclenen le'e bi yedesoan ḻo' yic̱hjlažda'olen'. Na' yeya'a nach seḻan' len le'e.

San Juan 17:1

Beyož gwna Jesúsen' da' ca' nach gwṉe'e yabale na' gwne': ―X̱a', ba bžin hor gac c̱hia' dan' ba bžio' bia' gac. Ben cont nacbia' nedan' Xi'iṉo' naca' beṉe' zaca' juisyw cont neda' gona' ga gacbia' le' naco' beṉe' zaca' juisyw.

San Juan 17:5

Na' ṉa'a X̱a', ben cont la'laon naca' beṉe' zaca' juisyw cate' yela'a gan' zon', doxen can' blo'elaon cate' gwzoa' len le' cate' za' x̱ete yežlion'.

San Juan 20:22

Beyož gwne' ca' blobe' ḻegaque' na' gože' ḻegaque': ―Ḻe si' Spiritw c̱he Diosen'.

San Juan 6:14

Cate' beṉe' ca' besele'ede' yeḻa' guac dan' benen' nach gosene': ―Da' ḻi bengan' choe' xtiža' Dios na' naque' ben' ba gwlezcho seḻa' Diosen' yežḻio nga.

San Juan 7:12

Na' beṉe' ca' zjandop zjanžag ḻo ḻṉin' šižize goso'e diža' c̱he Jesúsen', na' gague toze ca gosene'. Baḻe' gosene': “Naque' beṉe' güen”, na' baḻe' gosene': “Bi naque', chonḻede' beṉe'.”

San Juan 8:54

Gož Jesúsen' ḻegaque': ―Šaca' chonxen cuina' bibi zejen, perw X̱an' ben' žale naque' Dios ben' chejnilaže'le chonxene' neda'.

Hechos 19:2

Na' gože' ḻegaque': ―¿Zedesoa Spiritw c̱he Diosen' ḻo' yic̱hjlažda'olen' caten' gwzolao chejnilaže'le Jesucriston'? Nach gose'e ḻe': ―Bi ṉezeto' še zoa Spiritw c̱he Diosen'.

Hechos 2:17

Cate' ba zoa žin ža cont yeyož yežlion', neda' Dios gona' cont Spiritw c̱hian' yedesoan len beṉe' že' doxen yežlion'. Na' gona' cont xi'iṉle ca' yeso'e xtiža'na', na' beṉe' byo xcuide' ca' yesele'edagüede' bi da' gona', na' güe'lena' beṉe' byo gol ca' diža' ḻo bišgal c̱hegaquen'.

Hechos 2:33

Na' Diosen' len yeḻa' guac c̱he'na' bene' cont beyep Jesúsen' gan' zoe'na' na' chnabi'e txen len ḻe'. Na' Diosen' bnežjue'ne' Spiritw c̱he'na' can' gwne'. Na' Jesúsen' ba bene' yeḻa' guac nga da' ba benele na' da' ba ble'ele.

Hechos 2:38

Nach Pedroa' gože' ḻegaque': ―To tole cheyaḻa' yetiṉjele xtoḻa'le ca' na' soale nis dan' ba chejnilaže'le Jesucriston', na' Diosen' yezi'xene' c̱hele na' goṉe' le'e Spiritw c̱he'na' soan ḻo' yic̱hjlažda'olen'.

Hechos 2:4

Ca' goc jašo'o Spiritw c̱he Diosen' ḻo' yic̱hjlaždao' to toe', na' Spiriton' benen cont gosezolagüe' goso'e gwde gwdele diža' da' gosejni'i beṉe' zito' ca'.

Hechos 3:13

Dios ben' gosonxen da' x̱ozxta'ocho Abraham, Isaac na' Jacob, blo'e nac Xi'iṉe' Jesúsen' beṉe' zaca' juisyw. Perw le'e bdele Jesúsen' ḻo na' justis ca' cont gosote'ne' na' bžonḻe cate' Pilaton' goclaže' gwsane'ne'.

Hechos 4:31

Na' cate' beyož bosoḻ güiže' Diosen', Diosen' bene' gwxo' gan' zjandop zjanžague'na' na' Spiritw c̱he'na' gwzoachguan len ḻegaque', nach goso'e xtiža' Diosen' sin cbi besežebe'.

Romanos 8:9

Na' chio', da' ba bedesoa Spiritw c̱he Diosen' ḻo' lažda'ochon', bi zoacho chzenagcho c̱he da' malen' da' yo'o ḻo' yic̱hjlažda'ochon', san zoacho chzenagcho c̱he Spiritw c̱he Diosen'. Na' beṉe' bi zoa Spiritw c̱he Criston' ḻo' lažda'ogüen', gague da' ḻi chejnilaže' Criston'. (Spiritw c̱he Criston' ḻecze naquen Spiritw c̱he Dios.)

2 Corintios 3:8

Da'nan' ṉezecho ḻeca zaca'ch da' chon Spiritw c̱he Diosen' ṉa'a cont gata' yeḻa' mban c̱hecho toḻi tocaṉe.

Efesios 4:30

Na' bi goncho cont yeyaše'laže' Spiritw c̱he Diosen', ḻe Diosen' ba bene' ga zoan ḻo' yic̱hjlažda'ochon' cont ṉezecho naccho xi'iṉe' na' ṉezecho žin ža yedyexi'e chio'.