San Juan 2:23 - Dižaʼ güen c̱he ancho Jesucristo

²³ Šlac gwzoa Jesúsen' Jerusalénṉa' ḻo ḻṉi pascon' beṉe' zan besele'ede' yeḻa' guac ca' dan' benen' na' gosejḻe'e naque' beṉe' gwseḻa' Dios.

San Juan 2:23 Iomraidhean Croise

San Lucas 8:13

Na' biṉ dan' besego'oṉ ga nac ḻo yej zjanaquen ca beṉe' chesyebede' xtiža' Diosen', perw zjanaque' ca to da' bibi loe chon, šložga chesejḻe'e c̱he xtiža' Diosen', na' cate' chac bi da' mal c̱hegaque' ḻa' chesebejyic̱hjte' xtižen'.

San Juan 11:45

Na' zan beṉe' Jerusalén ca' beṉe' ja'aclene' Marían' besele'ede' yeḻa' guac da' ben Jesúsen' na' gosejnilaže'ne'.

San Juan 2:11

Da' nga ben Jesúsen' yež Caná distritw Galilea goquen yeḻa' guac nechw da' bene' cont blo'e naque' beṉe' zaca'chgua, nach beṉe' ca' gwleje' cont gosaque' ḻe' txen gosejnilaže'ne'.

San Juan 2:13

Na' ba zoa gaḻa' ḻṉi c̱he neto' beṉe' Israel da' nzi' pascw, nach Jesúsen' gwyeje' Jerusalén len beṉe' ca' zjanaque' ḻe' txen.

San Juan 3:2

Gwyeje' lao Jesúsen' šeže'le na' gože'ne': ―Maestrw, ṉezeto' Diosen' gwseḻe' le' cont chzejni'ido' neto', ḻe nono gac gon yeḻa' guac ca' dan' chonon' še bi zoa Diosen' len ḻe'.

San Juan 4:45

Na' cate' besežine' Galilean' beṉe' gualaž c̱hegaquen' bosolebe' Jesúsen' dan' ba besele'ede' yogo' da' güen da' bene' Jerusalénṉa' ḻo ḻṉin', ḻe lencze ḻegaque' ja'aque' ḻṉina'.

San Juan 5:36

Na' de to da' choe' xtiža' da' zaca'ch ca diža' da' choe' Juanṉa' c̱hia': chona' yogoḻoḻ da' ba gwlo'o X̱an' ḻo na' gona', na' da' ca' chonan' choen' diža' ḻe X̱an' gwseḻe' neda'.

San Juan 6:14

Cate' beṉe' ca' besele'ede' yeḻa' guac dan' benen' nach gosene': ―Da' ḻi bengan' choe' xtiža' Dios na' naque' ben' ba gwlezcho seḻa' Diosen' yežḻio nga.

San Juan 6:2

Na' beṉe' zan zjanao' Jesúsen' da' ba besele'ede' yeḻa' guac dan' chonen' cheyone' beṉe' güe' ca'.

San Juan 7:31

Na' beṉe' zan gosejḻe'e Jesúsen' naque' beṉe' gwseḻa' Dios, na' gosene': ―Cate' yid Criston' ¿gonche' yeḻa' guac da' zaca'ch ca da' chon benga?

Gálatas 5:6

Ca nac chio' chejnilaže'cho Cristo Jesúsen', bitw bi nonen len Diosen' še ba zoacho señw da' nzi' circuncisión o še cbi zoachon. Ḻe dan' naquen da' žialao xen len Diosen', soateze soacho šejnilaže'cho Criston' na' gaque ḻježcho cont gacbia' chejnilaže'chone'.

1 Juan 3:23

Na' da' nga Diosen' nžie' bia' goncho, šejnilaže'cho Xi'iṉe' Jesucriston' do yic̱hj do laže'cho na' gaque ḻježcho tocho yetocho, con can' nžie' bia'.