San Juan 20:17 - Dižaʼ güen c̱he ancho Jesucristo

¹⁷ Jesúsen' gože'ne': ―Bi gox̱o' neda', ḻe biṉa' yeyepa' gan' zoa X̱an'. Beyej len yezica'chle beṉe' ca' ba bosozenag xtižan' beṉe' ca' zjanaque' ca biše' zana', na' gožgaque' yeyepa' gan' zoa X̱an' ben' ḻecz naque X̱ale. Naque' Dios ben' chonxena' na' ḻecze naque' Dios ben' chonxenḻe.

San Juan 20:17 Iomraidhean Croise

San Mateo 12:50

Ḻe note'teze beṉe' chone' da' chnalaže' X̱a' Diosen' ben' zoa yaban', bena' nac beṉe' biša', beṉe' zana', ḻecze naque' xṉa'a.

San Mateo 25:40

Na' neda' naca' rey yape'gaca'ne': “Da' ḻi žia' le'e, beṉe' ca' chesejnilaže' neda' zjanaque' ca biša' na' ca zana'. Na' yogo' ṉi'a cate' beyaše'laže'le ḻegaque', ḻa'czḻa' bitec bi zjazaque' len beṉac̱hen', lencze nedan' beyaše'laže'le.”

San Mateo 28:7

Bedao' ḻe šjaya'ac ḻe šjaydix̱jue'e beṉe' ca' zjanaque' Jesúsen' txen ye'gaclene' ba bebane' ladjo beṉe' guat ca'. Na' ye'gaclene' gwyobech Jesúsen' yežine' Galilean' clel ca ḻegaque', na' Galilean' na' yesele'ede'ne'. Can' gwna Diosen' zedetix̱jue'eda' le'e.

San Marcos 12:26

Na' ca nac dan' yesyeban beṉe' guat ca', ¿biṉa' gwlable gan' bzoj da' Moisés, can' gož Diosen' ḻe' caten' boḻ güiže'ne' to ḻo yag yeše' dao' da' chey? Gože'ne': “Neda' naca' Dios ben' chonxen Abraham, ben' chonxen Isaac, na' ben' chonxen Jacob.”

San Marcos 16:19

Beyož bšaljlene' ḻegaque', X̱ancho Jesúsen' begüe' yaba, na' gwchi'e cuit Diosen' šḻa'a ḻicha.

San Lucas 10:4

Bitw gua'le bzod, ṉe mechw, ṉe yel, na' bi šele guaple beṉe' tiox beṉe' yežagle chanez.

San Juan 13:1

Na' Jesúsen' ba ṉezde' ba bžin ža yeze'e yežlion' na' yeyeje' gan' zoa X̱e' Diosen', na' gocde' yogo' beṉe' ba chejnilaže' ḻe' ḻo yežlio nga. Da'nan' za' gaḻa' ḻṉi pascon' bzejni'ide' beṉe' ca' zjanaque' ḻe' txen, ḻe chacyaṉe'czede' ḻegaque'.

San Juan 13:3

Na' Jesúsen' ṉezde' X̱en' ba bene' cont nape' ḻa'zelagüe yeḻa' chnabia', na' ṉezde' gan' zoa Diosen' gwze'e na' gan' zoe' nan' yeyeje'.

San Juan 14:2

Da' zan yo'o da' že' gan' zoa X̱a' Diosen'. Ba gwnia' le'e šaca' bibi latje de c̱hele, san yeya'a šjayenšagua' yo'o c̱he to tole.

San Juan 14:28

Ba benele gwnia' yeya'a gan' zoa X̱an' na' yida' da' yoble gan' zoale nga. Na' ša chaquelenda' ca cheyaḻa', nach chebele dan' yeya'a gan' zoa X̱an', ḻe X̱an' zaca'che' ca neda'.

San Juan 14:6

Jesúsen' gože'ne': ―Neda' naca' nezen' na' nsa'a yogo' diža' ḻi, na' toz neda' chac chnežjua' beṉe' yeḻa' mban toḻi tocaṉe. Ṉe toze beṉe' bi yežine' gan' zoa X̱an' še bi šejnilaže' neda'.

San Juan 16:28

Gan' zoa X̱a' Diosen' gwza'a na' ba bida' yežlio nga. Na' ṉa'a yeza' yežlio nga na' yeya'a gan' zoa X̱an'.

San Juan 17:11

’Na' ṉa'a bich soa' yežlio nga, perw beṉe' quinga chesejnilaže' neda' ṉita'cze' yežlio nga, na' neda' ba zeza' gan' zo'na'. X̱a', naco' ḻa'zelagüe beṉe' laždao' xilaže', na' chṉaba' gwc̱hino' yeḻa' chnabia' c̱hio' cont gwcuas gwcuižo' da' malen' len ḻegaque' cont ṉita'cze' yesaque' toze len ḻježgaque', ca chio' naccho toze.

