San Juan 20:21 - Dižaʼ güen c̱he ancho Jesucristo

²¹ Na' gozne' da' yoble: ―Ḻe soa binḻo len xbab da' yo'o ḻo' yic̱hjlažda'olen'. Can' gwseḻa' X̱an' neda' yežlio nga bia' xtižen', ḻecze ca' neda' chseḻa' le'e güe'le xtižan'.

San Juan 20:21 Iomraidhean Croise

San Mateo 10:16

’Neda' seḻa' le'e šjatix̱jue'ele xtižan' len beṉe' ca' chesegue'ede' le'e. Zaca'leble ca xila' dao' ben' chja'ac gan' že' beco'yo. Da'nan' cheyaḻa' gacle beṉe' yo'ochgua xbab na' beṉe' xenḻaže' len ḻegaque'.

San Mateo 10:40

’Note'teze beṉe' chosolebe' le'e chosolebe' neda', ḻecze chosolebe' Dios ben' gwseḻe' neda'.

San Lucas 24:36

Ṉe' chesoe'te' dižan' ca', cate'cze gwzecha Jesúsen' gachoḻ. Nach gože' ḻegaque': ―Ḻe soa binḻo len xbab dan' yo'o ḻo' yic̱hjlažda'olen'.

San Juan 13:20

Chnia' le'e to da' zejen, beṉe' ca' chosolebe' note'tez beṉe' chseḻa', neda'czen' chosolebe' še ca', na' beṉe' chosolebe' neda' ḻecze chosolebe' Dios beṉe' gwseḻe' neda'.

San Juan 14:27

’Na' chcua'aṉa' le'e na' chona' cont soa cuezle binḻo len xbab c̱helen'. Chaclaža' soa cuezle binḻo len xbab c̱helen' can' zoa' neda'. Nono beṉac̱h gac gone' cont soa cuezle binḻo len xbab c̱helen' can' chac chona' neda'. Bi gacžejlaže'le, ṉeca žeble.

San Juan 20:19

Na' cate' ba goc c̱hoḻ že' dmigon', beṉe' ca' zjanaque' Jesúsen' txen zjandop zjanžague' ḻo' yo'o na' zjanseyjwtie' puert ca' da' besežebe' beṉe' gwnabia' c̱he nación Israel c̱heton'. Nach Jesúsen' ble'e na' gwze' gachoḻ ḻegaque'. Na' gože' ḻegaque': ―Ḻe soa binḻo len xbab da' yo'o ḻo' yic̱hjlažda'ole.

San Juan 20:22

Beyož gwne' ca' blobe' ḻegaque' na' gože' ḻegaque': ―Ḻe si' Spiritw c̱he Diosen'.

San Juan 20:26

Gozde' to xman zjanite' ḻo' yo'on da' yoble na' zoa Tomásen' len ḻegaque'. Na' da' yoble nyeyjw puert ca', cate' bezla' Jesúsen' na' gozzeche' gachoḻ ḻegaque'. Na' gwne': ―Ḻe soa binḻo len xbab da' yo'o ḻo' yic̱hjlažda'olen'.

San Juan 3:17

Na' Diosen' gwseḻe' Xi'iṉen' yežlio nga gague cont gwnežjue' castigw c̱he xtoḻa' beṉac̱hen', san cont gwnežjue' yeḻa' mban c̱hegaque' toḻi tocaṉe.

Hechos 1:2

žinten cate' beyepe' yaba. Šlac bsed blo'ede' gwleje' postlw c̱he' ca', na' Spiritw c̱he Diosen' bzejni'in Criston', na' Criston' gože' ḻegaque' nac yesone'.

Hechos 1:8

Perw na' cate' yedesoa Spiritw c̱he'na' len le'e, gaclenen le'e len yeḻa' guac c̱henṉa' cont güe'le xtižan' ciuda Jerusalén ni, na' doxen ga mbane distritw Judean', na' distritw Samarian', na' doxen yežlion'.

2 Timoteo 2:2

Na' yogo' da' ba bendo' gwdix̱jue'eda' lao beṉe' zan, da' ca' bsed blo'en beṉe' yosozenag c̱hen do yic̱hj do laže'gaque', beṉe' ca' guac yosozejni'iden' beṉe' yoble.

Hebreos 3:1

Beṉe' migw, Diosen' ba gwleje' chio' naccho ḻo ne'e, na' cheyaḻa' goncho xbab c̱he Cristo Jesús ben' gwseḻe'. Naque' bx̱oz blao c̱hecho na' ben' chejnilaže'cho.

3 Juan 1:14

Zoa' lez yob yežagcho cont güe'cho diža' cho'a cate' soacho txen.