San Juan 17:5 - Dižaʼ güen c̱he ancho Jesucristo

⁵ Na' ṉa'a X̱a', ben cont la'laon naca' beṉe' zaca' juisyw cate' yela'a gan' zon', doxen can' blo'elaon cate' gwzoa' len le' cate' za' x̱ete yežlion'.

San Juan 17:5 Iomraidhean Croise

San Mateo 25:34

Na' neda' naca' rey yapa' beṉe' ca' nita' šḻa'a ḻichan': “Ba ben X̱a' Diosen' cont le'e soale mbalaz. Ḻe da nga cont gona' ṉabia'le txen len neda' can' ba nžia bia' Diosen' cate' gwxete yežlio.

San Juan 1:18

Nono ṉa' soa beṉe' ba ble'ede' Diosen'. Toz ben' nac dogualje Xi'iṉ Dios beṉe' tliša' ba bzejni'ide' chio' beṉac̱h can' nac yic̱hjlaždao' Diosen', ḻe chacchgüe Diosen' ḻe'.

San Juan 10:30

Neda' na' X̱an' toz beṉe' nacto'.

San Juan 14:9

Jesúsen' gože'ne': ―Felipe, sša xen ba gwzoa' nga len le'e na' ¿biṉa' gombi'o neda'? Note'tez beṉe' ba ble'e neda' ḻencze X̱an' ba ble'ede'. ¿Bixc̱hen' chṉabo' gona' cont le'ele X̱an'?

San Juan 17:1

Beyož gwna Jesúsen' da' ca' nach gwṉe'e yabale na' gwne': ―X̱a', ba bžin hor gac c̱hia' dan' ba bžio' bia' gac. Ben cont nacbia' nedan' Xi'iṉo' naca' beṉe' zaca' juisyw cont neda' gona' ga gacbia' le' naco' beṉe' zaca' juisyw.

San Juan 17:24

’X̱a', chacdo' neda' cate' biṉa' x̱e yežlio nga na' nono' neda' beṉe' zaca' juisyw. Na' chaclaža' beṉe' quinga gwlejo' chesejnilaže' neda' yedyesenite' len neda' gan' yedyesoan' cont yesele'ede' naca' beṉe' zaca' juisyw.

San Juan 3:13

’Toze neda' naca' ben' gwseḻa' Diosen' golja' beṉac̱h za'a yaba na' noch no zoa no ba beyep yaba cont ṉezde' c̱he Diosen'.

San Juan 8:58

Jesúsen' gože' ḻegaque': ―Chnia' le'e to da' zejen, ba zoacza' neda' cate' biṉa' galje Abrahanṉa'.

Filipenses 2:6

Ḻe ḻa'czḻa' naque' Dios, bzande' yeḻa' chnabia' c̱he' na' yeḻa' bala'aṉ xen c̱he' dan' nape' lagüe da' naque' toz len X̱e' Diosen' cont bide' golje' beṉac̱h.

Hebreos 1:10

Na' da' yoble gozna Diosen' c̱he Xi'iṉen': X̱ana' Dios, beno' yežlion' ža gwlaste, na' yogo' da' chle'echo ḻe'e yaban' ḻecze le' benon'.

Hebreos 1:3

Na' Xi'iṉ Diosen' chlo'e catec beṉe' zaca' nac Diosen', ḻe cayaṉe' nac yic̱hjlaždao' X̱e' Diosen' nac yic̱hjlažda'ogüen'. Na' Xi'iṉ Diosen' chone' cont yaban', yežlion' na' da' ca' chle'echo ḻe'e yaban' na' yežlion' chesonen žin, ḻe nape' yeḻa' guac cont chac con can' že'. Ḻen' bzanḻaže' cuine' gote' cont bexi beyach chio' len xtoḻa'chon'. Na' beyož bene' ca' beyepe' yaban' zjaychi'e cuit X̱e' Diosen' ben' nac beṉe' zaca' juisyw na' chnabi'e txen len ḻe'.

1 Pedro 1:20

Za' x̱e yežlion' Diosen' gwleje' Criston' cont bnežjw cuine' ṉec̱he xtoḻa'chon'. Na' Diosen' gwseḻe'ne' nga ṉa'a ba zoa te c̱he yežlion' cont chaclene' chio'.

1 Pedro 1:21

Na' Criston' chone' cont zoacho chejnilaže'cho Diosen'. Na' Dios nan' bosbane' Criston' ladjo beṉe' guaten' na' blo'e nac Xi'iṉe' Criston' beṉe' zaca' juisyw. Nachen' zoacho chejnilaže'cho Diosen' na' zoacho lez gon Diosen' güen len chio'.

1 Juan 1:2

Ḻen' golje' beṉac̱h na' ble'eto'ne' na' choe'to' diža' žato' mbancze'. Chyix̱jue'eto' le'e ba zoacze' len X̱acho Diosen' caten' gwxe yežlion' na' bedesoalene' chio' beṉac̱h.

Apocalipsis 13:8

Na' yogo' beṉe' že' yežlion' beṉe' bi zjanyoj lagaque' ḻe'e libr c̱he Jesucriston', gosonxene' bežen'. Ḻe cate' gwxete yežlion' Jesucriston' bzoje' ḻe'e libr c̱he' la yogo' beṉe' ṉezde' gata' yeḻa' mban c̱hegaque' toḻi tocaṉe, Jesucristw ben' zaca'lebde' ca xila' dao' be gosot beṉe' gualaž c̱heto' ṉec̱he xtoḻa'gaque'.

Apocalipsis 3:21

Na' note'tezle še soele bi cuejyic̱hjle xtižan', žin ža gona' cont cue'lenḻe neda' gan' chi'a chnabi'a. Can' bena' neda', gwzoeda' cont bena' can' gwna X̱an' nach chi'lena'ne' chnabia'to' txen.