San Juan 17:25

X̱a', naco' ḻa'zelagüe beṉe' chon da' zej to ḻicha. Na' ca nac beṉe' ca' bi chesejnilaže'nda', ḻecze bi zjanombi'e le', perw neda' nombi'a le', na' beṉe' ca' ba gwlejo' cont chesejnilaže' neda' zjaṉezde' len' gwseḻo' neda'.

San Juan 17:5

Na' ṉa'a X̱a', ben cont la'laon naca' beṉe' zaca' juisyw cate' yela'a gan' zon', doxen can' blo'elaon cate' gwzoa' len le' cate' za' x̱ete yežlion'.

San Juan 20:27

Nach gože' Tomásen': ―Gwṉa' ḻo' taca' quinga na' bzeben xbenon'. Na' bzebe naon' cuit ḻi'a nga cont šejḻi'o. Na' bich gaco' beṉe' bi chejḻe', san šejḻi'o.

San Juan 7:33

Nach Jesúsen' bsed blo'echde' beṉe' ca' že'na', gwne': ―Soacha' yeto tiemp dao' len le'e nach yeya'a gan' zoa ben' gwseḻa' neda'.

Romanos 8:29

Cate' biṉa' galjcho Diosen' gwṉezde' šejnilaže'chone' na' bsi'e xṉezen' gac yic̱hjlažda'ochon' güen can' nac yic̱hjlaždao' Xi'iṉe' Jesucriston'. Bsi'e xṉezen' gac Jesucriston' beṉe' blao lao yogo'cho na' chio' gaccho ca biše' ḻježe' bi' xcuide'ch.

2 Corintios 6:18

Na' gaca' X̱ale, na' le'e gacle xi'iṉa'. Can' ža X̱ancho Dios ben' nape ḻa'zelagüe yeḻa' guac xen.

Gálatas 3:26

Yogo' chio' chejnilaže'cho Cristo Jesúsen' naccho xi'iṉ Dios.

Hebreos 11:16

Gosezelaže' yesyežine' yaban', ḻe gosejḻe'e na'len' nac lažgaque', na' goseṉezde' nacchen güench ca yežlion'. Da'nan' Diosen' bi cheto'ede' c̱hegaque' že' naque' Dios ben' chesonxene', na' ba benšagüe' to ciuda gan' zjanite'.

Hebreos 8:10

Na' quinga gona' gaclena' xi'iṉ diaža c̱he le'e nacle beṉe' Israelen' cate' žin ža: Neda' X̱anḻe Dios gona' cont šo' yic̱hjgaque' da' nona' mandadw yesone', na' gona' cont yesyebeden' ḻo' yic̱hjlažda'ogaquen', na' toza' neda' yesejnilaže', na' ḻegaque' yesaque' nación c̱hia'.

1 Pedro 1:3

Cheyaḻa' gonxencho Diosen'. Ḻe' naque' X̱a X̱ancho Jesucriston', na' X̱ancho Jesucriston' ḻecze chonxene' ḻe'. Ḻeca cheyaše' cheži'ilaže' Diosen' chio', na' da'nan' bocobe' yic̱hjlažda'ochon' na' bene' cont zoacho lez šjayzoacho len ḻe', ḻe Jesucriston' beyas bebane' ladjo beṉe' guat ca'.

1 Juan 3:2

Xi'iṉda'ogua', chio' chejnilaže'cho Jesucriston' bac̱h naccho xi'iṉ Dios. Na' biṉa' gata'bia' nac gaccho. Con ṉezecho caten' Jesucriston' yide' da' yoble canan' le'echwne' can' naque' na' yeyac yic̱hjlažda'ochon' can' nac yic̱hjlaždao' le'.

Apocalipsis 21:3

Na' do gan' chi' Diosen' chnabi'e benda' gwṉe to beṉe' zižje, gwne': ―Gwṉa'šc, Diosen' ba betje' zoalene' beṉac̱h. Soateze' len ḻegaque', ḻe gwleje' ḻegaque' cont zjanaque' yež c̱he', na' yesonxene'ne'.

Apocalipsis 21:7

Na' beṉe' chesejnilaže' neda', še ba gosezoede' bi yesebejyic̱hje' xtižan', gac c̱hegaque' yogo' da' šagüe' da' ba bia' diža' c̱hen, na' yesonxene' neda', na' gwlo'a zjanaque' xi'iṉa'.