San Juan 5:16 - Dižaʼ güen c̱he ancho Jesucristo

¹⁶ Da'nan' beṉe' gwnabia' ca' gwzolao gosebe'na'ogüe' Jesúsen' na' cheseyiljue' nacle yesone' yesote'ne' da' chone' yeḻa' guac ca' ža c̱he Dios cate' bi de ḻsens gon neto' beṉe' Israel žin.

San Juan 5:16 Iomraidhean Croise

San Mateo 12:13

Nach Jesúsen' gože' ben' nx̱o'oṉ taque'na': ―Bḻi naon'. Na' bḻien' na' taquen' beyaquen binḻo can' nac dan' yešḻa'a.

San Marcos 3:6

Nach besyežaš beṉe' fariseo ca' na' gosezolagüe' chosoxi'e len beṉe' ca' zjada' Herodes naquen' yesone' yesote' Jesúsen'.

San Lucas 6:11

Na' beṉe' ca' chososed chosolo'e leyna' na' len beṉe' fariseon' ḻeca beseže'e na' gwzolao bosoxi'e nacle yesone' len Jesúsen'.

San Juan 1:19

Beṉe' chesenabi'e nación Israel c̱heton' beṉe' že' Jerusalén gososeḻe' to c̱hope bx̱oz na' yebaḻe beṉe' gosalje ḻo diaža c̱he da' Leví cont goseṉabde' Juanṉa' non' naque'.

San Juan 10:39

Nach da' yoble gosaclaže' yesezene' Jesúsen' perw bitw bdoḻe'.

San Juan 15:20

Ḻe šjasa'laže' dan' gwnia' le'e: “Note'teze mos bi naque' blaoch ca x̱anen'.” Bosoc̱hi bososaca' beṉe' neda', na' ḻecz ca' yesonde' le'e. Na' baḻze beṉe' bosozenague' xtižan', ḻecze baḻze' yosozenague' xtiža'len'.

San Juan 5:10

Nach beṉe' gwnabia' c̱he neto' beṉe' Israel gose'e bena' beyaquen': ―Ža c̱he Dios ṉa'a. Bi de ḻsens yeyoa' xta'ona'.

San Juan 5:13

Na' ben' beyaquen' bi gwṉezde' non' beyon ḻe', ḻe Jesúsen' benite' ladjo beṉe' zan ca'.

San Juan 5:15

Nach beza' bena' jatix̱jue'ede' beṉe' gwnabia' c̱he nación Israel c̱heton' gože' ḻegaque' Jesúsna' ben' beyon ḻe'.

San Juan 5:17

Na' Jesúsen' gože' ḻegaque': ―X̱an' zoacze' chelaḻde' bate'teze na' ḻecze ca' neda'.

San Juan 5:18

Da'nan' goseyiljwlaže'che' nacle yesone' yesote' Jesúsen', perw gague ṉec̱he bi chone' can' ža ley gan' chguaḻan' c̱he ža c̱he Dios na'zen', san ḻecze da' gwne' Diosen' naque' X̱e', ḻe zejen toz ca zaque' len Diosen'.

San Juan 7:21

Jesúsen' gože' ḻegaque': ―Toz yeḻa' guac da' bena' ža c̱he Dios cate' bi de ḻsens gon chio' beṉe' Israel žin, na' yogo'le chebanele.

San Juan 7:25

Nach to c̱hope beṉe' Jerusalén ca' gosene': ―¿Gague benga ben' chesyeyiljue' cont yesote'ne'?