San Juan 6:35 - Dižaʼ güen c̱he ancho Jesucristo

³⁵ Nach Jesúsen' gože' ḻegaque': ―Neda' naca' yeḻa' guagw da' chnežjon beṉe' yeḻa' mban toḻi tocaṉe. Note'teze beṉe' yosozenag c̱hia' na' yesejnilaže' neda', guata' da' chyažje yic̱hjlažda'ogaque' toḻi tocaṉe.

San Juan 6:35 Iomraidhean Croise

San Mateo 11:28

Le'e chjax̱aque'laže'le na' chacyaše'laže'le da' chaquele nac gonḻe cont soale binḻo len Diosen', chata'yoeda' le'e, ḻe šejnilaže' neda'. Neda' gona' ga soale mbalaz.

San Lucas 6:25

’Nyaše'chguaze nac le'e dechgua da' chagwle ṉa'a. Gwžin ža cate' bich bi gata' c̱hele. ’Nyaše'chguaze nac le'e chxižle ṉa'a. Gwžin ža cate' yegüine'le na' cuežyaše'le.

San Juan 4:15

Na' no'olen' gože'ne': ―Beṉe', beṉ neda' nisen' žo' ca' cont bich biḻdan' na' bich yida' dex̱ian' nga.

San Juan 5:40

Perw bi chaclaže'le šejnilaže'le neda' cont gata' yeḻa' mban c̱hele toḻi tocaṉe.

San Juan 6:37

Yogo' beṉe' chbej X̱an' cont yesaque' neda' txen, chžin ža chesejnilaže' neda'. Na' note'teze beṉe' chaclaže' šejnilaže' neda', bi gwsia'ne' ca'ale, san gaclena'ne' cont šejnilaže'nda'.

San Juan 6:41

Na' zan beṉe' Israel gualaž c̱heto' ḻegacze' besežeše' c̱he dan' gwna Jesúsen': “Neda' naca' yeḻa' guagw da' za' yaba.”

San Juan 6:65

Na' gozna' Jesúsen': ―Chac can' ba gwnian', nono gac šejnilaže' neda' še bi gaclen X̱a' Diosen' ḻe' cont šejnilaže'nda'.

Apocalipsis 22:17

Spiritw c̱he Diosen' na' ḻecze ca' chio' chonxencho Jesúsen' chṉablaže'cho yob yidšca Jesúsen' da' yoble, chio' zaca'lebcho ca to no'ole si'e. Na' yogo' beṉe' yesene diža' quinga ḻecze yeseṉablaže'šque' yide' da' yoble. Na' note'teze beṉe' chaclaže' si'e da' gwnežjw Jesúsen' ḻe', cheyaḻa' yedeṉaben', na' gwnežjue'ne' yeḻa' mban toḻi tocaṉe da' zaca'lebe ca nis ya'a da' che'ejcho cate' chbiḻecho, na' bi si'e laxjuen.

Apocalipsis 7:16

Bich yesebiḻ yesedone', na' gwbižen' bich gwzeyen ḻegaque', ṉeca yesacde' zeye'.