San Juan 4:15 - Dižaʼ güen c̱he ancho Jesucristo

¹⁵ Na' no'olen' gože'ne': ―Beṉe', beṉ neda' nisen' žo' ca' cont bich biḻdan' na' bich yida' dex̱ian' nga.

San Juan 4:15 Iomraidhean Croise

San Juan 4:16

Jesúsen' gože'ne': ―Beyej jeḻ güiž beṉe' c̱hio' na' ḻe da nga.

San Juan 6:26

Na' Jesúsen' gože' ḻegaque': ―Chnia' le'e to da' zejen, cheyiljwle neda' ṉec̱he dan' gwdagwle ca beljele na'zen', gague ṉec̱he chejḻe'le c̱hia' lagüe ba ble'ele yeḻa' guac ca' ba benan'.

San Juan 6:34

Nach beṉe' ca' gose'e ḻe': ―Beṉe', beṉšca neto' yeḻa' guagon' žo' ca' gagwton' yogo' ža.

San Juan 6:35

Nach Jesúsen' gože' ḻegaque': ―Neda' naca' yeḻa' guagw da' chnežjon beṉe' yeḻa' mban toḻi tocaṉe. Note'teze beṉe' yosozenag c̱hia' na' yesejnilaže' neda', guata' da' chyažje yic̱hjlažda'ogaque' toḻi tocaṉe.

Romanos 6:23

Še zoacho choncho da' xiṉjen', gata' castigw c̱hecho toḻi tocaṉe cate' gatcho. San Diosen' choṉdadze' chio' to da' güen juisyw, chio' chejnilaže'cho X̱ancho Jesucriston', chone' cont šjayzoacho len Diosen' toḻi tocaṉe.

Romanos 8:5

Še chzenagcho c̱he da' mal dan' yo'o ḻo' yic̱hjlažda'ochon', con da' malzen' chebecho choncho; san še chzenagcho c̱he Spiritw c̱he Diosen', chebecho choncho da' ca' chazlaže' Diosen'.

1 Corintios 2:14

Na' beṉe' bi yo'o Spiritw c̱he Diosen' ḻo' yic̱hjlažda'ogaque' bi chesejḻe'e c̱he diža' da' choṉ Spiritw c̱he Diosen' neto' da' choe'to' len ḻegaque', san chesacde' naquen to da' bibi zaca'. Na' bi chesejni'ide', ḻe bi yo'o Spiriton' ḻo' yic̱hjlažda'ogaque' cont gaclenen ḻegaque' yesejni'iden'.

Santiago 4:3

Na' cate' chṉabele Diosen' gone' cont gata' bi dan' gata' c̱hele, bitw choṉen', ḻe con che'nele gata' dan' chzelaže'le ḻo' lažda'olen' cont gonḻe con nacteze žan c̱hele.

1 Juan 5:20

Na' ṉezecho ba bid Xi'iṉ Diosen', na' ba bzejni'ide' chio' cont nombia'cho X̱e' ben' nac dogualje Dios. Nach zoacho toz len ben' nac dogualje Dios dan' zoacho toz len Xi'iṉe' Jesucriston'. Ḻen' naque' dogualje Dios na' chnežjue' yeḻa' mban toḻi tocaṉe c̱he beṉe' chejnilaže' ḻe'.