San Juan 21:3 - Dižaʼ güen c̱he ancho Jesucristo

³ Na' Simón Pedron' gože' ḻegaque': ―Ša'a gwxen beḻ da' yoble. Na' gose'e ḻe': ―Ḻecze sa' neto'. Nach gosa'aque' ja'aque' cho'a nisdaon' na' goso'e to ḻo' barcw. Na' nocze no beḻ beseželde' že'na'.

San Juan 21:3 Iomraidhean Croise

San Lucas 5:5

Nach Simónṉa' gože' Jesúsen': ―Maestrw, ba bento' žin do yel na' ṉe to nono bdoḻa'. Perw le' ba gwnao' yezolaoto', na' gwzala'to' yix̱jw ca' da' yoble.

San Juan 21:4

Na' do ba zoa šeni' besele'ede' zecha Jesúsen' cho'a nisdaon', perw bi gosacbe'ede' še Jesús nan'.

Hechos 18:3

Xšingaque' naquen chesone' yo'o de lache', na' toze ca nac xšin Pablon'. Nach bega'aṉe' gosenite' txen na' gosone' žinṉa' txen.

Hechos 20:34

Ṉezczele can' bena' žin cont bžel da' byažjda' len da' beseyažje beṉe' ca' gosenite' len neda'.

1 Corintios 3:7

Bitec bi zaca' neda' da' be'lena' le'e xtiža' Diosen' da' nechw, na' ṉeca Apolosen' da' bsed blo'echde' le'e, san Diosen' zaca'chgüe' da' bene' cont gwyejḻe'le xtižen'.

1 Corintios 9:6

¿Bixc̱hen' neda' len Bernaben' lao yogo' postlw ca' chonto' žin len ṉi'a na'to' cont si'to' da' ye'ej gagwto' na' c̱hixjwto' bichle gastw c̱heto' da' de šlac chyix̱jue'eto' xtiža' Diosen'?

1 Tesalonicenses 2:9

Za'laže'czle beṉe' migw, cate' gwzoato' len le'e benchguato' žin con ga zelao gwzoeto'. Bento' žin do ža do yel cont cbi bi gastw bzoato' le'e. Can' bento' gwdix̱jue'eto' le'e diža' güen c̱he Diosen'.